କୋର୍ଟରେ ହାଜର ହେଲେନି ରାହୁଲ, ଅଦାଲତ ଲଗାଇଲେ ୨୦୦ଟଙ୍କା ଫାଇନ୍‌, ଜାଣନ୍ତୁ ପୂରା ଘଟଣା....

ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌର ଏସିଜେଏମ୍ କୋର୍ଟ ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧିଙ୍କ ଉପରେ ବର୍ଷିଛନ୍ତି । ସାବରକରଙ୍କ ବିରୋଧରେ ଅପମାନଜନନ ବୟାନ ଦେବା ମାମଲାରେ ରାହୁଲଙ୍କୁ ଆଜି କୋର୍ଟରେ ହାଜର ହେବାର ଥିଲା । କାରଣ ଏ ସଂକ୍ରାନ୍ତରେ ଶୁଣାଣି ଆଜି ହୋଇଥାନ୍ତା ।

କିନ୍ତୁ ରାହୁଲ ଗାନ୍ଧି କୋର୍ଟରେ ହାଜର ନ ହେବା କାରଣରୁ ଏସିଜେଏମ୍ କୋର୍ଟ ରାହୁଲଙ୍କ ପ୍ରତିପକ୍ଷ ଓକିଲଙ୍କୁ ତାଗିଦ୍ କରିବା ସହ ୨୦୦ ଟଙ୍କାର ଜରିମାନା ଲଗାଇଛନ୍ତି । ୨୦୨୨ ମସିହାରେ, ଓକିଲ ନୃପେନ୍ଦ୍ର ପାଣ୍ଡେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ବିରୁଦ୍ଧରେ ଫୌଜଦାରୀ କାର୍ଯ୍ୟବିଧି ସଂହିତା (CRPC) ଧାରା ୧୫୬ (୩) ଅନୁଯାୟୀ ଅଭିଯୋଗ ଦାଖଲ କରିଥିଲେ।

ଅଭିଯୋଗର ଶୁଣାଣି କରିବା ସମୟରେ, କୋର୍ଟ ରାହୁଲ ଗାନ୍ଧୀଙ୍କୁ ସମନ ଜାରି କରାଯାଇଥିଲା। ସୂଚନା ମୁତାବକ ଓକିଲ ନୃପେନ୍ଦ୍ର ପାଣ୍ଡେଙ୍କ ଅଭିଯୋଗ ଥିଲା ଯେ, ରାହୁଲ ଗାନ୍ଧୀ ୧୭ ଡିସେମ୍ବର, ୨୦୨୨ରେ ମହାରାଷ୍ଟ୍ରର ଆକୋଲାରେ ଏକ ସାମ୍ବାଦିକ ସମ୍ମିଳନୀ ସମୟରେ ବୀର ସାଭରକରଙ୍କୁ 'ବ୍ରିଟିଶଙ୍କ ଦାସ' ଏବଂ 'ପେନସନଭୋଗୀ' ବୋଲି କହିଥିଲେ।

୫ ମାର୍ଚ୍ଚ , ୨୦୨୫ରେ ଶୁଣାଣି ସମୟରେ, ରାହୁଲ ଗାନ୍ଧୀଙ୍କ ପକ୍ଷରୁ, ତାଙ୍କ ଓକିଲ ପ୍ରାଂଶୁ ଅଗ୍ରୱାଲ କୋର୍ଟରେ ଏକ ଆବେଦନ ଦାଖଲ କରିଥିଲେ, ଯେଉଁଥିରେ ସେ ଆଜି ବ୍ୟକ୍ତିଗତ ଭାବରେ ହାଜର ନହେବାର କାରଣ ଦର୍ଶାଇଥିଲେ। ରାହୁଲ ଗାନ୍ଧୀଙ୍କ ପକ୍ଷରୁ ଦାୟର ଆବେଦନରେ କୁହାଯାଇଛି ଯେ ସେ ବର୍ତ୍ତମାନ ସଂସଦରେ ବିରୋଧୀ ଦଳ ନେତା।

ତାଙ୍କର ଜଣେ ବିଦେଶୀ ପ୍ରତିଷ୍ଠିତ ବ୍ୟକ୍ତିଙ୍କ ସହ ପୂର୍ବ ନିର୍ଦ୍ଧାରିତ ସାକ୍ଷାତ ଥିଲା। ଏହା ବ୍ୟତୀତ ଅନ୍ୟ ସରକାରୀ କାମରେ ବ୍ୟସ୍ତ ଥିବାରୁ ସେ କୋର୍ଟରେ ହାଜର ହୋଇପାରିଲେ ନାହିଁ। ସେ କୋର୍ଟଙ୍କ ନିର୍ଦ୍ଦେଶକୁ ସମ୍ମାନ କରନ୍ତି ଏବଂ ଜାଣିଶୁଣି କୋର୍ଟରେ ହାଜର ହେବାକୁ ଏଡାଇବାକୁ ଚେଷ୍ଟା କରୁନାହାଁନ୍ତି।