ଭାରତ ରତ୍ନ ସ୍ୱର୍ଗତ ଅଟଳବିହାରୀ ବାଜପେୟୀଙ୍କ ୯୮ତମ ଜୟନ୍ତୀ, ଶ୍ରଦ୍ଧାଞ୍ଜଳି ଜ୍ଞାପନ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଆଜି ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ୯୮ ତମ ଜନ୍ମଜୟନ୍ତୀ । ଭାରତୀୟ ଜନତା ପାର୍ଟି ଆଜିର ଦିନକୁ Good Governance Day ଭାବେ ପାଳନ କରିଥାଏ । ମହାମହିମ ରାଷ୍ଟ୍ରପତି ଦୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଟଳଜୀଙ୍କ ସାମାଧିରେ ପୁଷ୍ପମାଲ୍ୟ ଅର୍ପଣ କରିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଭିଡିଓ ଟ୍ୱିଟ କରି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଭିଡିଓ ସେୟାର କରି ପ୍ରଧାନମନ୍ତ୍ରୀ ଲେଖିଛନ୍ତି, 'ଅଟଳଜୀଙ୍କୁ ଜନ୍ମ ବାର୍ଷିକୀରେ ଶତ ନମନ, ଭାରତ ପାଇଁ ତାଙ୍କର ଅବଦାନ ଅତୁଳନୀୟ । ତାଙ୍କର ନେତୃତ୍ୱ ଏବଂ ଦୂରଦୃଷ୍ଟି ଲକ୍ଷ ଲକ୍ଷ ଲୋକଙ୍କୁ ପ୍ରେରଣା ଯୋଗାଉଛି।" ଏହି ଭିଡିଓରେ ସେୟାର କରି ପିଏମ ମୋଦୀ ଅଟଳଜୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।

...

ଏହି ଭିଡିଓରେ ପିଏମ ମୋଦୀ କୁହନ୍ତି ... "ଅଟଳ ଜୀ ଜଣେ ପ୍ରକୃତ ଦେଶପ୍ରେମୀ ଥିଲେ। ତାଙ୍କ କିଶୋର ବର୍ଷରୁ ଜୀବନ ଶେଷ ପର୍ଯ୍ୟନ୍ତ ସେ ଦେଶ, ଦେଶବାସୀଙ୍କ ପାଇଁ ବଞ୍ଚିଥିଲେ । ତାଙ୍କ ସମୃଦ୍ଧ ଏବଂ ବିକଶିତକୁ ପୁନାରବୃତ୍ତି କରିବା ଭାରତର ସଂକଳ୍ପ, ମୁଁ ଆମ ସମସ୍ତଙ୍କ ତରଫରୁ ଅଟଳଜୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି। "

୧୯୨୪ ମସିହା ଡିସେମ୍ବର ୨୫ ତାରିଖରେ ମଧ୍ୟପ୍ରଦେଶର ଗ୍ୱାଲିୟରରେ ଜନ୍ମିତ ବାଜପେୟୀ ୧୮ ବର୍ଷ ବୟସରୁ ହିଁ ରାଜନୀତିରେ ପାଦ ଦେଇଥିଲେ । ସେ ସ୍ନାତକ ଡିଗ୍ରୀ ଗ୍ୱାଲିୟରର ଭିକ୍ଟୋରିଆ କଲେଜରୁ ପ୍ରାପ୍ତ କରିଥିଲେ ଏବଂ କାନପୁରର ଡିଏଭି କଲେଜରୁ ରାଜନୀତି ବିଜ୍ଞାନରେ ଏମଏ ପରୀକ୍ଷାରେ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହେବା ପରେ ସେ କାନପୁରରେ ହିଁ ଏଲଏଲବି ପଠାପଢା ଆରମ୍ଭ କରିଥିଲେ । ଛାତ୍ର ଜୀବନରୁ ହିଁ ଆରଏସଏସରେ ଯୋଗ ଦେଇଥିଲେ । ୧୯୭୫ ଏବଂ ୨୦୦୯ ମଧ୍ୟରେ ସେ ୧୦ ଥର ପାର୍ଲାମେଣ୍ଚରେ ନିର୍ବାଚିତ ହୋଇଥିଲେ । ୨୦୧୫ରେ ପୂର୍ବତନ ରାଷ୍ଟ୍ରିପତି ପ୍ରଣବ ମୁଖାର୍ଜୀ ତାଙ୍କୁ ଭାରତରତ୍ନ ସମ୍ମାନରେ ସମ୍ମନୀତ ହୋଇଥିଲେ । ବାଜପେୟୀଙ୍କ ଜନ୍ମଦିବସ ଡିସେମ୍ବର ୨୫ ତାରିଖକୁ 'ଗୁଡ୍ ଗଭର୍ଣ୍ଣନାନସ୍ ଡେ' ଭାବେ ପାଳନ କରାଯାଏ ।

English summary

PM and President pays tribute to Bharat Ratna Late Atal Bihari Vajpayee on 98th Birth Anniversary.