ଗୃହକାର୍ଯ୍ୟରେ କଂଗ୍ରେସ ଦଳ ପ୍ରତିବନ୍ଧକ ସୃଷ୍ଟି କରୁଥିବା ନେଇ ସଂସଦୀୟ ବ୍ୟାପାର ମନ୍ତ୍ରୀଙ୍କ ଅଭିଯୋଗ

ଲୋକସଭାର କାର୍ଯ୍ୟକଳାପରେ କଂଗ୍ରେସ ଦଳ ପ୍ରତିବନ୍ଧକ ସୃଷ୍ଟି କରୁଥିବା କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଅଭିଯୋଗ କରିଛନ୍ତି । ନୂଆଦିଲ୍ଲୀରେ ଆଜି ଗଣମାଧ୍ୟମ ସହ କଥାବାର୍ତ୍ତା ବେଳେ ଶ୍ରୀ ରିଜିଜୁ କହିଛନ୍ତି, କଂଗ୍ରେସ ସଦସ୍ୟମାନଙ୍କ ଅନୁଶାସନହୀନ ବ୍ୟବହାର ଯୋଗୁଁ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବର ଆଲୋଚନା ହୋଇପାରିଲା ନାହିଁ ।

ସେ କହିଛନ୍ତି, ସରକାରଙ୍କ ପକ୍ଷରୁ କେନ୍ଦ୍ରୀୟ ବଜେଟ୍‍ ଉପରେ ଆଲୋଚନା ଲାଗି ସଂସଦରେ ଉପସ୍ଥାପନ କରିବାକୁ ଥିବା ଜାତୀୟ ଗଣତାନ୍ତ୍ରିକ ମେଣ୍ଟ ସାଂସଦମାନଙ୍କ ତାଲିକା ପ୍ରଦାନ କରାଯାଇଛ । ସେ କହିଛନ୍ତି, ଯଦି ସଂପୃକ୍ତ ସଦସ୍ୟମାନେ ଉପସ୍ଥାପନ ପାଇଁ ସୁଯୋଗ ନ ପାଆନ୍ତି, ଏଥିପାଇଁ କଂଗ୍ରେସ ଦଳ ଦାୟୀ ରହିବ ।