କଂଗ୍ରେସ ସହ ସୋନିଆ ଗାନ୍ଧିଙ୍କ ଉପରେ ବର୍ଷିଲେ ନରସିଂହ ରାଓଙ୍କ ଭାଇ, କହିଲେ କଂଗ୍ରେସ ଦେଇନଥିଲା .....

ନୂଆଦିଲ୍ଲୀ : ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଅନ୍ତିମ ସଂସ୍କାରକୁ ନେଇ ରାଜନୀତି ଚରମ ସୀମାରେ ରହିଛି ଏବଂ ଭାଜପା ଏବଂ କଂଗ୍ରେସ ପରସ୍ପର ଉପରେ ଆକ୍ରମଣ କରୁଛନ୍ତି। ଗୋଟିଏ ପଟେ କଂଗ୍ରେସ ନିଗମ ବୋଧ ଘାଟରେ ବିଶୃଙ୍ଖଳା ଅଭିଯୋଗ କରିଥିବାବେଳେ ଭାଜପା ଏହାର ଉତ୍ତର ଦେଇ ଶସ୍ତା ରାଜନୀତି କରୁଛି ବୋଲି କହିଛି। ପ୍ରଥମେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜିଙ୍କ ଝିଅ ଶର୍ମିଷ୍ଠା ମୁଖାର୍ଜି କଂଗ୍ରେସକୁ ଟାର୍ଗେଟ କରିବା ପରେ ଏବେ ପୂର୍ବତନ ପ୍ରଧାନମନ୍ତ୍ରୀ ପିଭି ନରସିଂହରାଓଙ୍କ ପରିବାର ଲୋକେ ବି କଂଗ୍ରେସକୁ କଡ଼ା ସମାଲୋଚନା କରିଛନ୍ତି ।

ନରସିଂହ ରାଓଙ୍କ ଭାଇ ମନୋହର ରାଓ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ କଂଗ୍ରେସ ୨୦ ବର୍ଷ ପଛକୁ ଚାହିଁ ସେମାନଙ୍କ ନେତା ପି.ଭି ନରସିଂହ ରାଓଙ୍କୁ କେତେ ସମ୍ମାନ ଦେଇଛି ତାହା ଦେଖିବା ଉଚିତ୍। ଏପରିକି ସୋନିଆ ଗାନ୍ଧୀ ତାଙ୍କ ଅନ୍ତିମ ସଂସ୍କାରରେ ଯୋଗ ଦେଇନଥିଲେ। ମନୋହର ରାଓ କହିଛନ୍ତି ଯେ ନରସିଂହ ରାଓଙ୍କ ପାଇଁ କଂଗ୍ରେସ ଦଳୀୟ କାର୍ଯ୍ୟାଳୟର ତାଲା ମଧ୍ୟ ଖୋଲିନଥିଲା। ମନମୋହନ ସିଂହଙ୍କ ସ୍ମାରକୀ ପାଇଁ ବିଜେପି ନିଶ୍ଚିତ ଭାବେ ଜମି ଦେବ। କିଛି ଔପଚାରିକତା ରହିଛି, ଯାହାକୁ କଂଗ୍ରେସକୁ ପୂରଣ କରିବାକୁ ପଡ଼ିବ। ସ୍ମାରକୀ ପାଇଁ ବିଜେପି ନିଶ୍ଚିତ ଭାବେ ଜମି ଦେବ। ନରସିଂହ ରାଓ ଓ ମନମୋହନ ସିଂହଙ୍କ ଯୋଡ଼ି ଗୁରୁ-ଶିଷ୍ୟଙ୍କ ଯୋଡ଼ି ବୋଲି ସେ କହିଛନ୍ତି।

ସେ ଆହୁରି ମଧ୍ଯ କହିଛନ୍ତି ଯେ କଂଗ୍ରେସ ତାଙ୍କ ପାଇଁ ଗୋଟିଏ ବି ପ୍ରତିମୂର୍ତ୍ତି ନିର୍ମାଣ କରି ନାହିଁ କିମ୍ବା ତାଙ୍କୁ ଭାରତ ରତ୍ନ ମଧ୍ଯ ଦେଇନାହିଁ। ଅପରପକ୍ଷରେ ପିଭି ନରସିଂହ ରାଓଙ୍କ ନାତି ଏନ.ଭି ସୁଭାଷ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ୨୦ ବର୍ଷ ପରେ ମଧ୍ୟ କଂଗ୍ରେସ କୌଣସି ସମ୍ମାନ ଦେଇନାହିଁ। ରାହୁଲ ଗାନ୍ଧୀଙ୍କର କହିବାର ଅଧିକାର ନାହିଁ। ଆପଣ ପ୍ରଣବ ମୁଖାର୍ଜୀଙ୍କୁ ମଧ୍ୟ ସମ୍ମାନ ଦେଇନାହାଁନ୍ତି। ସେ ଆହୁରି ମଧ୍ୟ କହିଛନ୍ତି ଯେ ପିଭି ନରସିଂହ ରାଓ ଅଧିକାଂଶ ସମୟ ଦିଲ୍ଲୀରେ ଅତିବାହିତ କରିଥିଲେ ତଥାପି କଂଗ୍ରେସ ହାଇଦ୍ରାବାଦରେ ତାଙ୍କ ସ୍ମାରକୀ ନିର୍ମାଣ କରିବାକୁ ଚେଷ୍ଟା କରିଥିଲା।