ପଶ୍ଚିମବଙ୍ଗ ପୁଲିସ ଡିଜିପି ରାଜୀବ କୁମାରଙ୍କୁ ହଟାଇବାକୁ ସୁପ୍ରିମକୋର୍ଟରେ ଆବେଦନ

କଲକାତା ଆଇ-ପାକ୍‌ କମ୍ପାନୀରେ ଚଢାଉ ମାମଲାରେ ପଶ୍ଚିମବଙ୍ଗ ପୁଲିସ ଡିଜିପି ରାଜୀବ କୁମାରଙ୍କୁ ହଟାଇବା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ ସୁପ୍ରିମକୋର୍ଟରେ ଏକ ନୂତନ ଆବେଦନ ଦାଖଲ କରିଛି । ଆବେଦନରେ ଡିଜିପି ରାଜୀବ କୁମାରଙ୍କ ସମେତ ପଶ୍ଚିମବଙ୍ଗ ପୁଲିସର ଶୀର୍ଷ ଅଧିକାରୀମାନଙ୍କୁ ନିଲମ୍ବନ କରିବାକୁ ଦାବି କରାଯାଇଛି ।

ଇଡି ଅଭିଯୋଗ କରିଛି ଯେ ଏହି ଅଧିକାରୀମାନେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ମିଶି ତଦନ୍ତରେ ବାଧା ସୃଷ୍ଟି କରିଥିଲେ ଏବଂ ପ୍ରମାଣ ଚୋରି କରିବାରେ ସହାୟତା କରିଥିଲେ । ପ୍ରବର୍ତ୍ତନ ନିର୍ଦ୍ଦେଶାଳୟ ଆବେଦନରେ ଏହା ମଧ୍ୟ ଉଲ୍ଲେଖ କରିଛି ଯେ ଡିଜିପି ରାଜୀବ କୁମାର ପୂର୍ବରୁ କଲକାତା ପୁଲିସ କମିଶନର ଭାବରେ କାର୍ଯ୍ୟ କରିବା ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଧାରଣାରେ ବସିଥିଲେ ।

English summary

Petition in Supreme Court to remove West Bengal Police DGP Rajiv Kumar