Narendra Modi Birthday: ପ୍ରଧାନମନ୍ତ୍ରୀ ନ ହୋଇଥିଲେ ଶଙ୍କରାଚାର୍ଯ୍ୟ ହୋଇଥାନ୍ତେ ମୋଦି, ଜାଣନ୍ତୁ କିଛି ଅଜଣା କଥା

Published: Monday, September 16, 2024, 19:51 [IST]

PM Modi Turns 74 Tomorrow: ବିଦ୍ୟାଳୟରେ ପାଠ ପଢା ଶେଷ କରିବା ପରେ ପ୍ରଧାନମନ୍ତ୍ରୀ ମୋଦି ସନ୍ନ୍ୟାସୀ ହେବା ପାଇଁ ନିଶ୍ଟିତ କରିଥିଲେ । ମୋଦି କହିଥିଲେ ସେ ପ୍ରାୟ ୩ ବର୍ଷ ପର୍ଯ୍ୟନ୍ତ ହିମାଳୟରେ ମଧ୍ୟ ରହିଥିଲେ ।

ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମ ସେପ୍ଟେମ୍ବର ୧୭ ତାରିଖରେ ୧୯୫୦ ମସିହାରେ ହୋଇଥିଲା । ଆସନ୍ତାକାଲି ମୋଦି ୭୪ ବର୍ଷ ବୟସରେ ପଦାର୍ପଣ କରିବେ । ଗୁଜୁରାଟର ବଡନଗରର ଏକ ସାଧାରଣ ପରିବାରରେ ତାଙ୍କ ଜନ୍ମ ହୋଇଥିଲା । ପିତାଙ୍କ ନାମ ଦାମୋଦର ଦାସ ମୂଲଚନ୍ଦ ମୋଦି ଏବଂ ମାତାଙ୍କ ନାମ ହିରାବେନ। ପାଞ୍ଚ ଭାଇଭଉଣୀଙ୍କ ମଧ୍ୟରେ ମୋଦି ଦ୍ୱିତୀୟ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜୀବନରେ ଅତ୍ୟନ୍ତ ବାଧା ବିଘ୍ନ ରହିଛି ।

ଲେଖକ ଏମ.ଭି କାମଥ ତାଙ୍କ ପୁସ୍ତକ ମ୍ୟାନ୍ ଅଫ୍ ଦି ମୁମେଣ୍ଟରେ ଲେଖିଛନ୍ତି ଯେ ନରେନ୍ଦ୍ର ମୋଦୀଙ୍କ ପରିବାରର ଆର୍ଥିକ ଅବସ୍ଥା ଭଲ ନଥିଲା । ରେଳ ଷ୍ଟେସନ ନିକଟରେ ତାଙ୍କ ପିତାଙ୍କର ଏକ ଚା ଦୋକାନ ଥିଲା। ସ୍କୁଲ ବିରତି ସମୟରେ ପିଏମ ମୋଦି ଦୋକାନକୁ ଆସୁଥିଲେ ଏବଂ ତାଙ୍କ ପିତାଙ୍କୁ କାର୍ଯ୍ୟରେ ସାହାଯ୍ୟ କରୁଥିଲେ। ଯେତେବେଳେ ପ୍ରଧାନମନ୍ତ୍ରୀ ମୋଦି ଯୁବକ ଥିଲେ, ସେହି ସମୟରେ ତାଙ୍କୁ ନେଇ ଜଣେ ସାଧୁ ଭବିଷ୍ୟବାଣୀ କରିଥିଲେ ଯେ ସେ ରାଜନୀତିରେ ଯାଇପାରନ୍ତି କିମ୍ବା ସନ୍ନ୍ୟାସୀ ହୋଇଯିବେ । ହେଲେ ଉଭୟ ଦିଗରେ ସେ ଦେଶ ବିଦେଶରେ ଏକ ପରିଚିତ ଚେହେରା ହୋଇ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବେ । ଉକ୍ତ ସାଧୁ ପ୍ରଧାନମନ୍ତ୍ରୀ ମୋଦିଙ୍କ ପାଇଁ ରାଜଯୋଗ ନେଇ ମଧ୍ୟ ଭବିଷ୍ୟବାଣୀ କରିଥିଲେ ।

'The Man of the Moment: Narendra Modi' ପୁସ୍ତକରେ ଏହା ଲେଖାଯାଇଛି ଯେ, ଉକ୍ତ ସାଧୁ ଜଣକ ପିଏମ ମୋଦିଙ୍କ ବିଷୟରେ କହିଥିଲେ ଯେ ଯଦି ସେ ରାଜନୀତିରେ ସେ ପାଦ ଦିଅନ୍ତି, ତେବେ ସେ ବହୁତ ଆଗକୁ ଯିବେ ଏବଂ ଯଦି ସେ ସନ୍ନ୍ୟାସୀ ଧର୍ମ ଗ୍ରହଣ କରୁଛନ୍ତି ତେବେ ସେ ଶଙ୍କରାଚାର୍ଯ୍ୟ ଆଖ୍ୟା ପାଇବେ। ସେହିପରି ଏକ ସମୟ ଥିଲା ଯେତେବେଳେ ପିଏମ ମୋଦୀ ଜଣେ ସନ୍ନ୍ୟାସୀ ହେବ ପାଇଁ ଚେଷ୍ଟା କରିଥିଲେ ।

ସ୍କୁଲ ଶେଷ କରିବା ମାତ୍ରେ ପ୍ରଧାନମନ୍ତ୍ରୀ ମୋଦି ୧୮ ବର୍ଷ ବୟସରେ ସନ୍ନ୍ୟାସୀ ହେବା ପାଇଁ ଘରୁ ପଳାଇଥିଲେ । ଏହା ପରେ ସେ ପଶ୍ଚିମବଙ୍ଗର ରାମକୃଷ୍ଣ ଆଶ୍ରମ ସମେତ ଦେଶର ଅନେକ ସ୍ଥାନ ପରିଦର୍ଶନ କରିଥିଲେ । ହିମାଚଳର ସାଧୁମାନଙ୍କ ସହିତ ସେ ତିନି ବର୍ଷ ରହିଥିଲେ । ଏହାପରେ କିଛି ସାଧୁମାନେ ତାଙ୍କୁ କହିଥିଲେ ଯେ ସନ୍ନ୍ୟାସ ଗ୍ରହଣ ନକରି ମଧ୍ୟ ଦେଶର ସେବା କରାଯାଇପାରିବ । ଏହା ପରେ ସେ ଗୁଜୁରାଟକୁ ଫେରି ସନ୍ନ୍ୟାସ ନେବାର ନିଷ୍ପତ୍ତି ବଦଳାଇଥିଲେ ।

ରାମକୃଷ୍ଣ ମଠ ଏବଂ ମିଶନର ସହକାରୀ ସଚିବ ସ୍ୱାମୀ ସୁବୀରାନନ୍ଦ ଜୀ କହିଛନ୍ତି, 'ଯେତେବେଳେ ପ୍ରଧାନମନ୍ତ୍ରୀ ମୋଦି ସନ୍ନ୍ୟାସୀ ହେବା ପାଇଁ ବେଲୁର ମଠ ଆସିଥିଲେ ସେତବେଳେ ଏହି ସ୍ଥାନରେ ମୁଖ୍ୟ ଥିବା ସ୍ୱାମୀ ମାଧବନନ୍ଦ ଜୀ ମହାରାଜ ନରେନ୍ଦ୍ର ଭାଇଙ୍କୁ କହିଥିଲେ ଯେ ଆପଣଙ୍କ ବୟସ ବହୁତ କମ୍, ଆପଣ ଆଗକୁ ଆହୁରି ପଢିବା ପରେ ଏଠାକୁ ଆସନ୍ତୁ ।

କେବଳ ସ୍ନାତକ ବ୍ୟକ୍ତିଙ୍କୁ ବେଲୁରର ରାମକୃଷ୍ଣ ମଠରେ ଏଣ୍ଟ୍ରି ମିଳିଥାଏ । ସେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେବଳ ସ୍କୁଲ ପାସ୍ ଥିଲେ, ତେଣୁ ତାଙ୍କୁ ନିଆଯାଇନଥିଲା। ପିଏମ ମୋଦି ଉତ୍ତରପ୍ରଦେଶର ଆଲମୋରାଠାରେ ନିର୍ମିତ ରାମକୃଷ୍ଣ ମିଶନର ଦ୍ୱିତୀୟ ମଠରେ ମଧ୍ୟ ପହଞ୍ଚିଥିଲେ। ସେଠାରେ ତାଙ୍କୁ ଅଧିକ ଅଧ୍ୟୟନ କରିବାକୁ ପରାମର୍ଶ ଦିଆଯାଇଥିଲା।

ପିଏମ ମୋଦି ଏହା ପରେ ମାନି ନଥିଲେ, ପରେ ହିମାଳୟ ଯାଇଥିଲେ। ହିମାଳୟରୁ ଫେରିବା ପରେ ସେ ନିଜ ସମ୍ପର୍କୀୟଙ୍କୁ ଭେଟିବା ବାହାନାରେ ରାଜକୋଟ ରାମକୃଷ୍ଣ ମିଶନକୁ ଆସୁଥିଲେ। ସେଠାରେ ସ୍ୱାମୀ ଅଟମାଷ୍ଟାନନ୍ଦ ଜୀ ପ୍ରଧାନମନ୍ତ୍ରୀ ମୋଦିଙ୍କୁ କହିଥିଲେ ଯେ ଦେଶ ତାଙ୍କୁ ଆବଶ୍ୟକ କରୁଛି। ବର୍ତ୍ତମାନ ସେ ଦେଶ ସେବା କରିବାରେ ଧ୍ୟାନ ଦେବା ଉଚିତ୍।

ଆଠ ବର୍ଷ ବୟସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜୁରାଟର ଏକ ଛୋଟ ସହରର ରେଳ ଷ୍ଟେସନରେ ଚା ବିକ୍ରି କରିଥିଲେ। ପ୍ରଧାନମନ୍ତ୍ରୀ ମୋଦି ରାଜନୀତି ବିଜ୍ଞାନରେ ଏମ ଡିଗ୍ରୀ ହାସଲ କରିଛନ୍ତି। ସେ ସଂଗଠନ ପ୍ରତି ଅଧିକ ଆଗ୍ରହୀ ଥିଲେ ଏବଂ ନରେନ୍ଦ୍ର ମୋଦି ବାଲ୍ୟକାଳରୁ ରାଷ୍ଟ୍ରିୟ ସ୍ୱୟଂସେବକ ସଂଗଠନ ଯଥା RSS ସହିତ ଜଡିତ ଥିଲେ । ୧୯୫୮ ମସିହାରେ ଦିପାବଳୀ ଦିନ, ଗୁଜୁରାଟ ଆରଏସଏସର ପ୍ରଥମ ପ୍ରାନ୍ତ ପ୍ରଚାରକ ଲକ୍ଷ୍ମଣ ରାଓ ଇନମଦାର ଓରଫ ବାକିଲ ସାହେବଙ୍କ ସମୟରେ ସେ ବାଲ ସ୍ୱୟଂସେବକ ଭାବରେ RSS ସହିତ ଜଡିତ ହୋଇଥିଲେ । ସଂଗଠନର କାର୍ଯ୍ୟକ୍ରମ ସେ କରୁଥିଲେ । ଟ୍ରେନ୍ ଏବଂ ବସ୍ ରେ ଆରଏସଏସ ପ୍ରଚାରକଙ୍କ ପାଇଁ ସେ ସଂରକ୍ଷଣ କରୁଥିଲେ ।

1972-1973 ମସିହାରେ, ପ୍ରଧାନମନ୍ତ୍ରୀ ମୋଦି RSS ସଂଗଠନର ପ୍ରଚାରକ ହୋଇଥିଲେ। ଯାହା ପରଠୁ ତାଙ୍କର ରାଜନୈତିକ ଯାତ୍ରା ଆରମ୍ଭ ହୋଇଥିଲା। ବହୁ ବର୍ଷ ଧରି ପ୍ରଚାରକ ହେବା ପରେ ପ୍ରଧାନମନ୍ତ୍ରୀ ମୋଦୀ 1980 ମସିହାରେ ଭାରତୀୟ ଜନତା ପାର୍ଟିର ଗୁଜୁରାଟ ୟୁନିଟରେ ଯୋଗ ଦେଇଥିଲେ।

1988-89 ମସିହାରେ ପ୍ରଧାନମନ୍ତ୍ରୀ ମୋଦି ଗୁଜରାଟରେ ବିଜେପିର ସାଧାରଣ ସମ୍ପାଦକ ହୋଇଥିଲେ। 1990 ରେ, ବିଜେପିର ଅନ୍ୟତମ ପ୍ରତିଷ୍ଠାତା ଲାଲ କୃଷ୍ଣ ଆଡଭାନୀ ସୋମନାଥ-ଅଯୋଧ୍ୟା ରଥଯାତ୍ରାର ଆୟୋଜନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

1995 ରେ ପିଏମ ମୋଦିଙ୍କୁ ବିଜେପିର ଜାତୀୟ ସଚିବ କରାଯାଇଥିଲା। ତାଙ୍କୁ ପାଞ୍ଚଟି ରାଜ୍ୟର ଦାୟିତ୍ୱରେ ରଖାଯାଇଥିଲା। 1998 ରେ ପ୍ରଧାନମନ୍ତ୍ରୀ ମୋଦି ବିଜେପିର ସାଧାରଣ ସମ୍ପାଦକ ହୋଇଥିଲେ।

2001 ମସିହାରେ ପ୍ରଧାନମନ୍ତ୍ରୀ ମୋଦି ଗୁଜୁରାଟର ମୁଖ୍ୟମନ୍ତ୍ରୀ ହୋଇଥିଲେ। 2002 ରେ, ପ୍ରଧାନମନ୍ତ୍ରୀ ମୋଦି ଗୁଜୁରାଟ ବିଧାନସଭା ନିର୍ବାଚନରେ ଜିତିଥିଲେ ଏବଂ ସେ 2012 ପର୍ଯ୍ୟନ୍ତ ନିର୍ବାଚନରେ ଜିତିଥିଲେ। ଏହା ସହିତ ସେ ଗୁଜରାଟରେ ମଧ୍ୟ କ୍ଷମତାରେ ରହିଲେ ।

ଜୁନ୍ 2013 ରେ ପ୍ରଧାନମନ୍ତ୍ରୀ ମୋଦି 2014 ଲୋକସଭା ନିର୍ବାଚନ ପାଇଁ ବିଜେପି ପ୍ରାର୍ଥୀ ଭାବରେ ମନୋନୀତ ହୋଇଥିଲେ। ଏହି ନିର୍ବାଚନରେ ପ୍ରଧାନମନ୍ତ୍ରୀ ମୋଦି ବହୁ ସଂଖ୍ୟାରେ ଜିତିଥିଲେ। 26 ମେ 2014 ରେ ନରେନ୍ଦ୍ର ମୋଦି ଭାରତର ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। 2014 ପରେ, ପ୍ରଧାନମନ୍ତ୍ରୀ ମୋଦି କ୍ରମାଗତ ତୃତୀୟ ଥର ପାଇଁ 2019 ଏବଂ ପରେ 2024 ରେ ଲୋକସଭା ନିର୍ବାଚନରେ ଜିତି ଦେଶର ପ୍ରଧାନମନ୍ତ୍ରୀ ହୋଇଛନ୍ତି ।

Published On September 16, 2024