ବିହାର ନିର୍ବାଚନ ପୂର୍ବରୁ ନିର୍ବାଚନ କମିଶନଙ୍କ ବଡ଼ ନିଷ୍ପତ୍ତି, ଘରକୁ ଘର ଯାଇ ହେବ ଯାଞ୍ଚ

ନିର୍ବାଚନ କମିଶନ ବିହାର ବିଧାନସଭା ନିର୍ବାଚନ ପୂର୍ବରୁ ମତଦାନ ତାଲିକାରେ ସଂଶୋଧନ ବେଳେ ଘରକୁ ଘର ଯାଇ ପୁଙ୍ଖାନୁପୁଙ୍ଖ ଯାଞ୍ଚ କରିବାକୁ ଯୋଜନା ପ୍ରସ୍ତୁତ କରିଛନ୍ତି। ସୂଚନାନୁସାରେ , ଅନେକ ସିଭିଲ ସୋସାଇଟି ସଙ୍ଗଠନ, ରାଜନୀତିକ ଦଳ ଓ ଅନ୍ୟ ଲୋକମାନେ ଭୋଟରଙ୍କ ତାଲିକାରେ ନାମକୁ ସାମିଲ କରିବା ଓ ହଟାଇବା ଉପରେ ପ୍ରଶ୍ନ ଉଠାଇ ଥିଲେ। ନିର୍ବାଚନ କମିଶନ ଉପରେ ବିଜେପିର ସାହାଯ୍ୟ କରିବା ନେଇ ମଧ୍ୟ ଅଭିଯୋଗ ଲଗାଯାଇ ଥିଲା। ଏହି ସ୍ଥିତିରେ ବିହାର ନର୍ବାଚନ ପୂର୍ବରୁ ଇସିଆଇ ଏହି ବଡ଼ ନିଷ୍ପତ୍ତି ନେଇଛନ୍ତି। ସୂତ୍ର ଅନୁଯାୟୀ, ଏହି ପ୍ରକ୍ରିୟାର ଉଦ୍ଦେଶ୍ୟ ହେଉଛି ଭୋଟର ତାଲିକାରେ ନାମ ଅନ୍ତର୍ଭୁକ୍ତ କିମ୍ବା ବାଦ ଦେବାରେ ଯେକୌଣସି ପ୍ରକାରର ତ୍ରୁଟି କିମ୍ବା ଅନିୟମିତତାକୁ ରୋକିବା। କମିଶନ ନିଶ୍ଚିତ କରିବାକୁ ଚାହୁଁଛନ୍ତି ଯେ ଭୋଟର ତାଲିକା ସମ୍ପୂର୍ଣ୍ଣ ଭାବରେ ଅଦ୍ୟତନ, ଯାଞ୍ଚ ଏବଂ ନିରପେକ୍ଷ, ଯାହା ଦ୍ଵାରା ଆଗାମୀ ବିଧାନସଭା ନିର୍ବାଚନ ନିରପେକ୍ଷ ଏବଂ ସ୍ୱଚ୍ଛ ଭାବରେ ଅନୁଷ୍ଠିତ ହୋଇପାରିବ।

ନିର୍ବାଚନ କମିଶନଙ୍କ ଏହି ପଦକ୍ଷେପ ଏପରି ସମୟରେ ଆସିଛି ଯେତେବେଳେ ଅନେକ ରାଜନୈତିକ ଦଳ ଏବଂ ନାଗରିକ ସଂଗଠନ ଭୋଟର ତାଲିକାର ବିଶ୍ୱସନୀୟତା ଉପରେ ଚିନ୍ତା ପ୍ରକାଶ କରିଛନ୍ତି। ବିରୋଧୀ ଦଳଗୁଡ଼ିକ, ବିଶେଷକରି କଂଗ୍ରେସ ପାର୍ଟି, ଭାରତୀୟ ଜନତା ପାର୍ଟି (ବିଜେପି)କୁ ଲାଭ ଦେବା ପାଇଁ କମିଶନ ଉପରେ ଭୋଟର ତାଲିକାରେ ତଥ୍ୟ ହେରଫେର କରୁଥିବା ଅଭିଯୋଗ କରିଛନ୍ତି।ଅଧିକାରୀମାନେ ଅସନ୍ତୋଷ ବ୍ୟକ୍ତ କରିଛନ୍ତି ଯେ, ବିସ୍ତୃତ ପ୍ରୋଟକଲର ପାଳନ କରିବା ସତ୍ତ୍ୱେ କମିଶନ ଉପରେ ମତଦାତା ତାଲିକାର ମନମାନୀ ଢଙ୍ଗରେ ନାମ ବଢାଇବା ପାଇଁ ଅନେକ ସମୟରେ ଅଭିଯୋଗ କରାଯାଏ, ଯାହାକି ଏହି ପ୍ରକ୍ରିୟା ପୂରା ସ୍ୱଚ୍ଛତାର ସହ ଓ ରାଜନୀତିକ ଦଳର ନିରନ୍ତର ତଦାରଖରେ କରାଯାଏ।

ସୂତ୍ରାନୁସାରେ , ନିର୍ବାଚନ କମିଶନ ବିହାର ବିଧାନସଭା ନିର୍ବାଚନ ପୂର୍ବରୁ ମତଦାତା ତାଲିକାର ଯାଞ୍ଚ କରିବା ସମୟରେ ପ୍ରତି ଘରକୁ ଯାଇ ପୂରା ସାବଧାନତାର ସହ ସତ୍ୟାପନ କରିବାକୁ ଚାହେଁ। ସେ କହିଛନ୍ତି ଏହା ପଛର ଉଦ୍ଦେଶ୍ୟ ଏହା ଯେ, ମତଦାତା ତାଲିକାରେ କୌଣସି ଭୁଲ ହୋଇ ନଯାଉ ଏବଂ ଏହା ସଂପୂର୍ଣ୍ଣ ରୂପେ ଠିକ୍ ହେଉ। ନିର୍ବାଚନକୁ ନିରପେକ୍ଷ ଓ ସ୍ୱଚ୍ଛ ଉପାୟରେ କରାଇବା ପାଇଁ ନିର୍ବାଚନ କମିଶନ ଘରକୁ ଘର ଭେରିଫିକେସନ କରିବ। ଏହି ଅନୁସାରେ ଭୋଟର ତାଲିକାରେ ସଂଶୋଧନ ୨୦୦୪ର ଲୋକସଭା ନିର୍ବାଚନ ପୂର୍ବରୁ ମଧ୍ୟ କରାଯାଇ ସାରିଛି।