ଆନ୍ତର୍ଜାତିକ ଚିତା ଦିବସ ଅବସରରେ ସମସ୍ତ ବନ୍ୟପ୍ରାଣୀ ପ୍ରେମୀଙ୍କୁ ଶୁଭେଚ୍ଛା ଜଣାଲେ ପ୍ରଧାନମନ୍ତ୍ରୀ ମୋଦୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆନ୍ତର୍ଜାତିକ ଚିତା ଦିବସ ଅବସରରେ ସମସ୍ତ ବନ୍ୟପ୍ରାଣୀ ପ୍ରେମୀଙ୍କୁ ଶୁଭେଚ୍ଛା ଜଣାଇଛନ୍ତି । ସାମାଜିକ ଗଣମାଧ୍ୟମ ପୋଷ୍ଟରେ ଶ୍ରୀ ମୋଦୀ ଚିତାବାଘକୁ ପୃଥିବୀର ସବୁଠାରୁ ଉଲ୍ଲେଖନୀୟ ପାଣୀ ମଧ୍ୟରୁ ଗୋଟିଏ ବୋଲି ବିବେଚନା କରି ୩ ବର୍ଷ ପୂର୍ବେ ଆରମ୍ଭ ହୋଇଥିବା ଚିତା ପ୍ରକଳ୍ପର ସଫଳତା ବିଷୟରେ କହିଛନ୍ତି । ସେ କହିଛନ୍ତି ଚିତାକୁ ସୁରକ୍ଷା ଦେବା ଏବଂ ଏହାର ପୁନଃରୁଦ୍ଧାର
କରିବା ଲକ୍ଷ୍ୟରେ ଚିତା ପ୍ରକଳ୍ପ ଆରମ୍ଭ କରାଯାଇଥିଲା ।

ପ୍ରଧାନମନ୍ତ୍ରୀ କହିଛନ୍ତି ଚିତା ପର୍ଯ୍ୟଟନର ଲୋକପ୍ରିୟତା ବୃଦ୍ଧି ପାଇବା ଅତ୍ୟନ୍ତ ଉତ୍ସାହଜନକ । ଭାରତ ମାଟିରେ ଅନେକ ଚିତା ରହୁଥିବାରୁ ଓ ଚିତା ଜନ୍ମଗ୍ରହଣ କରୁଥିବାରୁ ସେ ଗର୍ବ ଅନୁଭବ କରୁଥିବା ପ୍ରକାଶ କରିଛନ୍ତି । ବିଶ୍ୱର ବନ୍ୟପ୍ରାଣୀ ପ୍ରେମୀଙ୍କୁ ଭାରତ ଆସି ଚିତା ଦେଖିବା ଲାଗି ସେ ଆହ୍ୱାନ ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଜନସାଧାରଣଙ୍କ ସମର୍ଥନ ଏବଂ ଚିତା ମିତ୍ର ମାନଙ୍କ ଅବିରତ ଉଦ୍ୟମ ଯୋଗୁଁ ଚିତା ପ୍ରକଳ୍ପ ସଫଳ ହୋଇପାରିଛି ।