୨୮ ଅକ୍ଟୋବର ପର୍ଯ୍ୟନ୍ତ ଦିଲ୍ଲୀର ୫ଟି ଷ୍ଟେସନରେ ମିଳିବନି ପ୍ଲାଟଫର୍ମ ଟିକେଟ
ପାର୍ବଣ ଋତୁରେ ବଢୁଥିବା ଭିଡକୁ ନଜରରେ ରଖି ଭାରତୀୟ ରେଳ ଦିଲ୍ଲୀର ୫ ମୁଖ୍ୟ ଷ୍ଟେସନରେ ପ୍ଲାଟଫର୍ମ ଟିକେଟ ବିକ୍ରି ୨୮ ଅକ୍ଟୋବର ପର୍ଯ୍ୟନ୍ତ ବନ୍ଦ କରିବାକୁ ନିଷ୍ପତ୍ତି ନେଇଛି। ଏହି ନିୟମ ତତ୍କାଳ ପ୍ରଭାବରେ ଲାଗୁ କରାଯାଇଛି। ରେଳ କହିଛି କି ଯାତ୍ରୀଙ୍କ ସୁରକ୍ଷା ଓ ଭିଡ ନିୟନ୍ତ୍ରଣ ପାଇଁ ଏହି ପଦକ୍ଷେପ ଉଠାଯାଇଛି। ନୂଆ ଦିଲ୍ଲୀ, ପୁରୁଣା ଦିଲ୍ଲୀ, ଆନନ୍ଦ ବିହାର, ହଜରତ ନିଜାମୁଦ୍ଦିନ ଓ ଗାଜିୟାବାଦ ଷ୍ଟେସନରେ ପ୍ଲାଟଫର୍ମ ଟିକେଟ ମିଳିବନାହିଁ। ଦୀପାବଳି ଓ ଛଟ୍ ଯୋଗୁଁ ୧୭, ୧୮ ଓ ୨୩ ଅକ୍ଟୋବରରେ ସବୁଠାରୁ ଅଧିକ ଭିଡ ହେବ ବୋଲି ଆକଳନ କରାଯାଉଛି।
ଭିଡ ବହୁଳ ଅଞ୍ଚଳରେ କୃତ୍ରିମ ବୁଦ୍ଧିମତା ଆଧାରିତ କ୍ୟାମେରା ଲଗାଯିବ, ଯାହା ରିୟଲ ଟାଇମରେ ଲୋକଙ୍କ ଉପରେ ନଜର ରଖିବ। ଏହା ଫଳରେ ଭିଡର ଠିକ୍ ଅନୁମାନ ଲଗାଇବା ସହ ନିୟନ୍ତ୍ରଣ କରିହେବ। ପାର୍ବଣ ସମୟରେ ଭିଡ କମାଇବା ପାଇଁ ନୂଆଦିଲ୍ଲୀ ଓ ଆନନ୍ଦ ବିହାର ଷ୍ଟେସନରେ ପ୍ଲାଟଫର୍ମ ଟିକେଟ ବିକ୍ରି ଅସ୍ଥାୟୀ ରୂପେ ବନ୍ଦ ରହିବ। ଏନେଇ ଷ୍ଟେସନରେ ୨ ଘଣ୍ଟା ପୂର୍ବରୁ ଘୋଷଣା କରାଯିବ।
Click it and Unblock the Notifications
Sign in with Google