17ରେ ଲଣ୍ଡନ ଯିବେ ରାଷ୍ଟ୍ରପତି ମୁର୍ମୁ, ବ୍ରିଟେନ ରାଣୀଙ୍କ ଅନ୍ତିମ ସଂସ୍କାରରେ ହେବେ ସାମିଲ

ବ୍ରିଟେନ ରାଣୀଙ୍କ ଅନ୍ତିମ ସଂସ୍କାରରେ ଯୋଗ ଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସୋମବାର ରାଣୀ ଏଲିଜାବେଥ ଦ୍ୱିତୀୟଙ୍କ ସରକାରୀ ଅନ୍ତିମ ସଂସ୍କାର ଅନୁଷ୍ଠିତ ହେବ ।

ନୂଆଦିଲ୍ଲୀ: ବ୍ରିଟେନ ରାଣୀଙ୍କ ଅନ୍ତିମ ସଂସ୍କାରରେ ଯୋଗ ଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସୋମବାର ରାଣୀ ଏଲିଜାବେଥ ଦ୍ୱିତୀୟଙ୍କ ସରକାରୀ ଅନ୍ତିମ ସଂସ୍କାର ଅନୁଷ୍ଠିତ ହେବ । ଭାରତ ସରକାରଙ୍କ ପକ୍ଷରୁ ସମବେଦନା ଜଣାଇବା ପାଇଁ ସେପ୍ଟେମ୍ବର 17 ରେ ଲଣ୍ଡନ ଗସ୍ତ କରିବେ ରାଷ୍ଟ୍ରପତି।

"ମହାମହିମ ରାଣୀ ଏଲିଜାବେଥ ଦ୍ୱିତୀୟଙ୍କ 70 ବର୍ଷର ଶାସନକାଳରେ ଭାରତ-ବ୍ରିଟେନ ସମ୍ପର୍କ ବିକଶିତ, ସମୃଦ୍ଧ ଏବଂ ସୁଦୃଢ଼ ହୋଇଛି । ସେ ରାଜ୍ୟଗୋଷ୍ଠୀର ମୁଖ୍ୟ ଭାବରେ ବିଶ୍ୱର ଲକ୍ଷ ଲକ୍ଷ ଲୋକଙ୍କ କଲ୍ୟାଣରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ବୋଲି ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତିରେ କହିଛି।

ରାଣୀ ଏଲିଜାବେଥ ଦ୍ୱିତୀୟଙ୍କ ସମ୍ମାନ ସ୍ୱରୂପ ସେପ୍ଟେମ୍ବର 11 ରେ ଭାରତ ଗୋଟିଏ ଦିନର ଜାତୀୟ ଶୋକ ପାଳନ କରିଥିଲା। ଏନେଇ ଭାରତୀୟ ଜାତୀୟ ପତାକାକୁ ଅର୍ଦ୍ଧ ନମିତ ରଖିବା ସହିତ ସମସ୍ତ ସରକାରୀ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ବନ୍ଦ ରଖାଯାଇଥିଲା । ବ୍ରିଟେନର ଦୀର୍ଘତମ ଶାସନ କରିଥିବା ରାଣୀଙ୍କ ମୃତ୍ୟୁ ପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ଉପ ରାଷ୍ଟ୍ରପତି ଜଗଦୀପ ଧନଖର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମବେଦନା ଜଣାଇଛନ୍ତି।

English summary

President Droupadi Murmu will be visiting London on September 17 to attend the state funeral of Queen Elizabeth II on Monday and offer condolences on behalf of the Government of India.