ଏନସିଆରଟି ପାଠ୍ୟପୁସ୍ତକ ବିବାଦ ଉପରେ ଅସନ୍ତୋଷ ବ୍ୟକ୍ତ ପ୍ରକାଶ କଲେ ପ୍ରଧାନମନ୍ତ୍ରୀ ମୋଦି, କହିଲେ......

ନୂତନ NCERT ଶ୍ରେଣୀ 8 ସାମାଜିକ ବିଜ୍ଞାନ ପାଠ୍ୟପୁସ୍ତକରେ "ନ୍ୟାୟପାଳିକାରେ ଦୁର୍ନୀତି" ଉପରେ ଏକ ଅଧ୍ୟାୟ ଯୋଡା ଯାଇଥିଲା, ଯାହା ବିବାଦ ସୃଷ୍ଟି କରିଛି । NCERT ପାଠ୍ୟପୁସ୍ତକ ବିବାଦ ଉପରେ ପ୍ରଧାନମନ୍ତ୍ରୀ ମୋଦି ଅସନ୍ତୋଷ ବ୍ୟକ୍ତ କରିଛନ୍ତି। ସୂତ୍ର ଅନୁଯାୟୀ, ମଙ୍ଗଳବାର କ୍ୟାବିନେଟ୍ ବୈଠକରେ ପ୍ରଧାନମନ୍ତ୍ରୀ ମୋଦି ଏହି ପ୍ରସଙ୍ଗରେ ନିଜର ଅସନ୍ତୋଷ ପ୍ରକାଶ କରିଥିଲେ। ସେ କହିଥିଲେ ଯେ ପିଲାମାନଙ୍କୁ କ'ଣ ପଢ଼ାଯାଉଛି ତାହା ଉପରେ ସତର୍କତାର ସହ ନଜର ରଖିବା ଉଚିତ। ଏହି ବୈଠକ ପରେ ପ୍ରଧାନମନ୍ତ୍ରୀ ମୋଦି ଇସ୍ରାଏଲ ଅଭିମୁଖେ ଯାତ୍ରା କରିଛନ୍ତି ।

ସୂତ୍ର ଅନୁଯାୟୀ, ବୈଠକ ସମୟରେ ପ୍ରଧାନମନ୍ତ୍ରୀ ସ୍ପଷ୍ଟ ଭାବରେ ତାଙ୍କର ଆପତ୍ତି ପ୍ରକାଶ କରି କହିଥିଲେ, "ଆମେ ଅଷ୍ଟମ ଶ୍ରେଣୀର ଛୋଟ ପିଲାମାନଙ୍କୁ ନ୍ୟାୟିକ ଦୁର୍ନୀତି ବିଷୟରେ କ'ଣ ଶିକ୍ଷା ଦେଉଛୁ? ଏହା କ'ଣ ସେମାନଙ୍କ ବୟସ ଏବଂ ବୁଝାମଣା ପାଇଁ ଉପଯୁକ୍ତ?" ଯଦିଓ ଏହି ବିଷୟରେ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ଜାରି କରାଯାଇ ନାହିଁ । କ୍ୟାବିନେଟ ବୈଠକରେ ଉଠାଯାଇଥିବା ପ୍ରସଙ୍ଗ ଶିକ୍ଷା ନୀତି ଏବଂ ପାଠ୍ୟକ୍ରମ ସମ୍ପର୍କରେ ଏକ ନୂତନ ବିତର୍କ ସୃଷ୍ଟି କରିଛି ।