ଜର୍ମାନୀରୁ ଫେରୁଛନ୍ତି ପ୍ରଜ୍ଜ୍ୱଳ ରେଭନ୍ନା!

ନୂଆଦିଲ୍ଲୀ: ସେକ୍ସ ସ୍କାଣ୍ଡାଲ ମାମଲାରେ ଅଭିଯୁକ୍ତ ନିଲମ୍ବିତ ଜେଡି (ଏସ) ନେତା ତଥା କର୍ଣ୍ଣାଟକ ସାଂସଦ ପ୍ରଜ୍ୱଳ ରେଭନ୍ନା ଜର୍ମାନିରୁ ଫେରୁଛନ୍ତି ଭାରତ । ଜର୍ମାନୀର ମୁଞ୍ଚି ବିମାନବନ୍ଦରରୁ ସେ ବେଙ୍ଗାଲୁରୁ ଆସୁଥିବା ଜଣାପଡ଼ିଛି । ଯୌନ କେଳେଙ୍କାରିର ଭିଡିଓ ଭାଇରାଲ୍ ହେବା ପରେ ପ୍ରଜ୍ଜ୍ୱଳ ଜର୍ମାନୀ ଫେରାର୍ ହୋଇଯାଇଥିଲେ ।

ସେବେଠାରୁ ତାଙ୍କୁ ଭାରତ ଫେରାଇ ଆଣିବା ପାଇଁ କର୍ଣାଟକ ସରକାର ବହୁ ଉଦ୍ୟମ କରିଥିଲେ ଓ ଇଣ୍ଟରପୋଲ୍‌ର ସହାୟତା ମଧ୍ୟ ନେଇଥିଲେ । ସ୍ଥାନୀୟ ସମୟ ଅନୁସାରେ ଦିନ ୧୧.୨୦ରୁ ପ୍ରଜ୍ଜ୍ୱଳ ବୋର୍ଡିଂ କରିଛନ୍ତି ବୋଲି ଜାତୀୟ ଗଣମାଧ୍‌ଯମ ଇଣ୍ଡିଆ ଟୁଡେ ତାଙ୍କ ବୋର୍ଡିଂ ପାସ୍ ପୋଷ୍ଟ କରି ଖବର ପ୍ରକାଶ କରିଛି ଓ ମେ ୩୧ ସକାଳୁ ପ୍ରଜ୍ଜ୍ୱଳ ବେଙ୍ଗାଲୁରୁରେ ପହଞ୍ଚିବେ ବୋଲି କୁହାଯାଉଛି ।

ସୂଚନା ଯୋଗ୍ୟ ଯେ, ସୂଚନା ଅନୁଯାୟୀ, ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବଗୌଡ଼ାଙ୍କ ନାତି ପ୍ରଜ୍ଜ୍ୱଳ ରେବନ୍ନାଙ୍କ ନାଁରେ ମହିଳାଙ୍କୁ ଯୌନ ଶୋଷଣ ଅଭିଯୋଗ ରହିଛି । ଏବେ ୨୦୨୪ ଲୋକସଭା ନିର୍ବାଚନ ଜାରି ରହିଥିବା ବେଳେ ସେ କର୍ଣ୍ଣାଟକର ହାସନ ଲୋକସଭା ଆସନରୁ ସାଂସଦ ପ୍ରାର୍ଥୀ ହୋଇଛନ୍ତି । ହାସନ ଆସନରେ ଭୋଟିଂର ଗୋଟିଏ ଦିନ ପରେ ଅର୍ଥାତ୍ ୨୭ ଏପ୍ରିଲରେ ପ୍ରଜ୍ଜ୍ୱଳ ଜର୍ମାନୀ ଫେରାର ହୋଇଯାଇଥିଲେ ।

ସିବିଆଇ ତାଙ୍କ ବିରୋଧରେ ବ୍ଲୁ-କର୍ପୂର ନୋଟିସ୍ ଜାରି ରହିଥିଲା । ଯାଞ୍ଚ୍ ଏଜେନ୍ସି ଦ୍ୱାରା ପ୍ରଜ୍ଜ୍ୱଳ ରହୁଥିବା ଠିକଣା ଜଣାପଡ଼ିଛି । ଯୌନ ଶୋଷଣ ଏବଂ ଦୁଷ୍କର୍ମ ମାମଲାରେ ସ୍ୱତନ୍ତ୍ର ଅଦାଲତ ମେ' ୧୮ ତାରିଖରେ ହାସନ ସାଂସଦଙ୍କ ବିରୋଧରେ ଗିରଫ ପରୱାନା ଜାରି କରିଥିଲେ ।

English summary

Prajwal Revanna sex abuse case ସେକ୍ସ ସ୍କାଣ୍ଡାଲ ମାମଲାରେ ଅଭିଯୁକ୍ତ ନିଲମ୍ବିତ ଜେଡି (ଏସ) ନେତା ତଥା କର୍ଣ୍ଣାଟକ ସାଂସଦ ପ୍ରଜ୍ୱଳ ରେଭନ୍ନା ଜର୍ମାନିରୁ ଫେରୁଛନ୍ତି ଭାରତ । ଜର୍ମାନୀର ମୁଞ୍ଚି ବିମାନବନ୍ଦରରୁ ସେ ବେଙ୍ଗାଲୁରୁ ଆସୁଥିବା ଜଣାପଡ଼ିଛି