ରାହୁଲ ଗାନ୍ଧୀ ବଦଳାଇଲେ ତାଙ୍କ ଯାତ୍ରାର ନାଁ, ଜାଣନ୍ତୁ ରାହୁଲ କଣ ରଖିଲେ ନାଁ
ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ନେତା ରାହୁଲ ଗାନ୍ଧୀ ପୁଣିଥରେ ଯାତ୍ରା କରିବାକୁ ଯାଉଛନ୍ତି । ଜାନୁଆରୀ ୧୪ ରୁ ଆରମ୍ଭ ହେବାକୁ ଥିବା ଏହି ଯାତ୍ରାର ନାମ ଥିଲା ଭାରତ ନ୍ୟାୟ ଯାତ୍ରା । କିନ୍ତୁ ଏହି ଯାତ୍ରାର ନାମ କୁ ରାହୁଲ ବର୍ତ୍ତମାନ ବଦଳାଇଛନ୍ତି । ଆଉ ବର୍ତ୍ତମାନ ଏହି ଯାତ୍ରାର ନାମ ରହିଛି 'ଭାରତ ଯୋଡୋ ନୟା ଯାତ୍ରା' । ଏହି ସୂଚନା ଦେଇଛନ୍ତି କଂଗ୍ରେସ ନେତା ଜୟରାମ ରମେଶ ।
ଜୟରାମ ରମେଶ କହିଛନ୍ତି, "ଏହି ଯାତ୍ରା ମଣିପୁରର ରାଜଧାନୀ ଇମ୍ଫାଲରୁ ଆରମ୍ଭ ହେବ । ଏହି ଯାତ୍ରା ଜାନୁଆରୀ ୧୪ ତାରିଖ ମଧ୍ୟାହ୍ନ ୧୨ ଟାରୁ ଆରମ୍ଭ ହେବ । କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେଏହି ଯାତ୍ରାକୁ ପତାକା ଦେଖାଇବେ ।" ସେ କହିଛନ୍ତି ଯେ ରାହୁଲ ଗାନ୍ଧୀ ଏହି ଗସ୍ତ ସମୟରେ ସାମାଜିକ, ଅର୍ଥନୈତିକ ଏବଂ ରାଜନୈତିକ ନ୍ୟାୟ ଉପରେ ନିଜର ମତ ଜନସାଧାରଣଙ୍କ ନିକଟରେ ଉପସ୍ଥାପନ କରିବେ ।
ଏହି ଯାତ୍ରା ୧୧୦ ଟି ଜିଲ୍ଲା ଦେଇ ଗତି କରିବ
ଜୟରାମ କହିଛନ୍ତି ଯେ ୬,୭୦୦ କିଲୋମିଟର ଲମ୍ବା ଯାତ୍ରା ୧୫ ଟି ରାଜ୍ୟ ଦେଇ ଯିବ । ଏହି ସମୟ ମଧ୍ୟରେ ରାହୁଲ ଗାନ୍ଧୀ ବସ୍ ଏବଂ ପାଦରେ ଯାତ୍ରା କରିବେ । ଏହି ଯାତ୍ରା ସମୟରେ ଇଣ୍ଡିଆ ଗଠବନ୍ଧନରେ ସାମିଲ ଥିବା ଦଳ ଗୁଡ଼ିକୁ ନିମନ୍ତ୍ରଣ ମଧ୍ୟ କରାଯିବ । କଂଗ୍ରେସ ନେତା ଆହୁରି କହିଛନ୍ତି ଯେ ରାହୁଲ ଗାନ୍ଧୀ ୬୭ ଦିନ ମଧ୍ୟରେ ଭାରତ ଯୋଡୋ ନୟା ଯାତ୍ରା ଅଧୀନରେ ୬୭୧୩ କିଲୋମିଟର ଯାତ୍ରା କରିବେ ।
ଏହି ଯାତ୍ରା ୧୫ ଟି ରାଜ୍ୟର ୧୧୦ ଟି ଜିଲ୍ଲା ଦେଇ ଗତି କରିବ । ୧୦୦ ଲୋକସଭା ଆସନ ଏହା ଅଧୀନରେ ଆସିବ । ଆଉ ରାହୁଲ ଗାନ୍ଧୀଙ୍କ ଯାତ୍ରା ମୁମ୍ବାଇରେ ଶେଷ ହେବ । ସେ ଆହୁରି ସୂଚନା ଦେଇ କହିଛନ୍ତି ଯେ ଗୁରୁବାର (ଜାନୁଆରୀ ୪) ରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେ ଏବଂ ରାହୁଲ ଗାନ୍ଧୀ ଏକ ବୈଠକ କରିଛନ୍ତି । ଏହି ବୈଠକରେ ୨୦୨୪ ନିର୍ବାଚନ ପାଇଁ ପ୍ରସ୍ତୁତି ଏବଂ ମଣିପୁରରୁ ମୁମ୍ବାଇ ମଧ୍ୟରେ ରାହୁଲ ଗାନ୍ଧୀଙ୍କ ଯାତ୍ରା ଉପରେ ଆଲୋଚନା କରାଯାଇଥିଲା । ଏହି ବୈଠକରେ କଂଗ୍ରେସର ସମସ୍ତ ରାଜ୍ୟ ସଭାପତି ମଧ୍ୟ ଉପସ୍ଥିତ ଥିଲେ ।
Click it and Unblock the Notifications
Sign in with Google