ଋାହୁଲଙ୍କୁ ଚେତାବନୀ ଦେଲେ ଆସାମ ମୁଖ୍ୟମନ୍ତ୍ରୀ, କହିଲେ ସେନାକୁ ନେଇ କିିଛି.....

Published: Tuesday, May 28, 2024, 17:51 [IST]

ନୂଆଦିଲ୍ଲୀ: ଦେଶରେ ସପ୍ତମ ପର୍ଯ୍ୟାୟ ମତଦାନକୁ ନେଇ ଏବେ ରାଜନୈତିକ ମାହୋଲ ରହିଛି ବେସ୍ ଉଷ୍ମ । ଜୋରାଦାର ପ୍ରଚାର କରୁଛନ୍ତି ନେତା । କେନ୍ଦ୍ର ସରକାରଙ୍କ ଉପରେ ଘନ ଘନ ଟାର୍ଗେଟ କରୁଛି କଂଗ୍ରେସ । ବିଶେଷ କରି ଲୋକସଭା ନିର୍ବାଚନ ମଧ୍ୟରେ ଅଗ୍ନିବୀର ଯୋଜନାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରୁଛି କଂଗ୍ରେସ । ରାହୁଲ ଗାନ୍ଧୀ ତାଙ୍କ ଭାଷଣରେ ଏହି ଯୋଜନାର ନିରନ୍ତର ଆଲୋଚନା କରିଚାଲିଛନ୍ତି । ବର୍ତ୍ତମାନ ବିଜେପି ରାହୁଲ ଗାନ୍ଧୀଙ୍କୁ ତାଙ୍କ ସମାଲୋଚନାର ଜବାବ ଦେଇଛି ।

ବିଜେପି କହିଛି ଯେ ରାହୁଲ ଗାନ୍ଧୀ ପ୍ରଥମେ ସେନାରେ କାର୍ଯ୍ୟ କରନ୍ତୁ, ସେନାକୁ ବୁଝନ୍ତୁ , ତା'ପରେ ଯାଇ ଅଗ୍ନିବୀର ଯୋଜନା ବିଷୟରେ ଆଲୋଚନା କରିବେ । କଂଗ୍ରେସ ଦଳ ତ ସେନାକୁ ବୁଲେଟପ୍ରୁଫ୍ ଜ୍ୟାକେଟ୍ ଏବଂ ଗୁଳି ମଧ୍ୟ ଦେଇନଥିଲା । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱା ଶର୍ମା କହିଛନ୍ତି ଯେ, ଅଗ୍ନିବୀର ଯୋଜନା ଅନୁଯାୟୀ ଲୋକମାନେ ପ୍ରଥମେ ସେନାରେ ଚାକିରି ପାଇବେ ଏବଂ ପରେ ରାଜ୍ୟ ପୁଲିସରେ ଚାକିରି କରିବେ ।

ଏହି ଯୋଜନାକୁ ଯୁବକମାନେ ପସନ୍ଦ କରନ୍ତି, ସେଥିପାଇଁ ଏତେ ସଂଖ୍ୟକ ଯୁବକ ଇଣ୍ଟରଭିଉ ଦେବାକୁ ଆସୁଛନ୍ତି । ରାହୁଲ ଗାନ୍ଧୀଙ୍କୁ ଟାର୍ଗେଟ କରି ସେ କହିଛନ୍ତି ଯେ, ରାହୁଲ ସେନାରେ ଯୋଗ ଦେଇ ପାରିବେ ନାହିଁ କିମ୍ବା ଅଗ୍ନିବୀର ହୋଇପାରିବେ ନାହିଁ । ସେ ନିଜେ ରୋଜଗାର କରି ଖାଇ ପାରିବେ ନାହିଁ । ସେ ତାଙ୍କ ମା'ଙ୍କ ଉପରେ ବୋଝ । ସେ ଦେଶଦ୍ରୋହ କାର୍ଯ୍ୟ କରୁଛନ୍ତି । ମୁଁ ତାଙ୍କୁ ଚେତାବନୀ ଦେଉଛି ଯେ, ସେ ସେନା ବିଷୟରେ କିଛି ଭୁଲ ନକହନ୍ତୁ ।

Published On May 28, 2024