ମେ ୧୪ରେ ପିଏମ ମୋଦି ଭରିବେ ନାମାଙ୍କନ, ସ୍ୱତନ୍ତ୍ର ଯୋଜନା ପ୍ରସ୍ତୁତି କରିଲା ବିଜେପି

Updated: Sunday, May 12, 2024, 21:27 [IST]

ବାରଣାସି: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୧୪ ତାରିଖରେ ବାରାଣାସୀ ଲୋକସଭା ଆସନରୁ ତାଙ୍କର ନାମାଙ୍କନ ଦାଖଲ କରିବେ । ଲଗାତାର ଦୁଇଥର ରେକର୍ଡ ଭୋଟ୍ ସହ ପିଏମ ମୋଦୀ ଏହି ଆସନରେ ଜିତିଛନ୍ତି, ଏବେ ସେ ପୁଣିଥରେ ଏହି ଆସନରୁ ହ୍ୟାଟ୍ରିକ୍ ମାରିବା ଲାଗି ପ୍ରତିଦ୍ୱନ୍ଦ୍ୱିତା କରୁଛନ୍ତି । ତାଙ୍କ ସହ ପ୍ରତିଦ୍ୱନ୍ଦିତା କରୁଛନ୍ତି କଂଗ୍ରେସର ଅଜୟ ରାୟ ଏବଂ ଅନ୍ୟ କେତେକ ଏହି ଆସନରୁ ସ୍ୱାଧୀନ ପ୍ରାର୍ଥୀ ମଧ୍ୟ ଛିଡା ହୋଇଛନ୍ତି । ମୋଦିଙ୍କ ନାମାଙ୍କନ ଭରିବା କାର୍ଯ୍ୟକ୍ରମକୁ ଭବ୍ୟ କରିବା ଲାଗି ବାରାଣାସୀରେ ବିଜେପି ଏକ ସ୍ୱତନ୍ତ୍ର ଯୋଜନା ପ୍ରସ୍ତୁତ କରିଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାରାଣାସୀ କାର୍ଯ୍ୟକ୍ରମ ୧୩ ରୁ ଆରମ୍ଭ ହେବ । ସର୍ବପ୍ରଥମେ, ପ୍ରଧାନମନ୍ତ୍ରୀ ମୋଦୀ ସକାଳ ୧୦:୦୦ ରେ ପାଟଣାର ଗୁରୁଦ୍ୱାର ଗସ୍ତ କରିବେ, ଏହା ପରେ ସେ ସକାଳ ୧୦:୩୦ ରେ ହାଜିପୁରରେ ଏକ ବିରାଟ ସମାବେଶକୁ ସମ୍ବୋଧିତ କରିବେ । ତା'ପରେ ଅପରାହ୍ନ ୧୨:୦୦ ରେ ମୁଜାଫରନଗର, ୨:୩୦ ରେ ସରଣ ଏବଂ ସନ୍ଧ୍ୟା ୫ ରେ ବାରାଣାସୀ ଯିବେ ।

ପ୍ରଧାନମନ୍ତ୍ରୀ ମୋଦୀଙ୍କ ଏକ ବଡ ରୋଡ୍ ସୋ ମଧ୍ୟ ବାରାଣାସୀରେ ଅପରାହ୍ନ ୫ ଟା ରେ ହେବାର କାର୍ଯ୍ୟକ୍ରମ ରହିଛି । ଏହା ପରେ ପରଦିନ ଅର୍ଥାତ୍ ୧୪ ମଇରେ ପ୍ରଧାନମନ୍ତ୍ରୀ ମୋଦୀ ପ୍ରଥମେ ଅସି ଘାଟକୁ ଯିବେ । ସକାଳ ୧୦:୧୫ ରେ ସେ କାଲ ଭୈରବ ମନ୍ଦିର ପରିଦର୍ଶନ କରିବେ, ନାମାଙ୍କନପତ୍ର ଦାଖଲ କରିବା ପୂର୍ବରୁ ସେ ମଧ୍ୟ ସକାଳ ୧୧: ୪୫ ରେ ଏନଡିଏ ନେତାଙ୍କ ସହ ନିର୍ବାଚନ ବୈଠକ କରିବାକୁ ଯାଉଛନ୍ତି । ପ୍ରତ୍ୟେକ ବଡ ନେତା ଏହି ସଭାରେ ଉପସ୍ଥିତ ରହିବେ ଏବଂ ପରବର୍ତ୍ତୀ ରଣନୀତି ଉପରେ ଆଲୋଚନା କରାଯିବ ବୋଲି ଶୁଣାଯାଉଛି । ଏହା ପରେ ପ୍ରଧାନମନ୍ତ୍ରୀ ମୋଦୀ ୧୧:୪୦ ରେ ତାଙ୍କ ନାମାଙ୍କନପତ୍ର ଦାଖଲ କରିବାକୁ ଯିବେ ।