ଭାରତରେ 5ଜିର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ମୋଦି

ଆଜିଠାରୁ ଦେଶରେ ଆରମ୍ଭ ହେଲା 5ଜି ଯୁଗ । ଆଜି ଦିନ 10ଟା ସମୟରେ ନୂଆଦିଲ୍ଲୀ ସ୍ଥିତ ପ୍ରଗତି ମୈଦାନର ଇଣ୍ଡିଆ ମୋବାଇଲ କଂଗ୍ରେସରେ ପ୍ରଧାନମନ୍ତ୍ରୀ 5ଜି ସେବାର ଶୁଭାରମ୍ଭ କରିଛନ୍ତି ।

Updated: Saturday, October 1, 2022, 14:06 [IST]

ନୂଆଦିଲ୍ଲୀ: ଦୀର୍ଘ ଦିନର ଅପେକ୍ଷାର ଘଟିଲା ଅନ୍ତ । ଆଜିଠାରୁ ଦେଶରେ ଆରମ୍ଭ ହେଲା 5ଜି ଯୁଗ । ଟେକନୋଲୋଜିର ନୂଆ ପିଢିରେ ପ୍ରବେଶ କରିଛି ଭାରତ। ଆଜି ଦିନ 10ଟା ସମୟରେ ନୂଆଦିଲ୍ଲୀ ସ୍ଥିତ ପ୍ରଗତି ମୈଦାନର ଇଣ୍ଡିଆ ମୋବାଇଲ କଂଗ୍ରେସରେ ପ୍ରଧାନମନ୍ତ୍ରୀ 5ଜି ସେବାର ଶୁଭାରମ୍ଭ କରିଛନ୍ତି । ପ୍ରାଥମିକ ପର୍ଯ୍ୟାୟରେ ଏହା କିଛି ଟି ସହରରେ ଏହାର ଆରମ୍ଭ କରାଯିବ । ଏହି ସହର ଗୁଡିକ ହେଉଛି, ଅହମ୍ମଦାବାଦ, ବେଙ୍ଗାଲୁରୁ, ଚଣ୍ଡିଗଡ଼, ଚେନ୍ନାଇ, ଦିଲ୍ଲୀ, ଗାନ୍ଧୀନଗର, ଗୁରୁଗ୍ରାମ, ହାଇଦ୍ରାବାଦ, ଜାମନଗର, କୋଲକାତା, ଲକ୍ଷ୍ନୌ, ମୁମ୍ବାଇ ଏବଂ ପୁଣେ ଅନ୍ତର୍ଭୁକ୍ତ ।

ଭାରତର ବାକି ସହର, ସହର ଏବଂ ଗ୍ରାମଗୁଡିକ ଦୁଇରୁ ତିନି ବର୍ଷ ମଧ୍ୟରେ 5ଜି ନେଟୱାର୍କ ସମ୍ପୂର୍ଣ୍ଣ ଭାବରେ ଭାରତର ସମ୍ପୂର୍ଣ୍ଣ ଭାବରେ ଆସିବାକୁ ଯାଉଛି । ଏହି ନୂତନ ସେବା ଦ୍ବାରା ଶକ୍ତି ଓ ନେଟୱର୍କ ଦକ୍ଷତା ମଧ୍ୟ ବଢିବ । ଅଧିକ ସମୟ ନେଉଥିବା କାଯ୍ୟ ମାତ୍ର କିଛି ସେକେଣ୍ଡରେ ସମାପ୍ତ ହୋଇପାରିବ।

4ଜି ଠାରୁ 5ଜି ସେବା ପ୍ରାୟ 10 ଗୁଣା ଅଧିକ ରହିବା ବେଳେ 3ଜି ଠାରୁ 30 ଗୁଣା ସେବା ଯୋଗାଇବାରେ ସକ୍ଷମ ହେବ । ଆବଶ୍ୟକସ୍ଥଳେ ଏହି ସ୍ପିଡ 100 ଗୁଣା ଯାଏଁ ଯାଇପାରେ ବୋଲି ଆଶା କରାଯାଉଛି । 2ଜି ନେଟୱାର୍କରେ ଯେଉଁ ଫାଇଲ ଡାଉନଲୋଡ ପାଇଁ ଦୁଇ ଦିନ 8 ଘଣ୍ଟା ସମୟ ଲାଗୁଥିଲା, 3ଜି ନେଟୱାର୍କରେ ଦୁଇ ଘଣ୍ଟା ଏବଂ 4ଜି 40 ମିନିଟ୍ ଲାଗୁଥିଲା, 5ଜି ରେ ତାହା ଡାଉନଲୋଡ ପାଇଁ ମାତ୍ର 35 ସେକେଣ୍ଡ ସମୟ ଲାଗିବ । ଦୁଇ ଦେଶ ମଧ୍ୟରେ ଦେଶବ୍ୟାପୀ 5ଜି ସେବା ମିଳିବ ବୋଲି ପୂର୍ବରୁ କେନ୍ଦ୍ର ଆଇଟି ମନ୍ତ୍ରୀ ଅଶ୍ବିନୀ ବୈଷ୍ଣବ ସୂଚନା ଦେଇଛନ୍ତି ।

ସମଗ୍ର ଦେଶବାସୀ ଘରୋଇ 5ଜି ଟେକ୍ନୋଲୋଜି ସେବ ପାଇବା ନେଇ ଅନେକ ବର୍ଷରୁ ଅପେକ୍ଷା କରି ରହିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ବର୍ତ୍ତମାନ ମୋବାଇଲ ଫୋନ, ଟେଲିକମ ସାମଗ୍ରୀ ଓ ସେମିକଣ୍ଡକ୍ଟର ନିର୍ମାଣକୁ ପ୍ରୋତ୍ସାହନ ଯୋଗାଉଛନ୍ତି। ଦେଶରେ 5ଜି ସେବା ଚାଲୁ ହେଲେ ଇଣ୍ଟରନେଟ ବ୍ୟବହାର କ୍ଷେତ୍ରରେ ବୈପ୍ଲବିକ ପରିବର୍ତ୍ତନ ଆସିପାରିବ ବୋଲି ଆଶା ରହିଛି ।