ସତ ହେଲା ମୋଦିଙ୍କ ଭବିଷ୍ୟବାଣୀ: ୨୦୧୯ରେ କରିଥିଲେ ଆକଳନ, ୨୦୨୩ରେ ହେଲା ସତ

ନୂଆଦିଲ୍ଲୀ: ସତ ହେଲା ମୋଦିଙ୍କ ଭବିଷ୍ୟବାଣୀ । ୨୦୧୯ରେ ମୋହ୍ ଯାହା ଆକଳନ କରିଥିଲେ, ଆଜି ୨୦୨୩ରେ ତାହା ସତ ହୋଇଛି । ଏନେଇ ସୋସିଆଲ ମିଡ଼ିଆରେ ଏକ ଭିଡ଼ିଓ ଭାଇରାଲ ହେଉଛି । ଯେଉଁଥରେ ପ୍ରଧାନମନ୍ତ୍ରୀ ମୋଦି ଭବିଷ୍ୟବାଣୀ କରିଥିବା ଦାବି ହେଉଛି ।

ତେବେ ଭିଡିଓଟି ୨୦୧୯ର ହୋଇଥିବା ବେଳେ ମୋଦି ଏଥିରେ ବିରୋଧୀ ୨୦୨୩ରେ ତାଙ୍କ ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବେ ବୋଲି କହୁଥିବା ଦେଖିବାକୁ ଓ ଶୁଣିବାକୁ ମିଳୁଛି । ମୋଦିଙ୍କ ୨୦୧୯ ଆକଳନ ଅନୁଯାୟୀ ବିରୋଧୀ ୨୦୨୩ରେ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଛନ୍ତି । ତେଣୁ ମୋଦିଙ୍କ ପୁରୁଣା ଭିଡିଓ ଭାଇରାଲ ହେବାରେ ଲାଗିଛି ।

ସୂଚନାଥାଉ କି, ଲୋକସଭାରେ ମଣିପୁର ହିଂସାକୁ ନେଇ ନରେନ୍ଦ୍ର ମୋଦି ସରକାର ବିରୋଧରେ ଦୁଇଟି ଅନାସ୍ଥା ପ୍ରସ୍ତାବ ଆଗତ ହୋଇଛି । କଂଗ୍ରେସ ଓ ବିଆରଏସ୍‌ ପକ୍ଷରୁ ଏନଡିଏ ସରକାର ବିରୋଧରେ ଏପରି ପ୍ରସ୍ତାବ ଦିଆଯାଇଛି । ଲୋକସଭା ବାଚସ୍ପତି ଓମ ବିର୍ଲା କଂଗ୍ରେସର ଅନାସ୍ଥା ପ୍ରସ୍ତାବକୁ ଗ୍ରହଣ କରିବା ପରେ ଖୁବଶୀଘ୍ର ଏହା ଉପରେ ଆଲୋଚନା ପାଇଁ ତାରିଖ ଘୋଷଣା ହେବ ବୋଲି କହିଛନ୍ତି ।

ତେବେ ଉକ୍ତ ଭିଡ଼ିଓଟି ୭ ଫେବୃଆରୀ ୨୦୧୯ର ବଜେଟ୍ ଅଧିବେଶନର । ଯେଉଥିରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ପ୍ରଧାନମନ୍ତ୍ରୀ କହୁଥିବା ଶୁଣିବାକୁ ମିଳୁଛି । ମୋଦି ସେହି ଭିଡ଼ିଓରେ କହୁଛନ୍ତି ଯେ, ବିରୋଧୀମାନେ ୨୦୨୩ରେ ଆଉ ଏକ ଅନାସ୍ଥା ପ୍ରସ୍ତାବ ପାଇଁ ପ୍ରସ୍ତୁତ ହୁଅନ୍ତୁ । ବର୍ଷକ ତଳେ ତାଙ୍କ ସରକାର ଏଭଳି ଏକ ପ୍ରସ୍ତାବକୁ ପରାସ୍ତ କରିଥିବା କଥା ସେ ଉଲ୍ଲେଖ କରିଥିଲେ ।

ତେବେ ଲୋକସଭାରେ ଶାସକ ଦଳ ସାଂସଦ ଏହାକୁ ଶୁଣିବା ପରେ ଠୋ ଠୋ ହୋଇ ହସୁଥିବା ଦେଖିବାକୁ ମିଳିଛି । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, "ମୁଁ ମୋର ଶୁଭେଚ୍ଛା ଜଣାଇବାକୁ ଚାହୁଁଛି...ଏବେ ପ୍ରସ୍ତୁତ ରୁହ ଯେ ଆପଣଙ୍କୁ ୨୦୨୩ରେ ପୁଣି ଥରେ ଅନାସ୍ଥା ଆଣିବାର ସୁଯୋଗ ମିଳିବ । ଏ ହେଉଛି ସମର୍ପଣ ଭାବ (ସେବା) ଯେ ଦୁଇଟି ସାଂସଦରୁ ଆମେ ଏଠାରେ ସରକାରରେ ବସିଛୁ। ଆଉ ଅହଂକାରର ପରିଣାମ ହେଉଛି ୪୦୦ରୁ ଆପଣ ୪୦କୁ ଖସି ଆସିଛନ୍ତି। ସେ କଂଗ୍ରେସର ନା ନ ନେଇ କଟାକ୍ଷ କରି କହିଛନ୍ତି, "ଦେଖନ୍ତୁ ଆଜି ଆପଣ କେଉଁଠି ଅଛନ୍ତି"।

PM Modi before 2019 Lok Sabha elxn predicted that Congress will bring No Confidence Motion in 2023.

His prediction was spot on pic.twitter.com/1lfaO54kHO

— Ankur Singh (@iAnkurSingh) July 25, 2023

ଉଲ୍ଲେଖଥାଉ କି, ୨୦୧୮ରେ ମୋଦି ସରକାର ବିରୋଧରେ ଅନାସ୍ଥା ପ୍ରସ୍ତାବ ଆସିଥିଲା । ଦିନ ତମାମ ଏହା ଉପରେ ବିତର୍କ ହେବା ପରେ ଭୋଟ ଗ୍ରହଣ ହୋଇଥିଲା । ସରକାର ମଧ୍ୟ ବେଶ ସହଜରେ ନିଜର ବହୁମତର ପରୀକ୍ଷା ଦେଇଥିଲେ ।

English summary

PM Modi 2019 Prediction Goes Viral As I.N.D.I.A Moves No Confidence Motion