Kargil Vijay Diwas: ସହିଦଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ଶ୍ରଦ୍ଧାଞ୍ଜଳି
Kargil Vijay Diwas: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଗିଲ ବିଜୟର ୨୫ତମ ବାର୍ଷିକୀ ଅବସରରେ ଦେଶର ସାହସୀ ଶହୀଦ ଯୋଦ୍ଧାମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଆଜି ପ୍ରଧାନମନ୍ତ୍ରୀ ଡ୍ରାସର୍ କାରଗିଲ ଯୁଦ୍ଧ ମେମୋରିଆଲରେ ପହଞ୍ଚି ଶହୀଦ ଯୋଦ୍ଧାମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେହିପରି ଶିଙ୍କୁନ୍ ଲା ଟନେଲ୍ ପ୍ରକଳ୍ପ କାର୍ଯ୍ୟର ଶୁଭାରମ୍ଭ କରିବେ ମୋଦି ।
ପ୍ରଧାନମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ଏଠାରେ ସୁରକ୍ଷା ବ୍ୟବସ୍ଥା କଡ଼ାକଡି କରାଯିବ । ଡ୍ରାସରେ ଅବସ୍ଥିତ କାର୍ଗିଲ ଯୁଦ୍ଧ ମେମୋରିଆଲ ନିକଟରେ ସୁରକ୍ଷାକୁ ଯଥେଷ୍ଟ ବୃଦ୍ଧି କରାଯାଇଛି ଶିଙ୍କୁନ୍ ଲା ଟନେଲ୍ ପ୍ରକଳ୍ପରେ ନିମୁ-ପାଦୁମ୍-ଡାର୍ଚା ରାସ୍ତାରେ ପ୍ରାୟ 15,800 ଫୁଟ ଉଚ୍ଚରେ 4.1 କିଲୋମିଟର ଲମ୍ବା ଟ୍ୱିନ୍-ଟ୍ୟୁବ୍ ଟନେଲ୍ ନିର୍ମାଣ ଅନ୍ତର୍ଭୁକ୍ତ । ଏହି ଟନେଲର ଉଦ୍ଦେଶ୍ୟ ହେଉଛି ଲେହକୁ ସବୁ-ପାଣିପାଗରେ ସଂଯୋଗ ଯୋଗାଇବା ।
ଏହି ଟନେଲ୍ ସମାପ୍ତ ହେବା ପରେ ଏହା ଦୁନିଆର ସର୍ବୋଚ୍ଚ ଟନେଲ୍ ହେବ । ଏହାପୂର୍ବରୁ ପ୍ରଧାନମନ୍ତ୍ରୀ ମୋଦି ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି ଯେ, 26 ଜୁଲାଇ ଭାରତର ପ୍ରତ୍ୟେକ ନାଗରିକଙ୍କ ପାଇଁ ଏକ ବିଶେଷ ଦିନ। ଆମେ କାର୍ଗିଲ ବିଜୟ ଦିବସର 25 ତମ ବାର୍ଷିକୀ ପାଳନ କରୁଛୁ । ଦେଶର ସୁରକ୍ଷା ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ଦେଶର ଯବାନଙ୍କୁ ମନେ ପକାଇବାର ଦିନ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କାର୍ଗିଲ ବିଜୟ ଦିବସ ଅବସରରେ ସହିଦ ଯବାନ ମାନଙ୍କୁ ସ୍ମରଣ କରିଛନ୍ତି।
#WATCH | Ladakh: Prime Minister Narendra Modi at the Kargil War Memorial in Kargil
He paid tribute to the heroes of the Kargil War on the occasion of 25th #KargilVijayDiwas2024 pic.twitter.com/dHLZmDMdi0
— ANI (@ANI) July 26, 2024
ସୂଚନାଥାଉ ଯେ, କାର୍ଗିଲ ଯୁଦ୍ଧରେ ଭାରତୀୟ ସେନାର ୫୦୦ରୁ ଅଧିକ ଅଧିକାରୀ ଏବଂ ସୈନିକ ପ୍ରାଣ ହରାଇଥିଲେ ସେହିପରି କାର୍ଗିଲ ଯୁଦ୍ଧରେ ପ୍ରାୟ ୬୯୬ ପାକିସ୍ତାନୀ ସୈନିକ ନିହତ ହୋଇଥିଲେ । ୧୯୪୭ ମସିହାରେ ଭାରତ ବିଭାଜନ ପୂର୍ବରୁ କାର୍ଗିଲ ଲଦାଖର ବାଲ୍ଟିସ୍ତାନ ଜିଲ୍ଲାର ଏକ ଅଂଶ ଥିଲା । କାଶ୍ମୀର ଯୁଦ୍ଧ ପରେ ଏହା ପ୍ରଥମେ LoC ରୁ ଅଲଗା ହୋଇଥିଲା ।
Click it and Unblock the Notifications
Sign in with Google