ପୁଣି ପାସେଞ୍ଜର ଟ୍ରେନ୍ ଲାଇନଚ୍ୟୁତ

Villupuram Train Derailment: ତାମିଲନାଡୁରେ ଯାତ୍ରୀବାହୀ ଟ୍ରେନର ୫ଟି ବଗି ଲାଇନଚ୍ୟୁତ । ଭିଲୁପୁରମ୍ ରେଳ ଷ୍ଟେସନ ନିକଟରେ ଟ୍ରେନ୍ ଲାଇନଚ୍ୟୁତ ହୋଇଛି । ଲାଇନଚ୍ୟୁତ ହେବାର ଶଦ୍ଧଶୁଣିବା ପରେ ପାଇଲେଟ୍ ଅଟକାଇଥିଲେ ଟ୍ରେନ୍ ଯାହା ଫଳରେ ଏକ ଦୁର୍ଘଟଣାରୁ ବର୍ତ୍ତି ଯାଇଛି ଯାତ୍ରୀବାହୀ ଟ୍ରେନ୍ । ଟ୍ରେନ ଅଟକିବା ପରେ ସମସ୍ତ ଯାତ୍ରୀ ସୁରକ୍ଷିତ ଓହ୍ଲାଇ ପଡିଥିଲେ।

ସକାଳ ୫:୨୫ ସମୟରେ ଭିଲୁପୁରମ ରେଳ ଷ୍ଟେସନ ନିକଟରେ ଏପରି ଘଟଣା ଘଟିଥିଲା। କମ୍ ଦୂରତା ଯାତ୍ରା କରୁଥିବା MEMU ଟ୍ରେନ୍ ଏକ ମୋଡ ପାର ହେବା ସମୟରେ ଲାଇନଚ୍ୟୁତ ହୋଇଥିଲା।

ଟ୍ରେନରେ ଥିବା ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା । କେହି ଆହତ ହୋଇଥିବାର କୌଣସି ଖବର ନାହିଁ। ରେଳ ଅଧିକାରୀ ଏବଂ ଇଞ୍ଜିନିୟରମାନଙ୍କୁ ତୁରନ୍ତ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଥିଲେ । ଟ୍ରାକ ମରାମତି କାର୍ଯ୍ୟ ଚାଲିଛି ଏବଂ ଅନ୍ୟ ଟ୍ରେନଗୁଡିକର ରୁଟ ସଫା କରାଯାଉଛି। ଭିଲୁପୁରମ ରେଳବାଇ ପୋଲିସ ଘଟଣାର ଘନିଷ୍ଠ ତଦନ୍ତ ଆରମ୍ଭ କରିଛି। ତଦନ୍ତ ସମାପ୍ତ ହେବା ପରେ ଘଟଣା ପଛର କାରଣ ଜଣାପଡିବ।