ଦୁର୍ନୀତିଗ୍ରସ୍ତ ସରକାର ବିରୋଧରେ ଲୋକମାନେ ମତଦାନ କରୁଛନ୍ତି : ବିରେନ୍ଦ୍ର ସଚ୍ଚେଦେବା

୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ପାଇଁ ଆଜି (ବୁଧବାର) ଭୋଟ୍ ଗ୍ରହଣ ଆରମ୍ଭ ହୋଇଛି। ସକାଳ ୭ଟାରୁ ଭୋଟ୍ ଗ୍ରହଣ ଆରମ୍ଭ ହୋଇଛି। ସବୁ ବୁଥ୍ ରେ ସକାଳୁ ସକାଳୁ ମତଦାନ କେନ୍ଦ୍ରରେ ଲମ୍ବାଧାଡ଼ି ପରିଲକ୍ଷିତ ହୋଇଛି। ସନ୍ଧ୍ୟା ୬ଟା ପର୍ଯ୍ୟନ୍ତ ମତଦାନ ଚାଲିବ। ଏଥର ତିନି ପ୍ରମୁଖ ରାଜନୈତିକ ଦଳ ବିଜେପି, ଆପ୍ ଓ କଂଗ୍ରେସ୍ ମଧ୍ୟରେ କଡ଼ା ଟକ୍କର ହେଉଥିବା ଚର୍ଚ୍ଚା ହେଉଛି। ଆଉ ଏଭଳି ମାହୋଲ ମଧ୍ୟରେ ଦିଲ୍ଲୀ ବିଜେପି ସଭାପତି ବୀରେନ୍ଦ୍ର ସଚ୍ଚେଦବା କହିଛନ୍ତି, "ଦିଲ୍ଲୀରେ ପରିବର୍ତ୍ତନର ଲହର ଖେଳିଯାଇଛି।

ଲୋକମାନେ ଦୁର୍ନୀତିଗ୍ରସ୍ତ ସରକାର ବିରୋଧରେ ମତଦାନ କରୁଛନ୍ତି। ବର୍ତ୍ତମାନ ଏହି ଆପଦା 'ନକଲି' ସରକାର ଏତେ ପରିମାଣରେ ତଳକୁ ଖସିଯାଇଛି ଯେ, ନକଲି ଭୋଟିଂକୁ ସୁବିଧାଜନକ କରୁଛି। ବିକଶିତ ଦିଲ୍ଲୀର ସଂକଳ୍ପ ପୂରଣ କର। " ଆମ ପାଖରେ ଥିବା ସୂଚନା ଅନୁଯାୟୀ, ଲୋକମାନେ କସ୍ତୁରବା ନାଗର ବିଧାନସଭା ନିର୍ବାଚନମଣ୍ଡଳୀରେ ନକଲି ଭୋଟ୍ ଦେଉଥିବା ବେଳେ ଧରାପଡିଛନ୍ତି।ମୁଁ ଦିଲ୍ଲୀବାସୀଙ୍କୁ ନିବେଦନ କରୁଛି ଯେ ସେମାନେ ଆପ ପଦକ୍ଷେପ ପ୍ରତି ସତର୍କ ରୁହନ୍ତୁ ଏବଂ ପ୍ରଧାନମନ୍ତ୍ରୀ ମୋଦୀଙ୍କର ଏକ ବିକଶିତ ଭାରତର ପ୍ରତିଶ୍ରୁତି ପୂରଣ କରନ୍ତୁ ଏବଂ ବହୁ ସଂଖ୍ୟାରେ ଭୋଟ୍ ଦେଇ ଦିଲ୍ଲୀର ବିକାଶ କରନ୍ତୁ ବୋଲି ବିଜେପି ସଭାପତି କହିଛନ୍ତି ।