27 ରେ ଜାପାନ ଯିବେ ପିଏମ ମୋଦି, ସିଞ୍ଜୋ ଆବେଙ୍କ ଅନ୍ତିମ ସଂସ୍କାରରେ ହେବେ ସାମିଲ
27 ରେ ଜାପାନ ଯିବେ ପିଏମ ମୋଦି । ସେଠାରେ ସିଞ୍ଜୋ ଆବେଙ୍କ ଅନ୍ତିମ ସଂସ୍କାରରେ ହେବେ ସାମିଲ। 2 ମାସ ପରେ ହେବ ଆବେଙ୍କ ଅନ୍ତିମ ସଂସ୍କାର ।
ନୂଆଦିଲ୍ଲୀ: ଆସନ୍ତା 27 ତାରିଖରେ ପ୍ରଧାନମନ୍ତ୍ରୀ ମୋଦି ଜାପାନ ଗସ୍ତ କରୁଛନ୍ତି । ଏହି ଗସ୍ତରେ ପିଏମ ମୋଦି ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କୁ ଭେଟିବାର ଯୋଜନା ରହିଛି । ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ଅନ୍ତ୍ୟେଷ୍ଟି କ୍ରିୟାରେ ହେବେ ସାମିଲ । ଦୁଇ ମାସ ତଳେ ଜାପାନର ପୂର୍ବତନ ପ୍ରଧାନମନ୍ତ୍ରୀଙ୍କ ମୃତ୍ୟୁ ହୋଇଥିଲେ ମଧ୍ୟ ତାଙ୍କର ଅନ୍ତିମ ସଂସ୍କାର କରାଯାଇ ନାହିଁ ।
ଜୁଲାଇ ମାସ 8 ତାରିଖରେ ଜାପାନର ନାରା ସହରରେ ଏକ ମଞ୍ଚରେ ଭାଷଣ ଦେଉଥିବା ବେଳେ ତାଙ୍କ ଉପରେ ଅତର୍କିତ ଗୁଳିମାଡ ହୋଇଥିଲା । ଫଳରେ ସିଞ୍ଜୋଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିଲେ ମଧ୍ୟ କିଛି ଲାଭ ହୋଇ ନଥିଲେ । ତାଙ୍କର ମୃତ୍ୟୁ ଘଟିଥିଲା । ମୃତ୍ୟୁ ବେଳକୁ ତାଙ୍କୁ 67 ବର୍ଷ ବୟସ ହୋଇଥିଲା । ଭାରତ ଏବଂ ଜାପାନ ଭିତରେ ସୁସଂପର୍କ ଥିଲା । ଆବେଙ୍କ ମୃତ୍ୟୁ ଖବର ଜାଣିବା ପରେ ଜଣେ ପ୍ରିୟ ବନ୍ଧୁଙ୍କୁ ହରାଇଥିବା କହି ପ୍ରଧାନମମନ୍ତ୍ରୀ ମୋଦି ଦୁଃଖ ପ୍ରକାଶ କରିଥିଲେ ।
Click it and Unblock the Notifications
Sign in with Google