ଆଜି ପ୍ରଧାନମନ୍ତ୍ରୀ ମୋଦିଙ୍କ ଗୁଜୁରାଟ ଗସ୍ତ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଗୁଜୁରାଟ ଗସ୍ତ କରିବେ । ପୂର୍ବାହ୍ନ ପ୍ରାୟ 10.15ରେ ପ୍ରଧାନମନ୍ତ୍ରୀ ନାଭସାରୀରେ ‘ଗୁଜୁରାଟ ଗୌରବ ଅଭିଯାନ'ର ଏକାଧିକ ବିକାଶମୂଳକ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ କରିବେ ।

ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜୁରାଟ ଗସ୍ତ କରିବେ । ପୂର୍ବାହ୍ନ ପ୍ରାୟ 10.15ରେ ପ୍ରଧାନମନ୍ତ୍ରୀ ନାଭସାରୀରେ 'ଗୁଜୁରାଟ ଗୌରବ ଅଭିଯାନ'ର ଏକାଧିକ ବିକାଶମୂଳକ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ କରିବେ ।

ଅପରାହ୍ନ ପ୍ରାୟ 12ଟା15ରେ ନଭସାରୀରେ ଏଏମ ନାଏକ ହେଲଥ କେୟାର କମ୍ପେଲକ୍ସ ଏବଂ ନିରାଲୀ ମଲ୍ଟି ସ୍ପେସିଆଲିଟି ହସ୍ପିଟାଲର ଉଦଘାଟନ କରିବେ । ପରେ, ଅପରାହ୍ନ ପ୍ରାୟ 3 ଟା45ରେ ସେ ଅହମ୍ମଦାବାଦର ବୋପାଲରେ ଭାରତୀୟ ଜାତୀୟ ମହାକାଶ ପ୍ରୋତ୍ସାହନ ଏବଂ ପ୍ରାଧିକରଣ କେନ୍ଦ୍ରର ମୁଖ୍ୟାଳୟକୁ ଉଦଘାଟନ କରିବେ ।
ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମ ଗୁଜୁରାଟ ଗୌରବ ଅଭିଯାନ ନାମକ ଏକ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଅଂଶଗ୍ରହଣ କରିବେ ।

ଏହି କାର୍ଯ୍ୟକ୍ରମ ସମୟରେ ସେ ନାଭସାରୀର ଏକ ଆଦିବାସୀ ଅଞ୍ଚଳ ଖୁଦଭେଲରେ ପ୍ରାୟ 3050 କୋଟି ଟଙ୍କା ମୂଲ୍ୟର ବିକାଶମୂଳକ କାର୍ଯ୍ୟର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିବେ । ଏଥିରେ 7ଟି ପ୍ରକଳ୍ପର ଉଦଘାଟନ, 12ଟି ପ୍ରକଳ୍ପ ପାଇଁ ଭିତ୍ତିପ୍ରସ୍ତର ସ୍ଥାପନ ଏବଂ 14ଟି ପ୍ରକଳ୍ପର ଭୂମି ପୂଜନ ରହିଛି । ଏହି ପ୍ରକଳ୍ପ ଗୁଡିକ ସମ୍ପୃକ୍ତ ଅଞ୍ଚଳରେ ଯୋଗାଯୋଗକୁ ବଢାଇବା ସହ ଜୀବନଯାପନର ସହଜତା ବୃଦ୍ଧି ଏବଂ ଜଳ ଯୋଗାଣରେ ଉନ୍ନତି ଆଣିବାରେ ସାହାଯ୍ୟ କରିବ ।

ପ୍ରାୟ 586 କୋଟି ଟଙ୍କା ବ୍ୟୟରେ ର୍ନିମିତ ମଧୁବନ ଡ୍ୟାମ ଆଧାରିତ ଆଷ୍ଟୋଲ ଆଞ୍ଚଳିକ ଜଳ ଯୋଗାଣ ପ୍ରକଳ୍ପକୁ ପ୍ରଧାନମନ୍ତ୍ରୀ ଉଦଘାଟନ କରିବେ । ଏହା ଜଳ ଯୋଗାଣ ଇଞ୍ଜିନିୟରିଂ କୌଶଳର ଏକ ଚମତ୍କାର ନିଦର୍ଶନ । ଏଥିସହ 163 କୋଟି ଟଙ୍କା ମୂଲ୍ୟର 'ନଳ ସେ ଜଳ' ପ୍ରକଳ୍ପ ପ୍ରଧାନମନ୍ତ୍ରୀଙ୍କ ଦ୍ୱାରା ଉଦଘାଟିତ ହେବ । ଏହି ପ୍ରକଳ୍ପଗୁଡିକ ସୁରଟ, ନାଭସାରୀ, ଭାଲସାଦ ଏବଂ ତାପି ଜିଲ୍ଲାର ବାସିନ୍ଦାଙ୍କୁ ନିରାପଦ ଏବଂ ପର୍ଯ୍ୟାପ୍ତ ପାନୀୟ ଜଳ ଯୋଗାଇବ । ଅହମ୍ମଦାବାଦର ବୋପାଲରେ ଭାରତୀୟ ଜାତୀୟ ମହାକାଶ ପ୍ରୋତ୍ସାହନ ଏବଂ ପ୍ରାଧିକରଣ କେନ୍ଦ୍ରର ମୁଖ୍ୟାଳୟକୁ ପ୍ରଧାନମନ୍ତ୍ରୀ ଉଦଘାଟନ କରିବେ । ଏହି କାର୍ଯ୍ୟକ୍ରମଟି ଆଇଏନ-ଏସଏପିଏସସିଇ ଏବଂ ମହାକାଶ ପ୍ରୟୋଗ ଏବଂ ସେବା କ୍ଷେତ୍ରରେ କାର୍ଯ୍ୟ କରୁଥିବା ଘରୋଇ କ୍ଷେତ୍ର କମ୍ପାନୀଗୁଡିକ ମଧ୍ୟରେ ଏମଓୟୁର ସ୍ବାକ୍ଷର ହେବ ।

English summary

Prime Minister Narendra Modi will visit Gujarat today. At around 10.15 am, the Prime Minister will lay the foundation stone for multiple development works of the Gujarat Gaurav Abhiyan in Navsauri.