ହିମାଚଳ ପ୍ରଦେଶର ଯବାନଙ୍କ ସହ ଦୀପାବଳି ପାଳନ କଲେ ପ୍ରଧାନମନ୍ତ୍ରୀ

Published: Sunday, November 12, 2023, 17:45 [IST]

ହିମାଚଳ ପ୍ରଦେଶର ଲେପଚାରେ ଯବାନଙ୍କ ସହ ଦୀପାବଳି ପାଳନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଯବାନ ମାନେ ୟୁନିଫର୍ମରେ ଥିବା ବେଳେ ପ୍ରଧାନମନ୍ତ୍ରୀ ମଧ୍ୟ ନିଜେ ସେନାର ୟୁନିଫର୍ମରେ ଅଛନ୍ତି । ପ୍ରତିବର୍ଷ ମୋଦି ବର୍ଡର ଏରିଆକୁ ଯାଇ ଯବାନଙ୍କ ସହ ଦୀପାବଳି ପାଳନ କରିଥାନ୍ତି ।

ଯବାନଙ୍କୁ ଉତ୍ସାହିତ ଏବଂ ପ୍ରେରଣା ଦେଇଛନ୍ତି ମୋଦୀ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଏହା ଏକ ଅଦ୍ଭୁତ ସାକ୍ଷାତ । ମୋଦୀ ଏକ୍ସ୍ ( ଟୁଇଟ) କରି କହିଛନ୍ତି ଯେ,ଆମର ସାହସୀ ଯୋଦ୍ଧାଙ୍କ ସହ ଦୀପାବଳି ମନାଇବାକୁ ହିମାଚଳ ପ୍ରଦେଶର ଲେପଚାରେ ପହଞ୍ଚିଲି ।

ଏବର୍ଷ ମୋଦି ହିମାଚଳର ଲେପଚା ଯାଇଛନ୍ତି । ୟୁନିଫର୍ମରେ ଥାଇ ସୁରକ୍ଷାକର୍ମୀଙ୍କ ସହ ଆଲୋଚନା କରିଥିଲେ । ପ୍ରଧାନମନ୍ତ୍ରୀ ଯବାନମାନଙ୍କୁ ମିଠା ଖୁଆଇଥିଲେ । ଗତବର୍ଷ ଦୀପାବଳିରେ ପ୍ରଧାନମନ୍ତ୍ରୀ କାରଗିଲ୍ ଯାଇ ଭାରତୀୟ ଯବାନଙ୍କ ସହ ସାମିଲ ହୋଇଥିଲେ ।

୨୦୧୪ରେ ଦୀପାବଳି ଅବସରରେ ମୋଦି ସିଆଚେନ୍ ଗ୍ଲାସିଅରରେ ସେନାଙ୍କ ଯାଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୫ ରେ ପଞ୍ଜାବର ଅମୃତସରରେ ସେନାଙ୍କ ସହ ଦୀପାବଳି ପାଳନ କରିଥିଲେ । ୨୦୧୬ ମସିହାରେ ହିମାଚଳର କିନ୍ନୌର ସୈନିକମାନଙ୍କ ସହ, ୨୦୧୭ରେ ଜାମ୍ମୁ କାଶ୍ମୀର, ୨୦୧୮ ମସିହାରେ ଉତ୍ତରାଖଣ୍ଡର କେଦାରନାଥରେ ଭାରତ-ଚୀନ୍ ସୀମା ନିକଟ ହାର୍ସିଲ ଗ୍ରାମରେ ସେନା ଏବଂ ଆଇଟିବିପି କର୍ମଚାରୀଙ୍କ ସହ ପାଳନ କରିଥିଲେ ।

ସେହିପରି ୨୦୧୯ ରେ ଜମ୍ମୁ ଡିଭିଜନର ରାଜୌରୀଙ୍କ ସେନା କର୍ମଚାରୀଙ୍କ ସହ ଦୀପାବଳି ପାଳନ କରିଥିଲେ । ୨୦୨୦ ମସିହାରେ ରାଜସ୍ଥାନର ଜୈସଲମେର, ୨୦୨୧ରେ ରାଜୌରୀ ଜିଲ୍ଲାର ନୋଶାହ୍ରା ସେକ୍ଟରରେ ଓ ୨୦୨୨ରେ ପ୍ରଧାନମନ୍ତ୍ରୀ କାରଗିଲରେ ଦୀପାବଳି ପାଳନ କରିଥିଲେ ।

ବର୍ଷା, କି ଖରା କି ଶୀତ ବା ପୂଜା-ପର୍ବରେ ବି ଘର କଥା ନଭାବି ସୁରକ୍ଷା ଦାୟିତ୍ୱରେ ରହନ୍ତି ଆମ ଯବାନ । ଏଥିପାଇଁ ପ୍ରତିବର୍ଷ ଦୀପାବଳି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେନା କର୍ମଚାରୀଙ୍କ ସହ ଦୀପାବଳି ପାଳନ କରନ୍ତି ।

Published On November 12, 2023