ଆସ୍ଥା ଭୋଟରେ ବିଜୟୀ ହେଲେ ଭଗୱନ୍ତ ମାନ

ପଞ୍ଜାବ ବିଧାନସଭାରେ ଆସ୍ଥା ଭୋଟରେ ବିଜୟୀ ହେଲା ଆପ୍ । ଆସ୍ଥା ଭୋଟ୍‌ ସମୟରେ ସରକାରଙ୍କ ସପକ୍ଷରେ 92ଟି ଭୋଟ ପଡ଼ିଛି ।

Published: Monday, October 3, 2022, 23:00 [IST]

ଚଣ୍ଡିଗଡ଼: ପଞ୍ଜାବ ବିଧାନସଭାରେ ଆସ୍ଥା ଭୋଟରେ ବିଜୟୀ ହେଲା ଆପ୍ । ଆସ୍ଥା ଭୋଟ୍‌ ସମୟରେ ସରକାରଙ୍କ ସପକ୍ଷରେ 92ଟି ଭୋଟ ପଡ଼ିଛି । ବିଧାନସଭାରେ ବିଶ୍ବାସମତ ସାବ୍ୟସ୍ତ ହେବାପରେ ସୋମବାର ଏହି ସ୍ବତନ୍ତ୍ର ବିଧାନସଭା ଅଧିବେଶନ ଶେଷ ହୋଇଛି ।

ଆଜି ବିଧାନସଭା ଅଧିବେଶନ ଆରମ୍ଭରୁ ହିଁ ଆପର ଆସ୍ଥା ଭୋଟକୁ ବିରୋଧ କରିଥିଲେ କଂଗ୍ରେସ ବିଧାୟକ । ତେବେ କିଛି ସମୟରେ ଗୃହ ଶାନ୍ତ ପଡ଼ିବା ସହିତ ଗୃହକାର୍ଯ୍ୟ ଆଗକୁ ବଢିଥିଲା । ପଞ୍ଜାବରେ ଥିବା ଅସଲ ମୁଦ୍ଦାକୁ ଭୁଲି ଆପ୍‌ ବିଶ୍ବାସମତ ପ୍ରସ୍ତାବ ରଖୁଥିବା ଅଭିଯୋଗ କରିଥିଲେ କଂଗ୍ରେସ ବିଧାୟକ ପ୍ରତାପ ସିଂହ ବାଜୱା ।

ବିଶ୍ବାସମତ ପାଇଁ 117 ସଦସ୍ୟ ଥିବା ପଞ୍ଜାବ ବିଧାନସଭାରେ ବିଧାୟକଙ୍କ ସଂଖ୍ୟାକୁ ଦୃଷ୍ଟିରେ ଭୋଟ ପାଇଁ ସମୟ ଧାର୍ଯ୍ୟ ହୋଇଥିଲା । ଆପ୍‌ 92ଟି ଭୋଟରେ ବିଜୟୀ ହୋଇଥିବା ବେଳେ, କଂଗ୍ରେସ 18, ଅକାଳୀ ଦଳକୁ 3 ଓ ବିଜେପିକୁ 2ଟି ଭୋଟ୍‌ ଯାଇଥିବା ବେଳେ ବିଏସ୍‌ପି ନିକଟରେ ମାତ୍ର ଗୋଟିଏ ଭୋଟ ରହିଥିଲା । ଜଣେ ନିର୍ଦ୍ଦଳୀୟ ବିଧାୟକ ରହିଥିଲେ । ସେପ୍ଟେମ୍ବର 27 ତାରିଖରେ ବିଧାନସଭା ଆରମ୍ଭ ହେବାପରେ ମୁଖ୍ୟମନ୍ତ୍ରୀ ଭାଗୱନ୍ତ ମାନ ଗୃହରେ ଆସ୍ଥା ଭୋଟ୍‌ ପ୍ରସ୍ତାବ ରଖିଥିଲେ । ସେପଟେ ଆସ୍ଥା ଭୋଟ୍‌ ପୂର୍ବରୁ ଅନ୍ୟ ମୁଦ୍ଦା ଉପରେ ଚର୍ଚ୍ଚା କରିବା ପାଇଁ କଂଗ୍ରେସ ବିଧାୟକଙ୍କ ଦାବି ରହିଥିଲା।

Published On October 3, 2022