କର୍ଣ୍ଣାଟକରେ ପିଏମ ମୋଦୀଙ୍କ ରୋଡ୍ ସୋ', ଫୁଲର ବର୍ଷା କରି ସ୍ୱାଗତ କଲେ ଜନତା
ପ୍ରଧାନମନ୍ତ୍ରୀ ମୋଦୀ ମାନଣ୍ଡାୟା ପ୍ରାୟ ୨ କିଲୋମିଟର ପର୍ଯ୍ୟନ୍ତ ଏକ ରୋଡ୍ ସୋ କରିଥିଲେ। ରୋଡ୍ ସୋ ସମୟରେ ହଜାର ହଜାର ଲୋକଙ୍କ ସମାଗମ ଦେଖିବା ପାଇଁ ମିଳିଥିଲା । ଲୋକମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଫୁଲର ବର୍ଷା କରିଥିଲେ ।
କର୍ଣ୍ଣାଟକ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିନ କର୍ଣ୍ଣାଟକର ମାଇସୋରରେ ୧୬,୦୦୦ କୋଟି ଟଙ୍କା ମୂଲ୍ୟର ପ୍ରକଳ୍ପର ଉଦଘାଟନ କରିବେ। ଏହାପୂର୍ବରୁ ପ୍ରଧାନମନ୍ତ୍ରୀ ମୋଦୀ ମାନଣ୍ଡାୟାରେ ପ୍ରାୟ ୨ କିଲୋମିଟର ପର୍ଯ୍ୟନ୍ତ ଏକ ରୋଡ୍ ସୋ କରିଥିଲେ। ରୋଡ୍ ସୋ ସମୟରେ ହଜାର ହଜାର ଲୋକଙ୍କ ସମାଗମ ଦେଖିବା ପାଇଁ ମିଳିଥିଲା । ଲୋକମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଫୁଲର ବର୍ଷା କରିଥିଲେ । ପ୍ରଧାନମନ୍ତ୍ରୀ ମଧ୍ୟ ଗାଡିରୁ ବାହାରକୁ ଆସି ରାଜ୍ୟବାସୀଙ୍କୁ ଧନ୍ୟବାଦ ଜଣାଇଛନ୍ତି ।
ରାଜନୈତିକ ଦୃଷ୍ଟିକୋଣରୁ ମାନଣ୍ଡାୟାରେ ପ୍ରଧାନମନ୍ତ୍ରୀଙ୍କ ଉପସ୍ଥିତି ମଧ୍ୟ ଗୁରୁତ୍ୱପୂର୍ଣ୍ଣ, କାରଣ ମେ ମାସରେ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି। ସୂଚନାଥାଉ ଯେ, ଏହି ଜିଲ୍ଲାର ସାତଟି ବିଧାନସଭା ନିର୍ବାଚନମଣ୍ଡଳୀ ଅଛି ଯେଉଁଥିରୁ ୬ଟି ଆସନ ଜେଡି (ଏସ୍) ଦ୍ୱାରା ପରିଚାଳିତ । ୨୦୧୯ରେ ଅନୁଷ୍ଠିତ ଉପ-ନିର୍ବାଚନ ସମୟରେ ବିଜେପି ମାନଣ୍ଡାୟା ଜିଲ୍ଲାରେ ମାତ୍ର ଗୋଟିଏ ଆସନରେ ଜିତିଥିଲା ।
ପ୍ରଧାନମନ୍ତ୍ରୀ ମୋଦୀ ମାନଣ୍ଡାୟା ଏବଂ ହବଲି-ଧରୱାଡରେ ୧୬,୦୦୦ କୋଟି ଟଙ୍କାର ପ୍ରମୁଖ ପ୍ରକଳ୍ପର ମୂଳଦୁଆ ପକାଇ ଏକ୍ସପ୍ରେସ ୱେର ଉଦଘାଟନ କରିବେ। ପ୍ରଧାନମନ୍ତ୍ରୀ ମୋଦୀ ମଧ୍ୟ ମହୀଶୂର-କୁଶଲନଗର ମଧ୍ୟରେ ଚାରି ଲେନ ବିଶିଷ୍ଟ ରାଜପଥର ଶିଳାନ୍ୟାସ କରିବେ । ପ୍ରାୟ ୪,୧୩୦ କୋଟି ଟଙ୍କା ବ୍ୟୟରେ ୯୨ କିଲୋମିଟର ଲମ୍ବା ସଡକ ପ୍ରକଳ୍ପ ବିକଶିତ ହେବ ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଦିଆଯାଇଥିବା ବିବୃତ୍ତିରେ କୁହାଯାଇଛି ଯେ, ବେଙ୍ଗାଲୁରୁ ସହିତ କୁଶଲନଗରର ସଂଯୋଗକୁ ମଜବୁତ କରିବାରେ ଏହି ପ୍ରକଳ୍ପ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ସେହିପରି ଆଜି ପ୍ରଧାନମନ୍ତ୍ରୀ ହୁବଲି-ଧରୱାଡରେ ଆଇଆଇଟି ଧରୱାଡକୁ ଉଦଘାଟନ କରିବେ ।
Click it and Unblock the Notifications
Sign in with Google