ରାଜନୈତିକ ବିରୋଧ ଶତ୍ରୁତାରେ ବଦଳିବା ସୁସ୍ଥ ଗଣତନ୍ତ୍ର ପାଇଁ ଶୁଭ ସଙ୍କେତ ନୁହେଁ: ଜଷ୍ଟିସ ରମଣା

ରାଜସ୍ଥାନ ବିଧାନସଭାରେ 75ତମ କମନୱେଲଥ ପାର୍ଲାମେଣ୍ଟାରୀ ଆସୋସିଏସ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଲେ ସୁପ୍ରିମ କୋର୍ଟର ପ୍ରଧାନ ବିଚାରପତି ଏନ.ଭି .ରମଣା । ରାଜନୀତିକୁ ନେଇ କେଉଁଠି ଗଣ୍ଡଗୋଳ ତ କେଉଁଠି ରକ୍ତପାତ ହେଉଛି । ଏହା ଉପରେ ରଖିଲେ ମତ।

ଜୟପୁର: ରାଜସ୍ଥାନ ବିଧାନସଭାରେ 75ତମ କମନୱେଲଥ ପାର୍ଲାମେଣ୍ଟାରୀ ଆସୋସିଏସ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଲେ ସୁପ୍ରିମ କୋର୍ଟର ପ୍ରଧାନ ବିଚାରପତି ଏନ.ଭି .ରମଣା । ରାଜନୀତିକୁ ନେଇ କେଉଁଠି ଗଣ୍ଡଗୋଳ ତ କେଉଁଠି ରକ୍ତପାତ ହେଉଛି । ରାଜନୈତିକ ବିରୋଧ ଶତ୍ରୁତାରେ ପରିଣତ ହେବା ଏକ ସୁସ୍ଥ ଗଣତନ୍ତ୍ରର ସଙ୍କେତ ନୁହେଁ ବୋଲି କହିଛନ୍ତି ଜଷ୍ଟିସ ରମଣା ।

ଜଷ୍ଟିସ ରମଣା କହିଛନ୍ତି, "ପୂର୍ବରୁ ସରକାର ଓ ବିରୋଧୀଙ୍କ ମଧ୍ୟରେ ପାରସ୍ପରିକ ସମ୍ମାନ ରହୁଥିଲା । ଏବେ କିନ୍ତୁ ତାହା କମିବାରେ ଲାଗିଛି। ବର୍ତ୍ତମାନ ସ୍ଥିତିରେ ଭାରତର ଲୋକତନ୍ତ୍ର ପସନ୍ଦର କଥା ନୁହେଁ ମାତ୍ର ଏକ ଆବଶ୍ୟକତା । ଦେଶର ଲୋକତନ୍ତ୍ର ବର୍ତ୍ତମାନ ପ୍ରାରମ୍ଭିକ ଅବସ୍ଥାରେ ରହିଛି । ଆଜି ଆମକୁ ମନ୍ଥନ ମାଧ୍ୟମରେ ଶିଖିବାକୁ ଅଛି ବୋଲି କହିଛନ୍ତି ମୁଖ୍ୟ ବିଚାରପତି । ନ୍ୟାୟପାଳିକାର ଏକ ପ୍ରମୁଖ ଭୂମିକା ହେଉଛି ଆଇନର ସଠିକ କାର୍ଯ୍ୟକାରୀ କରିବା । ଅଧିକାର ପ୍ରତି ସଚେତନତା ବୃଦ୍ଧି ନ୍ୟାୟପାଳିକା ଉପରେ ଜନସାଧାରଣଙ୍କ ଆଶା ବୃଦ୍ଧି ପାଇଛି ।''

ସେପଟେ ଜୟପୁରର ଅନ୍ୟ ଏକ କାର୍ଯ୍ୟକ୍ରମରେ ବାଚାରଧୀନ କଏଦୀଙ୍କ ଉପରେ ଚିନ୍ତା ପ୍ରକଟ କରିଛନ୍ତି ସିଜେଆଇ । ଦେଶରେ 6.10.କଏଦୀଙ୍କ ମଧ୍ୟରୁ ପାଖାପାଖି 80 ପ୍ରତିଶତ ବିଚରାଧୀନ ଅଛନ୍ତି । ଦେଶରେ କ୍ରିମିନାଲ ଜଷ୍ଟିସ ସିଷ୍ଟମର କ୍ଷମତାକୁ ସଠିକ କରିବାକୁ ପଡିବ। ବିନା ମକଦ୍ଦମାରେ ଅଧିକ ସଂଖ୍ୟାରେ ଲୋକଙ୍କୁ ଅଧିକ ସମୟ କଏଦ ରଖିବା ଉପରେ ଧ୍ୟାନ ଦେବାର ଆବଶ୍ୟକତା ରହିଛି ବୋଲି କହିଲେ ରମଣା ।

English summary

Chief Justice of India NV Ramana on Saturday opined that “political opposition should not translate into hostility,” and remarked that strong, vibrant and active Opposition helps to improve the governance and corrects the functioning of the government.