କୁଏତରେ ପ୍ରଧାନମନ୍ତ୍ରୀ: ଆଜି ଗାର୍ଡ ଅଫ୍ ଅନରରେ ସମ୍ମାନିତ ହେବେ ମୋଦି

PM Modi in Kuwait: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଦୁଇ ଦିନିଆ ଗସ୍ତରେ କୁଏତରେ ଅଛନ୍ତି । ୪୩ ବର୍ଷ ପରେ ପ୍ରଥମ ଥର ପାଇଁ କୌଣସି ଭାରତୀୟ ପ୍ରଧାନମନ୍ତ୍ରୀ କୁଏତ ଗସ୍ତ କରିଛନ୍ତି । ଗତକାଲି ମୋଦି କୁଏତ ବିମାନବନ୍ଦରରେ ପହଞ୍ଚିବା ପରେ କୁଏତ ପ୍ରିନ୍ସ ଶେଖ ମେଶାଲ ତାଙ୍କୁ ରେଡ୍ କାର୍ପେଟରେ ପାଛୋଟି ନେଇଥିଲେ । ସେହିପରି ଆଜି ଦ୍ଵିତୀୟ ଦିନରେ କୁଏତର ବାୟନ୍ ପ୍ୟାଲେସରେ ମୋଦିଙ୍କୁ ଗାର୍ଡ ଅଫ୍ ଅନରରେ ସମ୍ମାନିତ କରାଯିବ ।

ପ୍ରଧାନମନ୍ତ୍ରୀ ତାଙ୍କର ବିଦେଶ ଗସ୍ତକୁ ଐତିହାସିକ ବୋଲି ବର୍ଣ୍ଣନା କରି କହିଛନ୍ତି, କୁଏତ ସହ ଐତିହାସିକ ସମ୍ପର୍କର ଗଭୀର ଗୁରୁତ୍ୱ ଉପରେ ଭାରତ ଗୁରୁତ୍ୱାରୋପ କରୁଛି। ପ୍ରଧାନମନ୍ତ୍ରୀ ଦାବି କରିଛନ୍ତି ଯେ ଆଗାମୀ ପିଢି ପାଇଁ ଭାରତ-କୁଏତ ସମ୍ପର୍କର ଜାରି ରହିବ। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତ-କୁଏତ ଦ୍ୱିପାକ୍ଷିକ ସମ୍ପର୍କ କେବଳ ଶକ୍ତିଶାଳୀ ବାଣିଜ୍ୟ ଏବଂ ଶକ୍ତି ସହଭାଗୀ ନୁହେଁ ଏବଂ ପଶ୍ଚିମ ଏସିଆ ଅଞ୍ଚଳରେ ଶାନ୍ତି, ନିରାପତ୍ତା, ସ୍ଥିରତା ଏବଂ ସମୃଦ୍ଧତା ପାଇଁ ଆମର ସାଧାରଣ ସ୍ୱାର୍ଥ ରହିଛି।

ସେହିପରି ମୋଦି ଭାରତ-କୁଏତ ସମ୍ପର୍କର ଶକ୍ତି ବିଷୟରେ ଉଲ୍ଲେଖ କରିଛନ୍ତି। ଏହା ବ୍ୟତୀତ ସେ ଧ୍ୟାନ ଦିବସ ଏବଂ ଭାରତୀୟ ଆୟୁର୍ବେଦ ପରମ୍ପରା ବିଷୟରେ ଉଲ୍ଲେଖ କରିଥିଲେ । ପିଏମ ମୋଦି କହିଛନ୍ତି ଯେ ଭାରତର ପାରମ୍ପାରିକ ଔଷଧ - ଆୟୁର୍ବେଦ ଏବଂ ଆମର ଆୟୁଷ ଉତ୍ପାଦ ବିଶ୍ୱ କଲ୍ୟାଣକୁ ସମୃଦ୍ଧ କରୁଛି।

Glad to have met His Highness the Amir of Kuwait, Sheikh Meshal Al-Ahmad Al-Jaber Al Sabah during the opening ceremony of the Arabian Gulf Cup. pic.twitter.com/DaoPLKYhFy

— Narendra Modi (@narendramodi) December 21, 2024

ଅନ୍ୟପକ୍ଷରେ ମୋଦି ଅମିର ସେଖ୍ ଓ କ୍ରାଉନ୍ ପ୍ରିନ୍ସଙ୍କ ସହ ଦ୍ୱିପାକ୍ଷିକ ବୈଠକରେ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ । ଉଭୟ ଦେଶ ମଧ୍ୟରେ ସ୍ଥାନୀୟ ମୁଦ୍ରାରେ କାରବାରକୁ ନେଇ ମଧ୍ୟ ଦ୍ୱିପାକ୍ଷିତ ବୈଠକରେ ଆଲୋଚନା ହେବା ନେଇ ସୂଚନା ରହିଛି । ସେହିପରି ସୁରକ୍ଷା, ପ୍ରତିରକ୍ଷା, ଶକ୍ତି, ହାଇଡ୍ରୋକାର୍ବନ ଏବଂ ବ୍ୟବସାୟିକ ସମ୍ପର୍କ ପରି ବିଭିନ୍ନ ପ୍ରସଙ୍ଗକୁ ନେଇ ଆଲୋଚନା କରାଯିବା ନେଇ ସୂଚନା ରହିଛି ।