ଚର୍ଚ୍ଚାରେ ଜାମା ମସଜିଦ, ‘ଶିବ ମନ୍ଦିର’ ଥିବା ଦାବି

ବଦାୟୁଁରେ ଥିବା ଜାମା ମସଜିଦକୁ ନେଇ ଆରମ୍ଭ ହୋଇଛି ବିବାଦ । ଏହି ମସଜିଦ ପରିସରରେ ବି ଶିବ ମନ୍ଦିର ରହିଥିବା ଦାବି ହେଉଛି।

Published: Saturday, September 3, 2022, 20:40 [IST]

ଲକ୍ଷ୍ନୌ: ଏଯାଏଁ ଥମିନି ବାରଣାସୀ ଜ୍ଞାନବ୍ୟାପୀ ମସଜିଦ ମାମଲା। ବର୍ତ୍ତମାନ ବଦାୟୁଁରେ ଥିବା ଜାମା ମସଜିଦକୁ ନେଇ ଆରମ୍ଭ ହୋଇଛି ବିବାଦ । ଏହି ମସଜିଦ ପରିସରରେ ବି ଶିବ ମନ୍ଦିର ରହିଥିବା ଦାବି ହେଉଛି। ଜାମା ମସଜିଦ ଭିତରେ ମହାଦେବଙ୍କ ମନ୍ଦିର ଥିବା ଦାବି କରି ଭାରତୀୟ ହିନ୍ଦୁ ମହାସଭା ପକ୍ଷରୁ ଅଗଷ୍ଟ 8ତାରିଖରେ କୋର୍ଟରେ ଆବେଦନ କରାଯାଇଛି ।

ଶୁକ୍ରବାର ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ। ଆସନ୍ତା 15 ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ। ବଦାୟୁଁର ଜାମା ମସଜିଦ ପୂର୍ବରୁ ହିନ୍ଦୁ ରାଜାଙ୍କ ଦୁର୍ଗ ଥିଲା। ତେଣୁ ସେହି ସମୟରେ ଏଠାରେ ମହାଦେବଙ୍କ ମନ୍ଦିର ରହିଥିବା କୁହାଯାଉଛି । ତେବେ ଏହାକୁ ଭାଙ୍ଗି ମସଜିଦ ନିର୍ମାଣ କରାଯାଇଥିବା ହିନ୍ଦୁ ମହାସଭା ପକ୍ଷରୁ ଦାବି କରାଯାଇଛି।

ମସଜିଦ ଭିତରେ ଥିବା ବନ୍ଦ ଗୃହ ବାବଦରେ ସର୍ଭେ କରିବାକୁ କୋର୍ଟଙ୍କୁ ଅପିଲ କରାଯାଇଛି। ଜାମା ମସଜିଦ ଦେଶର ସବୁଠୁ ବଡ ଓ ପୁରାତନ ମସଜିଦ ମଧ୍ୟରୁ ଗୋଟିଏ।

Published On September 3, 2022