ମାସ ଶେଷ ପର୍ଯ୍ୟନ୍ତ 3 ଗୁଣା ମହଙ୍ଗା ଦରରେ ମିଳିବ ପ୍ଲାଟଫର୍ମ ଟିକେଟ୍
ମାସ ଶେଷ ପର୍ଯ୍ୟନ୍ତ 3 ଗୁଣା ମହଙ୍ଗା ଦରରେ ମିଳିବ ପ୍ଲାଟଫର୍ମ ଟିକେଟ୍ । ପାର୍ବଣ ପାଇଁ ଏଭଳି କରାଯାଇଥିବା ସୂଚନା ।
ନୂଆଦିଲ୍ଲୀ: ଶେଷ ହୋଇଛି ଦୁର୍ଗା ପୂଜା । ହେଲେ ଆଗକୁ କାଳୀ ପୂଜା. ଦୀପାବଳୀ ଆଦି ପର୍ବ ବାକି ରହିଛି । ପାର୍ବଣକୁ ଆଖିରେ ରଖି ଭାରତୀୟ ରେଳବାଇ ପକ୍ଷରୁ ଜାରି କରାଯାଇଛି ଏକ ନୂଆ ନିୟମ। ପ୍ଲାଟଫର୍ମକୁ ଯିବାକୁ ଚାହୁଁଥିଲେ ସାଧାରଣତଃ ଟିକେଟ କରିବା ପାଇଁ ପଡିଥାଏ । ହେଲେ ବର୍ତ୍ତମାନ ଏହାକୁ ତିନି ଗୁଣା ବଢାଇ ଦିଆଯାଇଛି । ପାର୍ବଣ ସିଜିନ ପାଇଁ ମହଙ୍ଗା ହୋଇଛି ରେଳ ଷ୍ଟେସନ ପ୍ଲାର୍ଟଫର୍ମ ଟିକେଟ୍ । 10 ଟଙ୍କାରେ ମିଳୁଥିବା ପ୍ଲାଟଫର୍ମ 3ଗୁଣା ଅଧିକ ହୋଇଛି । ଦିଲ୍ଲୀ ମଣ୍ଡଳ ରେଳ ପ୍ରବଦ୍ଧକ ପାର୍ବଣ ସିଜନରେ ଷ୍ଟେସନରେ ଗହଳିକୁ ଦୃଷ୍ଟିରେ ରଖି ଏହି ଆଦେଶ ଜାରି କରିଛନ୍ତି ।
ନୂଆଦିଲ୍ଲୀ, ପୁରୁଣା ଦିଲ୍ଲୀ, ଆନନ୍ଦ ବିହାର ଟର୍ମିନାଲ, ହଜରତ ନିଜାମୁଦିନ, ଦିଲ୍ଲୀ ରୋହିଲ୍ଲା ଏବଂ ଗାଜିଆବାଦ ଆଦି ଷ୍ଟେସନରେ ପ୍ଲାଟଫର୍ମ ଟିକେଟ୍ ବଢାଇ ଦିଆଯାଇଛି । ନବରାତ୍ରୀ ଏବଂ ଦଶହରା ପରେ ଦିପାବଳୀ, ଛଟ ପୂଜା ଏବଂ ଅନ୍ୟାନ୍ୟ ପର୍ବ ଆସୁଛି । ଏହି କାରଣରୁ ଷ୍ଟେସନରେ ଲୋକଙ୍କ ଭିଡ ଲାଗିବାର ଅଧିକ ସମ୍ଭାବନା ରହିଛି । ତେଣୁ ଭିଡ କମ କରିବାକୁ ଟିକଟ ଦର ବଢାଇବା ଭଳି ନିଷ୍ପତ୍ତି ହୋଇଛି ।
Click it and Unblock the Notifications
Sign in with Google