ପରିବେଶ ମନ୍ତ୍ରୀଙ୍କ ଜାତୀୟ ସମ୍ମିଳନୀକୁ ସମ୍ବୋଧନ କଲେ ପିଏମ ମୋଦି

ରାଜ୍ୟ ଜଙ୍ଗଲ ଏବଂ ପରିବେଶ ମନ୍ତ୍ରୀମାନଙ୍କ ଜାତୀୟ ସମ୍ମିଳନୀକୁ ସମ୍ବୋଧିତ କରିଛନ୍ତି ପିଏମ ମୋଦି । ଗୁଜୁରାଟର ଏକତା ନଗରରେ ଅନୁଷ୍ଠିତ ଏହି ଜାତୀୟ ସମ୍ମିଳନୀକୁ ଭିଡିଓ କନଫରେନ୍ସି ଜରିଆରେ ସମ୍ବୋଧିତ କରିଛନ୍ତି

Published: Friday, September 23, 2022, 15:19 [IST]

ନୂଆଦିଲ୍ଲୀ: ରାଜ୍ୟ ଜଙ୍ଗଲ ଏବଂ ପରିବେଶ ମନ୍ତ୍ରୀମାନଙ୍କ ଜାତୀୟ ସମ୍ମିଳନୀକୁ ସମ୍ବୋଧିତ କରିଛନ୍ତି ପିଏମ ମୋଦି । ଗୁଜୁରାଟର ଏକତା ନଗରରେ ଅନୁଷ୍ଠିତ ଏହି ଜାତୀୟ ସମ୍ମିଳନୀକୁ ଭିଡିଓ କନଫରେନ୍ସି ଜରିଆରେ ସମ୍ବୋଧିତ କରିଛନ୍ତି । ପରିବେଶ ସଂରକ୍ଷଣ, ପରିବେଶ ନୀତି ନିର୍ଦ୍ଧାରଣ କ୍ଷେତ୍ରରେ ସମନ୍ବୟ ରକ୍ଷା କରିବା ସଜାଗ ରହିବାକୁ ସମସ୍ତ ରାଜ୍ୟକୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ ।

ଆଗାମୀ 25 ବର୍ଷ ଅମୃତ କାଳ ପାଇଁ ଭାରତ ପ୍ରସ୍ତୁତ କରୁଛି ନୂତନ ଲକ୍ଷ୍ୟ । ସମସ୍ତେ ମିଶି ଏନେଇ ପ୍ରୟାସ ଜାରି ରଖିଛନ୍ତି । ଏହା ଦ୍ବାରା ଅର୍ଥନୀତିରେ ବିକାଶ ହେବା ସହିତ ଭାରତର ବିକାଶ ଦ୍ରୁତ ଗତିରେ ମଧ୍ୟ ହେବ । ମୋଦି ଆହୁରି କହିଛନ୍ତି, " ବଡ ସମସ୍ୟାର ସମାଧାନ ପାଇଁ ଦେଶ ଆଜି ଦୁନିଆକୁ ନେତୃତ୍ବ ନେଉଛି ।

Addressing the National Conference of Environment Ministers being held in Ekta Nagar, Gujarat. https://t.co/jo9e9OgeEB
— Narendra Modi (@narendramodi) September 23, 2022

ବିଗତ ବର୍ଷରେ ଜଙ୍ଗଲୀ ଜୀବଜନ୍ତୁଙ୍କ ସଂଖ୍ୟା ମଧ୍ୟ ଦେଶରେ ବୃଦ୍ଧି ପାଇଛି । ସିଂହ, ବାଘ, ହାତୀ ଭଳି ବନ୍ୟଜନ୍ତୁଙ୍କ ସଂଖ୍ୟା ବଢିଥିବା ଦେଖାଯାଉଛି । ନିକଟରେ ପ୍ରଧାନମନ୍ତ୍ରୀଙ୍କ ଜନ୍ମଦିନରେ ମଧ୍ୟପ୍ରଦେଶର କୁନୋ ନାଶନାଲ ପାର୍କରେ 8ଟି ଚିତାଙ୍କୁ ଛଡାଯାଇଛି । ଏନେଇ ଦେଶବାସୀ ମଧ୍ୟ ଉତ୍ସାହିତ ରହିଥିବା ଦେଖାଯାଇଥିଲା । ଏହା ଆମ ଦେଶର ଏକ ଶକ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।

Published On September 23, 2022