ମହାକାଶରୁ ଫେରିଲେ ସୁନୀତା ୱିଲିୟମ୍ସଙ୍କ, ପୈତୃକ ଗାଁ ଝୁଲାସନରେ ଉତ୍ସାହର ମାହୋଲ

Sunita Williams: ଭାରତୀୟ ବଂଶୋଦ୍ଭବ ମହାକାଶଚାରୀ ସୁନିତା ୱିଲିୟମ୍ସ ନଅ ମାସ ପରେ ମାର୍ଚ୍ଚ ୧୯ ତାରିଖରେ ସୁରକ୍ଷିତ ମହାକାଶରୁ ପୃଥିବୀପୃଷ୍ଠକୁ ଫେରିଛନ୍ତି । ନାସାର ୮ ଦିନିଆ ମିଶନ ଅଧୀନରେ ସୁନିତା ୱିଲିୟମ୍ସଙ୍କୁ ଆନ୍ତର୍ଜାତୀୟ ମହାକାଶ କେନ୍ଦ୍ର (ISS) ପଠାଯାଇଥିଲା, କିନ୍ତୁ ତାଙ୍କ ମହାକାଶ ଯାନରେ ଏକ ଯାନ୍ତ୍ରିକ ତ୍ରୁଟି ଯୋଗୁଁ ସୁନିତା ୱିଲିୟମ୍ସ ଏବଂ ତାଙ୍କ ସହଯୋଗୀ ବାରି ୱିଲମୋର ଗତ ୯ ମାସ ଧରି ମହାକାଶରେ ଫସି ରହିଥିଲେ। ସେମାନଙ୍କୁ ଫେରାଇ ଆଣିବା ପାଇଁ ଡ୍ରାଗନ୍ ସ୍ପେସଏକ୍ସ ପଠାଯାଇଥିଲା।

ଶେଷରେ ଆଜି ଆମେରିକା ଫ୍ଲୋରିଡା ତଟରେ ସ୍ପେଶ୍ ଏକ୍ସର ଡ୍ରାଗନ ଯାନର ସଫଳ ଲାଣ୍ତିଂ ହୋଇଥିଲା । ଭାରତୀୟ ସମୟ ଭୋର୍ ୩ ଟା ୨୭ ମିନିଟରେ ଲାଣ୍ତିଂ ହୋଇଥିଲା । ତେବେ ମହାକାଶରେ ସବୁଠୁ ଅଧିକ ସମୟ ବିତାଇଥିବା ମହିଳା ପାଲଟିଲେ ସୁନିତା ।

ସେହିପରି ସୁନିତା ମଧ୍ୟ ତାଙ୍କୁ ସାଥୀଙ୍କ ସୁରକ୍ଷିତ ପ୍ରତ୍ୟାବର୍ତ୍ତନ ପାଇଁ ସାରା ଦେଶ ପ୍ରାର୍ଥନା କରୁଥିଲା। ସୁନିତା ୱିଲିୟମ୍ସ ସୁରକ୍ଷିତ ଭାବରେ ପୃଥିବୀକୁ ଫେରିବା ମାତ୍ରେ ଭାରତୀୟମାନେ ଆନନ୍ଦିତ ସହ ସେଲିବ୍ରେଟ୍ କରୁଥିବାର ଦେଖିବା ପାଇଁ ମିଳିଛି । ଭାରତୀୟ ବଂଶୋଦ୍ଭବ ମହାକାଶଚାରୀ ସୁନିତା ୱିଲିୟମ୍ସଙ୍କ ପ୍ରତ୍ୟାବର୍ତ୍ତନ ପାଇଁ ସାରା ଭାରତରେ ଉତ୍ସବ ପାଳନ କରାଯାଉଛି। ସୁନିତା ୱିଲିୟମ୍ସଙ୍କ ପୈତୃକ ଗାଁ ଗୁଜରାଟର ମେହସାଣାରେ, ଲୋକମାନେ ରାତିରେ ବାଣ ଫୁଟାଇ ଉତ୍ସବ ପାଳନ କରୁଥିବାର ଦେଖିବା ପାଇଁ ମିଳିଥିଲା ।

ଫ୍ଲୋରିଡା ଉପକୂଳରେ ସମୁଦ୍ରରେ Crew-9 ର SpaceX ଡ୍ରାଗନ୍ ମହାକାଶଯାନର ସଫଳ ଲ୍ୟାଣ୍ତି ପୂର୍ବରୁ ସାରା ବିଶ୍ୱ ଚିନ୍ତିତ ଥିଲା । ଡ୍ରାଗନ୍ ସ୍ପେସ୍କ୍ରାଫ୍ଟର ସଫଳ ଅବତରଣ ପରେ, ନାସାର ମହାକାଶଚାରୀ ସୁନିତା ୱିଲିୟମ୍ସ ବାହାରକୁ ଆସିବା ମାତ୍ରେ ଲୋକମାନେ ଆନନ୍ଦରେ ନାଚିବା ଆରମ୍ଭ କରିଥିଲେ । ସୁନିତା ୱିଲିୟମ୍ସଙ୍କ ଜନ୍ମସ୍ଥାନ ଝୁଲାସନରରେ ଉତ୍ସାହର ମାହୋଲ ଦେଖିବା ପାଇଁ ମିଳିଛି ।