ଡାକ୍ତରମାନଙ୍କୁ ରାଷ୍ଟ୍ରପତିଙ୍କ ପରାମଶ, ସମାଜର ଗରିବ-ଅବହେଳିତ ଲୋକଙ୍କ ସ୍ୱାସ୍ଥ୍ୟସେବା ପ୍ରତି ହୁଅନ୍ତୁ ଅଧିକ ଯତ୍ନବାନ

ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ପଶ୍ଚିମବଙ୍ଗର ନଦିଆ ଜିଲ୍ଲା ଅନ୍ତର୍ଗତ କଲ୍ୟାଣୀ ସ୍ଥିତ ଏମସ୍‍ର ସମାବର୍ତ୍ତନ ଉତ୍ସବରେ ଦିଖ୍ୟାନ୍ତ ଭାଷଣ ପ୍ରଦାନ କରିଛନ୍ତି । କଲ୍ୟାଣୀ ଏମସ୍‍ରୁ ଉତ୍ତୀର୍ଣ୍ଣ ସଫଳ ଡାକ୍ତରମାନେ ଗରିବ ତଥା ଅବହେଳିତ ଲୋକଙ୍କର ସ୍ୱାସ୍ଥ୍ୟସେବା ପ୍ରତି ଅଧିକ ଯତ୍ନବାନ ହେବା ଉପରେ ଶ୍ରୀମତୀ ମୁର୍ମୁ ଗୁରୁତ୍ୱାରୋପ କରିଛନ୍ତି ।

ରାଷ୍ଟ୍ରପତି ଆଜିଠାରୁ ତିନି ଦିନିଆ ପଶ୍ଚିମବଙ୍ଗ ଏବଂ ଝାଡ଼ଖଣ୍ଡ ଗସ୍ତରେ ଯାଇଛନ୍ତି । ଶ୍ରୀମତୀ ମୁର୍ମୁ ଝାଡ଼ଖଣ୍ଡ ଦେଓଘର ସ୍ଥିତ ଏମସ୍‍ର ପ୍ରଥମ ସମାବର୍ତ୍ତନ ଉତ୍ସବରେ ମଧ୍ୟ ଯୋଗଦେବାର କାର୍ଯ୍ୟସୂଚୀ ରହିଛି । ପରେ ରାଷ୍ଟ୍ରପତି ଧାନବାଦ ଆଇ.ଆଇ.ଟି. - ଇଣ୍ଡିଆନ୍‍ ସ୍କୁଲ୍‍ ଅଫ୍‍ ମାଇନ୍ସର ୪୫ତମ ସମାବର୍ତ୍ତନ ସମାରୋହରେ ମଧ୍ୟ ଯୋଗଦେବେ ।