୭୬ତମ ତିରୋଧାନ ଦିବସରେ ବାପୁଙ୍କୁ ଶ୍ରଦ୍ଧାଞ୍ଜଳି ଦେଲେ ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଆଜି ସକାଳେ ପ୍ରଧାନମନ୍ତ୍ରୀ ମୋଦୀ ରାଜଘାଟରେ ପହଞ୍ଚିଥିଲେ । ଏଠାରେ ସେ 76 ତମ ମୃତ୍ୟୁ ବାର୍ଷିକୀରେ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ଏହି ଅବସରରେ ରାଜଘାଟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ଉପରାଷ୍ଟ୍ରପତି ଜଗଦୀପ ଧନଖଡ, ଦିଲ୍ଲୀର ଲେଫ୍ଟନାଣ୍ଟ ଗଭର୍ଣ୍ଣର ବିନୟ ସାକ୍ସେନା ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ଅନ୍ୟାନ୍ୟ ବ୍ୟକ୍ତି ମଧ୍ୟ ଉପସ୍ଥିତ ଥିଲେ । ଦେଶର ବଡ ବଡ ନେତୃତ୍ଵ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଜାତିର ପିତା ମହାତ୍ମା ଗାନ୍ଧୀଙ୍କୁ 1948 ମସିହାରେ ନାଥୁରାମ ଗୋଡସେ ହତ୍ୟା କରିଥିଲେ ।
ଏହାପୂର୍ବରୁ ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୂଜ୍ୟ ବାପୁଙ୍କୁ ତାଙ୍କ ମୃତ୍ୟୁ ବାର୍ଷିକୀରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଯେଉଁମାନେ ଆମ ଦେଶ ପାଇଁ ସହିଦ ହୋଇଛନ୍ତି ସେମାନଙ୍କୁ ମଧ୍ୟ ମୁଁ ଶ୍ରଦ୍ଧାଞ୍ଜଳି ଅର୍ପଣ କରୁଛି । ତାଙ୍କର ବଳିଦାନ ଆମକୁ ଲୋକମାନଙ୍କର ସେବା କରିବାକୁ ଏବଂ ଆମ ଦେଶ ପାଇଁ ତାଙ୍କ ସ୍ୱପ୍ନକୁ ପୂରଣ କରିବାକୁ ପ୍ରେରଣା ଯୋଗାଏ ।
ଅହିଂସାକୁ ତାଙ୍କର ସବୁଠାରୁ ବଡ ଅସ୍ତ୍ରରେ ପରିଣତ କରିଥିବା ଏବଂ ବ୍ରିଟିଶମାନଙ୍କୁ ଦେଶରୁ ବାହାରିବା ବାଟ ଦେଖାଇଥିବା ମହାତ୍ମା ଗାନ୍ଧୀ ନିଜେ ହିଂସାର ଶିକାର ହୋଇଥିଲେ । ସେଦିନ ମଧ୍ୟ ସେ ପୂର୍ବପରି ସନ୍ଧ୍ୟା ପ୍ରାର୍ଥନା କରିବାକୁ ଯାଉଥିଲେ। ସେହି ସମୟରେ ଗୋଡସେ ତାଙ୍କୁ ଅତି ନିକଟରୁ ଗୁଳି ଚଳାଇଲେ ଆଉ ଆଉ କିଛି ସମୟ ମଧ୍ୟରେ 'ହେ ରାମ' କହି ଦୁନିଆ ଛାଡି ଚାଲିଗଲେ ବାପୁ । ମୋହନ ଦାସ କରମଚାନ୍ଦ ଗାନ୍ଧୀଙ୍କ ନାମ, ଯିଏ ତାଙ୍କ ଜୀବନ କାଳରେ ନିଜର ଚିନ୍ତାଧାରା ଏବଂ ନୀତି ପାଇଁ ପ୍ରସିଦ୍ଧ ଥିଲେ, ତାଙ୍କୁ ସାରା ବିଶ୍ୱରେ ସମ୍ମାନିତ କରାଯାଏ ।
Click it and Unblock the Notifications
Sign in with Google