ପ୍ରଧାନମନ୍ତ୍ରୀ ମୋଦୀ କାଶୀ ବିଶ୍ଵନାଥ ମନ୍ଦିର କର୍ମଚାରୀଙ୍କୁ ଦେଲେ ଏହି ନିଆରା ଉପହାର
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କାଶୀ ବିଶ୍ଵନାଥ ମନ୍ଦିର କର୍ମଚାରୀଙ୍କ ପାଇଁ ଦେଇଛନ୍ତି ନିଆରା ଉପହାର । ମନ୍ଦିର ପ୍ରକଳ୍ପରେ ଶତାଧିକ କର୍ମଚାରୀଙ୍କ ପାଇଁ ମୋଦୀ ପଠାଇଛନ୍ତି ଝୋଟରେ ନିର୍ମିତ ଜୋତା । ମୋଦୀ କାହିଁକି ଏମିତି ନିଆରା ଉପହାର ପ୍ରଦାନ କରିଛନ୍ତି, ସେନେଇ ଲୋକଙ୍କ ମନରେ ଜାଣିବା ପାଇଁ ଉତ୍ସୁକତା ପ୍ରକାଶ ପାଇଛି । ପ୍ରକୃତରେ ଏଭଳି ଉପହାର ପଛରେ ରହିଛି ଏକ ସୁନ୍ଦର କାରଣ ।
କାଶୀ ବିଶ୍ଵନଥ ମନ୍ଦିର ପ୍ରକଳ୍ପ ଉଦଘାଟନ କରିବା ସମୟରେ ବାରାଣସୀ ଗସ୍ତ ଅବସରରେ ମୋଦୀ ଜାଣିବାକୁ ପାଇଥିଲେ ଯେ, ମନ୍ଦିର ପରିସରରେ କାର୍ଯ୍ୟକର୍ତ୍ତା ମାନେ ଖାଲି ପାଦରେ କାମ କରିଥାନ୍ତି । କାରଣ, ମନ୍ଦିର ପରିସରେରେ ରବର, ଚମଡା ନିର୍ମିତ ଚପଲ ପରିଧାନ କରିବା ବାରଣ କରାଯାଇଛି । ଏଥିପାଇଁ ଏହି ଐତିହାସିକ ପିଠରେ ନିଯୋଜିତ ସୁରକ୍ଷା କର୍ମଚାରୀ, ସଫେଇ କର୍ମଚାରୀ ତଥା ଅନ୍ଯାନ୍ଯ ଅଧିକାରୀମାନେ ଖାଲି ପାଦରେ ଥଣ୍ଡା ପରିବେଶରେ ବିଚରଣ କରିଥାନ୍ତି । ଏହି ଖବର ମୋଦୀଙ୍କୁ ବ୍ୟଥିତ କରିଥିଲା । ଏଥିପାଇଁ ପ୍ରଧାନମନ୍ତ୍ରୀ ମୋଦୀ ଝୋଟରେ ନିର୍ମିତ ଜୋତା ଉପହାର ପ୍ରଦାନ କରିବାକୁ ମନସ୍ଥ କରିଥିଲେ। ପ୍ରାଥମିକ ପର୍ଯ୍ୟାୟରେ ମୋଦୀ ଶହେ ହଳ ଜୋତା ପଠାଇଛନ୍ତି । ଏହିଭଳି ଉପହାର ପାଇ କର୍ମଚାରୀ ମାନେ ଖୁସି ବ୍ୟକ୍ତ କରିଛନ୍ତି।
Click it and Unblock the Notifications
Sign in with Google