କୃଷକଙ୍କ ଆଗରେ ହାତଯୋଡ଼ି ଓ ମୁଣ୍ଡ ନୁଆଇଁ ସମସ୍ତ ପ୍ରସଙ୍ଗରେ ଆଲୋଚନା କରିବାକୁ ପ୍ରସ୍ତୁତ : ପ୍ରଧାନମନ୍ତ୍ରୀ ମୋଦୀ
ମୋଦୀ ହାତ ଯୋଡ଼ି ମୁଣ୍ଡ ନୁଆଁଇ କୃଷକମାନଙ୍କ ଉଦ୍ଦେଶ୍ୟରେ କହିଛନ୍ତି, ଆମେ ପ୍ରତ୍ୟେକ ପ୍ରସଙ୍ଗ ଉପରେ ଆଲୋଚନା କରିବାକୁ ପ୍ରସ୍ତୁତ | ହଜାର ହଜାର କୃଷକ ବିରୋଧ କରୁଥିବା କୃଷି ଆଇନ କୃଷକଙ୍କ ଜୀବନରେ ଉନ୍ନତି ଆଣିବା ଦିଗରେ କାର୍ଯ୍ୟ କରିବ ବୋଲି କହିଛନ୍ତି ।
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ଭିଡିଓ କନଫରେନ୍ସିଂ ମାଧ୍ୟମରେ ଭୋପାଳରେ ଏକ କୃଷକ ସମ୍ମିଳନୀକୁ ସମ୍ବୋଧିତ କରିଛନ୍ତି | ଏହି ପୂରା କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ ଫାର୍ମ ଆଇନ ଏବଂ କୃଷକ ଆନ୍ଦୋଳନ ବିଷୟରେ କହିଥିଲେ | ଏହି ଅବସରରେ ମୋଦୀ ହାତ ଯୋଡ଼ି ମୁଣ୍ଡ ନୁଆଁଇ କୃଷକମାନଙ୍କ ଉଦ୍ଦେଶ୍ୟରେ କହିଛନ୍ତି, ଆମେ ପ୍ରତ୍ୟେକ ପ୍ରସଙ୍ଗ ଉପରେ ଆଲୋଚନା କରିବାକୁ ପ୍ରସ୍ତୁତ | ହଜାର ହଜାର କୃଷକ ବିରୋଧ କରୁଥିବା କୃଷି ଆଇନ କୃଷକଙ୍କ ଜୀବନରେ ଉନ୍ନତି ଆଣିବା ଦିଗରେ କାର୍ଯ୍ୟ କରିବ ବୋଲି କହିଛନ୍ତି । ଏହି ଆଇନଗୁଡ଼ିକ ସଂସଦରେ ତରବରିଆ ଭାବେ ପାରିତ ହୋଇନାହିଁ ବରଂ ଦଶନ୍ଧି ଧରି ଆଲୋଚନା ହୋଇଆସୁଛି |
ଏମ୍ଏସପି ନେଇ ପ୍ରଧାନମନ୍ତ୍ରୀଙ୍କ ଆଶ୍ୱାସନା
କୃଷକମାନଙ୍କ ସର୍ବନିମ୍ନ ସହାୟତା ମୂଲ୍ୟ (ଏମଏସପି) ବଜାୟ ରଖିବାକୁ ମୋଦୀ ଆଶ୍ୱାସନା ଦେଇଛନ୍ତି | ପୂର୍ବ ଭଳି ସମାନ ଢଙ୍ଗରେ ଏମ୍ଏସପି ମୂଲ୍ୟ ମିଳିବ, ଏହା ରଦ୍ଦ ହେବ ନାହିଁ | ଏଥି ସହିତ ବିରୋଧୀ ଏମଏସପି ବିଷୟରେ ମିଥ୍ୟା ପ୍ରଚାର କରୁଛନ୍ତି ଏବଂ ବିରୋଧୀ ଦଳର କୃଷି କାନୁନ ସମ୍ପର୍କରେ ନୁହେଁ ବରଂ ମୋଦୀଙ୍କ ସହ ସମସ୍ୟା ରହିଛି ବୋଲି ସେ ଆକ୍ଷେପ କରିଛନ୍ତି |
मध्य प्रदेश में किसान सम्मेलन को संबोधित करते हुए... https://t.co/Rli3e8o9xF
— Narendra Modi (@narendramodi) December 18, 2020
ବିରୋଧୀଙ୍କ ମୋ ସହ ଅସୁବିଧା ରହିଛି
ପ୍ରଧାନମନ୍ତ୍ରୀ ମୋଦୀ ବିରୋଧୀ ଦଳକୁ ଟାର୍ଗେଟ କରି କହିଛନ୍ତି ଯେ, ବିରୋଧୀ ଦଳ କୃଷକଙ୍କ ସ୍ୱାର୍ଥରେ କହୁ ନାହାଁନ୍ତି, କିନ୍ତୁ ମୋଦୀ କାହିଁକି ଶ୍ରେୟ ନେଉଛନ୍ତି ସେନେଇ ସେମାନଙ୍କର ଅସୁବିଧା ରହିଛି | ହାତ ଯୋଡ଼ି ମୁଁ ସମସ୍ତ ପକ୍ଷଙ୍କୁ କହିବାକୁ ଚାହେଁ ଯେ ମୁଁ ଶ୍ରେୟ ଚାହୁଁ ନାହିଁ, ଏହି ଆଇନ ମଧ୍ୟ ତୁମ ଘୋଷଣାପତ୍ରରେ ଉଲ୍ଲେଖ ଥିଲା | ଆପଣମାନେ ଶ୍ରେୟ ନିଅନ୍ତୁ, କିନ୍ତୁ କୃଷକମାନଙ୍କୁ ପ୍ରବର୍ତ୍ତାଇବା ବନ୍ଦ କର ବୋଲି ବିରୋଧୀଙ୍କ ଉଦ୍ଦେଶ୍ୟରେ ମୋଦୀ କହିଛନ୍ତି | କେବଳ ଚାଷୀଙ୍କ ଜୀବନକୁ ସହଜ ଓ ସମୃଦ୍ଧ କରିବାକୁ ଚାହୁଁଛି ବୋଲି ପ୍ରଧାନମନ୍ତ୍ରୀ କହିଛନ୍ତି |