ପିକେଙ୍କୁ ମିଳିଲା ଜାମିନ୍‌

ପାଟନା : ବିହାରରେ ବିପିଏସସି ପରୀକ୍ଷାରେ ଅନିୟମିତତା ବିରୋଧରେ ବିରୋଧ କରୁଥିବା ପ୍ରାର୍ଥୀଙ୍କୁ ସମର୍ଥନ କରି ପାଟଣାର ଗାନ୍ଧୀ ମଇଦାନରେ ଆମରଣ ଅନଶନ କରିଥିବା ଜନ ସୁରଜ ପାର୍ଟି (ଜେଏସୟୁପିଏ) ନେତା ପ୍ରଶାନ୍ତ କିଶୋର (ପି.କେ)ଙ୍କୁ ସୋମବାର ପୋଲିସ ଗିରଫ କରିଛି। ସୋମବାର ପୂର୍ବାହ୍ନ ପ୍ରାୟ ୩ଟାରୁ ୪ଟା ସମୟରେ ପୋଲିସ ତାଙ୍କୁ ଗିରଫ କରିଥିଲା। ଏହା ପରେ ତାଙ୍କୁ ଚିକିତ୍ସା ପାଇଁ ଏମ୍ସ ପାଟନାରେ ଭର୍ତ୍ତି କରାଯାଇଥିଲା। ପାଟନା ଏମ୍ସ ବାହାରେ ତାଙ୍କ ସମର୍ଥକଙ୍କ ଭିଡ ଥିଲା।

ସମର୍ଥକମାନେ ଆମ୍ବୁଲାନ୍ସକୁ ପ୍ରବେଶ କରିବାକୁ ଦେଉନଥିଲେ। ସେଠାରେ ବହୁ ସଂଖ୍ୟାରେ ମହିଳା ସମର୍ଥକ ମଧ୍ୟ ଥିଲେ। ପୋଲିସ ସାମାନ୍ୟ ବଳ ପ୍ରୟୋଗ କରି ଆମ୍ବୁଲାନ୍ସକୁ ଭିତରକୁ ନେବାରେ ସଫଳ ହୋଇଥିଲା। ସୂଚନାନୁସାରେ, ପ୍ରଶାନ୍ତ କିଶୋର କୌଣସି ପ୍ରକାରର ଅନୁସନ୍ଧାନ ଏବଂ ଉପବାସ ଭାଙ୍ଗିବାକୁ ମନା କରି ଦେଇଛନ୍ତି। ପ୍ରାଥମିକ ଅନୁସନ୍ଧାନରେ ଡାକ୍ତରମାନେ କୌଣସି ପ୍ରକାରର ଚିନ୍ତାକୁ ଅସ୍ୱୀକାର କରିଛନ୍ତି। ତେବେ ପିକେଙ୍କ ସ୍ୱାସସ୍ଥାବସ୍ଥା ଠିକ ଥିବା କୁହାଯାଇଛି।

ପ୍ରଶାନ୍ତ କିଶୋରଙ୍କୁ ଏକ ବେଆଇନ ଭାବେ ଧାରଣାରେ ବସିବା ଅଭିଯୋଗ କରାଯାଇଥିଲା। ଡାକ୍ତରୀ ଯାଞ୍ଚ ପାଇଁ ପୋଲିସ ପ୍ରଥମେ ତାଙ୍କୁ ଏମ୍ସ କୁ ନେବାକୁ ଚେଷ୍ଟା କରିଥିଲା, କିନ୍ତୁ ତାଙ୍କ ସମର୍ଥକମାନେ ବିକ୍ଷୋବ କରିଥିଲେ। ଏହା ପରେ ପୋଲିସ ତାଙ୍କୁ ଫାଟୁହାସ୍ଥିତ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନେଇ ସେଠାରେ ଡାକ୍ତରୀ ପରୀକ୍ଷା କରିଥିଲା। ଡାକ୍ତରୀ ପରୀକ୍ଷା ପରେ ପୋଲିସ ପି.କେକୁ ସିଭିଲ କୋର୍ଟକୁ ନେଇଥିଲା, ଯେଉଁଠାରେ ତାଙ୍କୁ ମାଜିଷ୍ଟ୍ରେଟଙ୍କ ନିକଟରେ ହାଜର କରାଯାଇଥିଲା। ଆଉ ୨୫ ହଜାର ବଣ୍ଡରେ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି।