G-20 ଶିଖର ସମ୍ମିଳନୀ 2023: ଚୀନ୍ ରାଷ୍ଟ୍ରପତି ଜିନପିଙ୍ଗଙ୍କ ସ୍ଥାନରେ ଭାରତ ଆସିବେ ପ୍ରଧାନମନ୍ତ୍ରୀ ଲି. କିଆଙ୍ଗ

G20 Summit India: ଭାରତର ରାଜଧାନୀ ନୂଆଦିଲ୍ଲୀରେ ଆୟୋଜିତ ହେବାକୁ ଥିବା ଜି-20 ଶିଖର ସମ୍ମିଳନୀରେ ଚୀନ୍ ରାଷ୍ଟ୍ରପତି ସି. ଜିନପିଙ୍ଗଙ୍କ ସ୍ଥାନରେ ପ୍ରଧାନମନ୍ତ୍ରୀ ଲି. କିଆଙ୍ଗ ଯୋଗଦେବା ନେଇ ସୂଚନା ରହିଛି । ଚୀନ୍‌ର ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ ସୋମବାର ସେପ୍ଟେମ୍ବର 4ରେ ଏହି ସୂଚନା ଦେଇଛନ୍ତି । ଜି -20 ଶିଖର ସମ୍ମିଳନୀ ସେପ୍ଟେମ୍ବର ୯ ଏବଂ ୧୦ ତାରିଖରେ ନୂଆଦିଲ୍ଲୀରେ ଅନୁଷ୍ଠିତ ହେବ। ଏହା 18 ତମ ଜି -20 ଶିଖର ସମ୍ମିଳନୀ । ଲି. କିଆଙ୍ଗ ନୂଆଦିଲ୍ଲୀରେ ଚୀନ୍ ପ୍ରତିନିଧୀ ଦଳର ନେତୃତ୍ୱ ନେବେ।

ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ ଏକ ବିବୃତ୍ତିରେ କହିଛନ୍ତି, "ଭାରତ ସରକାରଙ୍କ ନିମନ୍ତ୍ରଣ କ୍ରମେ ରାଜ୍ୟ ପରିଷଦର ପ୍ରିମିୟର ଲି. କିଆଙ୍ଗ ସେପ୍ଟେମ୍ବର ୯ ଏବଂ ୧୦ରେ ଭାରତର ନୂଆଦିଲ୍ଲୀରେ ଆୟୋଜିତ ହେବାକୁ ଥିବା 18 ତମ ଜି -20 ସମ୍ମିଳନୀରେ ଯୋଗଦେବେ। । ପ୍ରଥମ ଥର ପାଇଁ ଭାରତ ଦ୍ୱାରା ଆୟୋଜିତ ଏହି ଉଚ୍ଚ ସ୍ତରୀୟ ଶିଖର ସମ୍ମିଳନୀରେ ରାଷ୍ଟ୍ରପତିଙ୍କ ଅନୁପସ୍ଥିତି ବିଷୟରେ ସେ କୌଣସି ସୂଚନା ଦେଇନାହାଁନ୍ତି । ଚାଇନା ରାଷ୍ଟ୍ରପତି ଏହି ସପ୍ତାହରେ ଜାକର୍ତ୍ତାରେ ହେବାକୁ ଥିବା ASEAN ଏବଂ ପୂର୍ବ ଏସିଆ ସମ୍ମିଳନୀରେ ମଧ୍ୟ ଯୋଗଦେବେ ନାହିଁ । ଇଣ୍ଡୋନେସିଆରେ ହେବାକୁ ଥିବା ASEAN ସମ୍ମିଳନୀରେ ପ୍ରଧାନମନ୍ତ୍ରୀ ଲି ଚୀନର ପ୍ରତିନିଧିତ୍ୱ କରିବେ।

ଚୀନ୍ ବୈଦେଶିକ ମନ୍ତ୍ରଣାଳୟର ଅନ୍ୟ ଜଣେ ମୁଖପାତ୍ର ୱାଙ୍ଗ ୱେନବିନ ସେପ୍ଟେମ୍ବର ୧ରେ ଘୋଷଣା କରିଛନ୍ତି ଯେ ଇଣ୍ଡୋନେସିଆର ରାଷ୍ଟ୍ରପତି ଜୋକୋ ୱିଡୋଡୋଙ୍କ ନିମନ୍ତ୍ରଣ କ୍ରମେ ବର୍ତ୍ତମାନର ASEAN ଚେୟାରମ୍ୟାନ୍, ରାଜ୍ୟ ପରିଷଦର ପ୍ରିମିୟର ଲି ଜାକର୍ତ୍ତାରେ ଆୟୋଜିତ ହେବାକୁ ଥିବା ୨୬ ତମ ଚୀନ୍-ଏସିଆନ୍ ସମ୍ମିଳନୀରେ ଯୋଗଦେବେ । , ସେପ୍ଟେମ୍ବର ୫ ରୁ ୮ ପର୍ଯ୍ୟନ୍ତ ଇଣ୍ଡୋନେସିଆ, 26 ତମ ASEAN ପ୍ଲସ୍ ଥ୍ରୀ (APT) ସମ୍ମିଳନୀ ଏବଂ ୧୮ ତମ ପୂର୍ବ ଏସିଆ ସମ୍ମିଳନୀରେ ଯୋଗଦେବେ ଏବଂ ଇଣ୍ଡୋନେସିଆକୁ ଏକ ସରକାରୀ ଗସ୍ତ କରିବେ ।

ବର୍ତ୍ତମାନ ଜାକର୍ତ୍ତାରେ ଅନୁଷ୍ଠିତ ପୂର୍ବ ଏସିଆ ସମ୍ମିଳନୀରେ ଯୋଗଦେବା ପରେ ପ୍ରଧାନମନ୍ତ୍ରୀ ଲି ଭାରତ ଗସ୍ତ କରିବେ ବୋଲି ଆଶା କରାଯାଉଛି। ସୂଚନାଥାଉ ଯେ, ୨୦୨୧ ମସିହାରେ ଚାଇନାର COVID-19 ପ୍ରତିବନ୍ଧକ ଯୋଗୁଁ ଇଟାଲୀରେ ଅନୁଷ୍ଠିତ ଜି -20 ଶିଖର ସମ୍ମିଳନୀରେ ଚୀନ୍ ରାଷ୍ଟ୍ରପତି ସି ଯୋଗ ଦେଇନଥିଲେ। ଋଷର ରାଷ୍ଟ୍ରପତି ପୁଟିନ ମଧ୍ୟ ଦିଲ୍ଲୀରେ ଆୟୋଜିତ ହେବା ପାଇଁ ଯାଉଥିବା G20 Summit India ବୈଠକରେ ବ୍ୟକ୍ତିଗତ ଭାବେ ଯୋଗ ଦେବେ ନାହିଁ । ଗତବର୍ଷ ମଧ୍ୟ ଋଷ ରାଷ୍ଟ୍ରପତି ଜି -20 ଶିଖର ସମ୍ମିଳନୀରେ ଯୋଗ ଦେଇନଥିଲେ।

ଜି -20 ସଦସ୍ୟ ରାଷ୍ଟ୍ର ବିଶ୍ୱ GDPର ପ୍ରାୟ 85 ପ୍ରତିଶତ, ବିଶ୍ୱ ବାଣିଜ୍ୟର 75 ପ୍ରତିଶତରୁ ଅଧିକ ଏବଂ ବିଶ୍ୱ ଜନସଂଖ୍ୟାର ପ୍ରାୟ ଦୁଇ ତୃତୀୟାଂଶ ପ୍ରତିନିଧିତ୍ୱ କରନ୍ତି। ଏହି ଗୋଷ୍ଠୀରେ ଆର୍ଜେଣ୍ଟିନା, ଅଷ୍ଟ୍ରେଲିଆ, ବ୍ରାଜିଲ, କାନାଡା, ଚୀନ୍, ଫ୍ରାନ୍ସ, ଜର୍ମାନୀ, ଭାରତ, ଇଣ୍ଡୋନେସିଆ, ଇଟାଲୀ, ଜାପାନ, କୋରିଆ, ମେକ୍ସିକୋ, ଋଷ, ସାଉଦି ଆରବ, ଦକ୍ଷିଣ ଆଫ୍ରିକା, ତୁର୍କୀ, ବ୍ରିଟେନ, ଆମେରିକା ଏବଂ ୟୁରୋପୀୟ ୟୁନିଅନ୍ ସାମିଲ ।

English summary

Prime Minister Lee will come to India in place of Chinese President Xi Jinping.