ନିର୍ବାଚନୀ ରାଲିରେ ଦୁଇ ଅନାଥ ଭାଇଙ୍କ କାହାଣୀ କହିଲେ ପ୍ରଧାନମନ୍ତ୍ରୀ ମୋଦି

ଦୁଇ ପିଲାଙ୍କ ସଫଳ ଭବିଷ୍ୟତ ନେଇ ସମସ୍ତ ଦାୟିତ୍ବ ନେବା ପାଇଁ ପ୍ରତିଶୃତି ଦେଲେ ପ୍ରଧାନମନ୍ତ୍ରୀ ମୋଦି ।

Published: Sunday, November 27, 2022, 22:10 [IST]

ଅହମ୍ମଦାବାଦ: ଗୁଜୁଟର ଦୁଇ ଅନାଥ ଭାଇଙ୍କୁ ଭଲ ଭବିଷ୍ୟତ ନେଇ ପ୍ରତିଶୃୃତି ଦେଲେ ପିଏମ ମୋଦି । ବିରୋଧୀ କଂଗ୍ରେସ ନିର୍ବାଚନ ଆୟୋଗ (ଇସି)ଙ୍କ ନିକଟରେ ଅଭିଯୋଗ କରିଛନ୍ତି ଯେ, ଏପରି କରି "ରାଜନୀତିରେ ପିଲାମାନଙ୍କର ଅପବ୍ୟବହାର" କରାଯାଉଛି ।ଗତ ଶୁକ୍ରବାର ଦିନ ଗୋଟିଏ କୁନି ଝିଅ ସହିତ ପ୍ରଧାନମନ୍ତ୍ରୀଙ୍କ ଏକ ଭିଡିଓ କୁ ନେଇ ଅଭିଯୋଗ କରିଥିଲା ବିରୋଧୀ ଦଳ । ଯିଏ ଗୁଜୁରାଟରେ ଶାସକ ବିଜେପି ସପକ୍ଷରେ ଭାଷଣ ଦେଉଥିବାର ଦେଖାଯାଇଥିଲା। ସଦ୍ୟତମ ଭିଡିଓରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଇ ଭାଇ ଅଭି ଏବଂ ଜୟଙ୍କ ସହ ବାର୍ତ୍ତାଳାପରେ ନଜର ଆସୁଛନ୍ତି । ସେମାନେ ଅନାଥ ବୋଲି ଜଣା ପଡିଛି । ଛଅ ବର୍ଷ ପୂର୍ବେ ସେମାନେ ମାତା-ପିତାଙ୍କୁ ହରାଇଥିବା କୁହାଯାଉଛି । ନେତ୍ରଙ୍ଗରେ ଏକ ନିର୍ବାଚନ ରାଲିକୁ ସମ୍ବୋଧିତ କରିବା ସମୟରେ ପିଏମ ମୋଦୀ ଏହି ଦୁଇ ଭାଇଙ୍କ ବାବଦରେ କହିଥିଲେ । ଯେ ତାଙ୍କୁ ବିଳମ୍ବ ହେଉଛି କାରଣ ତାଙ୍କୁ ଦୁଇ ଜଣ ଅନାଥ ଭାଇଙ୍କୁ ଭେଟିବାକୁ ପଡିବ ।

"ଏହି ଦୁଇ ଭାଇ ଛଅ ବର୍ଷ ପୂର୍ବେ ସେମାନଙ୍କ ପିତାମାତାଙ୍କୁ ହରାଇଥିଲେ। ସେମାନଙ୍କ ଯତ୍ନ ନେବାକୁ କେହି ନଥିବାରୁ ସେମାନେ ପରସ୍ପରର ଯତ୍ନ ନେଉଥିଲେ ବୋଲି ପ୍ରଧାନମନ୍ତ୍ରୀ କହିଥିଲେ । ଯେତେବେଳେ ମୁଁ ସେମାନଙ୍କର ବାବଦରେ ଅବଗତ ହେଲି, ମୁଁ ଆମ ଦଳର ସଦସ୍ୟ ସିଆର ପାଟିଲଙ୍କୁ ସେମାନଙ୍କୁ ସାହାଯ୍ୟ କରିବାକୁ କହିଲି । ଆମେ ସେମାନଙ୍କ ଶିକ୍ଷା ର ବ୍ୟବସ୍ଥା କରିଥିଲୁ ଏବଂ ସେମାନଙ୍କୁ ଏକ ଘର ମଧ୍ୟ ଯୋଗାଇ ଦେଇଥିଲୁ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି।

સાંભળીએ અવિ અને જય નામના બાળકોના સંઘર્ષની હૃદયસ્પર્શી વાત માનનીય પ્રધાનમંત્રીશ્રીના મુખેથી.. #ભરોસો_તો_ભાજપનો pic.twitter.com/clj6SQoUE4
— Bhupendra Patel (@Bhupendrapbjp) November 27, 2022

ସେ ଆହୁରି ମଧ୍ୟ କହିଛନ୍ତି, "ଆଜି ଯେତେବେଳେ ମୁଁ ପିଲା ଦୁହିଁଙ୍କୁ ଦେଖୁଛି, ଜଣେ କଲେକ୍ଟର ଏବଂ ଆଉ ଜଣେ ଇଞ୍ଜିନିୟର ହେବାକୁ ଚାହୁଁଛନ୍ତି । ମୋର ହୃଦୟ ଗର୍ବରେ ଫୁଲିଉଠୁଛି। ଏକ ନିର୍ବାଚନୀ ରାଲିରେ ପ୍ରଧାନମନ୍ତ୍ରୀ ଦୁଇ ପିଲାଙ୍କ ବିଷୟରେ କହୁଥିବାର ଏକ ଭିଡିଓ ଟ୍ୱିଟ୍ କରି ଗୁଜୁରାଟ ମୁଖ୍ୟମନ୍ତ୍ରୀ କହିଛନ୍ତି: "ମାନ୍ୟବର ପ୍ରଧାନମନ୍ତ୍ରୀଙ୍କ ପାଟିରୁ ଅଭି ଏବଂ ଜୟ ନାମକ ପିଲାମାନଙ୍କ ସଂଘର୍ଷର ସ୍ପର୍ଶକାତର କାହାଣୀ ଶୁଣନ୍ତୁ। ଗୁଜୁରାଟ ରାଜ୍ୟ ବିଜେପି ସଭାପତି ସିଆର ପାଟିଲ କହିଛନ୍ତି ଯେ ଛଅ ବର୍ଷ ପୂର୍ବେ ଯେତେବେଳେ ସେ ପ୍ରଥମେ ସେମାନଙ୍କ ବିଷୟରେ ଜାଣିବାକୁ ପାଇଥିଲେ, ସେତେବେଳେ ପ୍ରଧାନମନ୍ତ୍ରୀ ଏହି ଦୁଇ ପିଲାଙ୍କ କଲ୍ୟାଣକୁ ନେଇ ଖୁବ ଚିନ୍ତିତ ଥିଲେ। ସେ କହିଛନ୍ତି ଯେ ପିଏମ ମୋଦୀ ହିଁ ଏହି ପିଲାମାନଙ୍କ ପାଇଁ ଏବଂ ସେମାନଙ୍କ ଶିକ୍ଷା ପାଇଁ ବ୍ୟବସ୍ଥା କରିଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଦଳ ଏବଂ ସେମାନଙ୍କ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦଳ ଇସିଙ୍କୁ କହିଛି। କଂଗ୍ରେସ ନେତା ଜୟରାମ ରମେଶ ଟ୍ୱିଟ୍ କରି କହିଛନ୍ତି ଯେ ଗତ ଶୁକ୍ରବାର ଏକ କଂଗ୍ରେସ ପ୍ରତିନିଧି ଦଳ ଇସି ଅଧିକାରୀଙ୍କୁ ଭେଟିବା ପରେ ଇସି ଦଳକୁ କାର୍ଯ୍ୟାନୁଷ୍ଠାନ ପାଇଁ ଆଶ୍ୱାସନା ଦେଇଛନ୍ତି । ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗକୁ ଉଲ୍ଲେଖ କରି ରମେଶ ଟ୍ୱିଟ୍ କରି କହିଛନ୍ତି, "ଆମେ ମଧ୍ୟ ଆଶା କରୁଛୁ ଯେ ଏନସିପିସିଆର କୌଣସି ପ୍ରକାରେ ଏହାର ସଠିକ ନିଷ୍ପତ୍ତି ନେବ ଏବଂ ପ୍ରଧାନମନ୍ତ୍ରୀଙ୍କୁ ଏକ ବିଜ୍ଞପ୍ତି ଜାରି କରିବ।

Published On November 27, 2022