ଡ୍ରୋନ ଦିଦିର ହେଲା ଶୁଭାରମ୍ଭ, ଏଣିକି ପ୍ରତ୍ୟେକ ଗାଁରେ ପହଞ୍ଚିବ ମୋଦି ଗ୍ୟାରେଣ୍ଟି ଗାଡି

Pradhan Mantri Mahila Kisan Drone Kendra: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି 'ବିକାଶ ଭାରତ ସଙ୍କଳ୍ପ ଯାତ୍ରା'ର ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଭିଡିଓ କନଫରେନ୍ସିଂ ଜରିଆରେ ଏହି ଯୋଜନାର ହିତାଧିକାରୀଙ୍କ ସହ ପ୍ରଧାନମନ୍ତ୍ରୀ କଥା ହୋଇଥିଲେ । ଏହି ଯୋଜନାର ଉଦ୍ଦେଶ୍ୟ ହେଉଛି କେନ୍ଦ୍ର ସରକାରଙ୍କ ବିଭିନ୍ନ କଲ୍ୟାଣକାରୀ ଯୋଜନା ବିଷୟରେ ସଚେତନତା ସୃଷ୍ଟି କରିବା । ପ୍ରଧାନମନ୍ତ୍ରୀ ଦେଶର କମ୍ ଦରରେ ଉତ୍ତମ ଔଷଧ ଯୋଗାଉଥିବା ଜନ ଔଷଧି କେନ୍ଦ୍ରର ସଂଖ୍ୟାକୁ 10,000 ରୁ 25,000 ପର୍ଯ୍ୟନ୍ତ ବୃଦ୍ଧିି କରିଛନ୍ତି ।

ଏହାସହ ପ୍ରଧାନମନ୍ତ୍ରୀ ମହିଳା ଚାଷୀ ଡ୍ରୋନ କେନ୍ଦ୍ରର ଉଦଘାଟନ କରିଛନ୍ତି । ଏହା ଦ୍ୱାରା ମହିଳା କୃଷକମାନଙ୍କୁ କୃଷି ଉଦ୍ଦେଶ୍ୟରେ ଡ୍ରୋନର ବ୍ୟବହାର କରି ତାଙ୍କୁ ସଶକ୍ତ କରିବାର ଯୋଜନା ରହିଛି । ପ୍ରଧାନମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ 'ବିକାଶ ଭାରତ ସଙ୍କଳ୍ପର ଯାତ୍ରା'ର ହିତାଧିକାରୀଙ୍କୁ ସମ୍ବୋଧିତ କରିଥିଲେ ଏବଂ ଜନସାଧାରଣଙ୍କ ନିକଟରେ ପହଞ୍ଚିବା ତଥା ସରକାରୀ ଯୋଜନାର ଲାଭ ବିଷୟରେ ସେମାନଙ୍କୁ ଅବଗତ କରାଇବାରେ ସେମାନଙ୍କର ଉଦ୍ୟମକୁ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀ କହିଛନ୍ତି ଯେ, ଅକ୍ଟୋବର 2 ରୁ ଆରମ୍ଭ ହୋଇଥିବା ଏହି ଅଭିଯାନ 1.5 ଲକ୍ଷରୁ ଅଧିକ ଗାଁରେ ଏବଂ 15 କୋଟିରୁ ଅଧିକ ଲୋକଙ୍କ ନିକଟରେ ପହଞ୍ଚି ପାରିଛି । ଏହି ଅଭିଯାନ ଦେଶରେ ଏକ ସକରାତ୍ମକ ପରିବେଶ ସୃଷ୍ଟି କରିବାରେ ଏବଂ ଲୋକଙ୍କ ଆତ୍ମବିଶ୍ୱାସ ବଢାଇବାରେ ସହାୟତା ହେବ ।

ମାର୍ଚ୍ଚ 2024 ଜନ ଔଷଧି କେନ୍ଦ୍ରରଦ୍ର ସଂଖ୍ୟା 10,000 ରୁ 25,000 କୁ ବୃଦ୍ଧି କରାଯିବ । ମୋଦି କହିଛନ୍ତି ଯେ, ଜନ ଔଷଧି କେନ୍ଦ୍ରରେ ଗରିବ ଏବଂ ମଧ୍ୟବିତ୍ତ ପରିବାର ପାଇଁ ସୁଲଭ ମୂଲ୍ୟରେ ଗୁଣାତ୍ମକ ଔଷଧ ଯୋଗାଇ 25,000 କୋଟିରୁ ଅଧିକ ଟଙ୍କା ସଞ୍ଚୟ କରିଛି। ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ, ପ୍ରତ୍ୟେକ ନାଗରିକଙ୍କ ସ୍ୱାସ୍ଥ୍ୟ ଏବଂ ସୁସ୍ଥତାକୁ ସୁନିଶ୍ଚିତ କରିବା ଏବଂ ସେମାନଙ୍କୁ ଉତ୍ତମ ସ୍ୱାସ୍ଥ୍ୟସେବା ସୁବିଧା ଯୋଗାଇବା ପାଇଁ ସରକାର ପ୍ରତିବଦ୍ଧ।

#WATCH | PM Modi interacts with beneficiaries of different government schemes during Viksit Bharat Sankalp Yatra program, via video conferencing

The PM launched a program to increase the number of Jan Aushadi Kendras from 10,000 to 25,000 and Pradhan Mantri Mahila Kisan Drone… pic.twitter.com/vuMxkqpBf6

— ANI (@ANI) November 30, 2023

ପ୍ରଧାନମନ୍ତ୍ରୀ 'Pradhan Mantri Mahila Kisan Drone Kendra'ର ଉଦଘାଟନ ମଧ୍ୟ କରିଛନ୍ତି। ଏହା ମାଧ୍ୟମରେ ମହିଳା କୃଷକମାନଙ୍କୁ କୃଷି ଉଦ୍ଦେଶ୍ୟରେ ଡ୍ରୋନ୍ ବ୍ୟବହାର କରିବା ଯେପରିକି ମହିଳା ଚାଷୀଙ୍କୁ ଫସଲ ନିରୀକ୍ଷଣ, କୀଟନାଶକ ନିୟନ୍ତ୍ରଣ, ମୃତ୍ତିକା ପରୀକ୍ଷା ଏବଂ ଜଳସେଚନ ପାଇଁ ଡ୍ରୋନ୍ ବ୍ୟବହାର କରିପାରିବେ । ଏହି ଯୋଜନା ମାଧ୍ୟମରେ ମହିଳା କୃଷକଙ୍କ ଉତ୍ପାଦନ ଏବଂ ଆୟ ମଧ୍ୟ ବୃଦ୍ଧି ପାଇବ ଏବଂ ସେମାନେ ଆତ୍ମନିର୍ଭରଶୀଳ ହୋଇପାରିବେ ।

English summary

PM launched a program to increase the number of Jan Aushadi Kendras from 10,000 to 25,000 and Pradhan Mantri Mahila Kisan Drone Kendra.