ସଂସଦର ସୁରକ୍ଷା ତ୍ରୁଟି ମାମଲା: ତଦନ୍ତ ପାଇଁ ୬ ରାଜ୍ୟରେ ପହଞ୍ଚିଲା ସ୍ପେଶାଲ ସେଲ୍ ପୋଲିସ
ନୂଆଦିଲ୍ଲୀ: ସଂସଦର ସୁରକ୍ଷା ତ୍ରୁଟି ମାମଲାକୁ ନେଇ ଦିଲ୍ଲୀର ସ୍ପେଶାଲ୍ ପୋଲିସ୍ ସେଲ୍ ଆରମ୍ଭ କରିଛି ତଦନ୍ତ । ରିପୋର୍ଟ ଅନୁସାରେ, ପୋଲିସ ୬ଟି ରାଜ୍ୟରେ ତଦନ୍ତ ପାଇଁ ପହଞ୍ଚିଛି । ରାଜସ୍ଥାନ, କର୍ଣ୍ଣାଟକ, ହରିୟାଣା, ଉତ୍ତର ପ୍ରଦେଶ ଏବଂ ପଶ୍ଚିମବଙ୍ଗରେ ଦିଲ୍ଲୀ ସ୍ପେଶାଲ୍ ସେଲ୍ ପୋଲିସ ପହଞ୍ଚି ଯାଞ୍ଚ ଆରମ୍ଭ କରିଛି । ଗତକାଲି ରାଜସ୍ଥାନରୁ ଅଭିଯୁକ୍ତ ମାନଙ୍କର ପୋଡା ଫୋନ୍ ମିଳିଥିବା ନେଇ ଖବର ରହିଥିଲା ।
ସୂଚନାଥାଉ ଯେ, ଲୋକସଭାର ସୁରକ୍ଷାରେ ବଡ଼ ଧରଣର ତ୍ରୁଟି ହୋଇଥିଲା । ୨ ଜଣ ଅଜଣା ବ୍ୟକ୍ତି ଲୋକସଭା 'ଭିଜିଟର୍ସ ଗ୍ୟାଲେରି' ମଧ୍ୟ ଦେଇ ଗୃହରେ କଲେ ପ୍ରବେଶ । ବୁଧବାର ଦିନ ଲୋକସଭାର ଅଧିବେଶନ ଚାଲୁଥିବାବେଳେ ହଠାତ୍ ଦୁଇ ଯୁବକ ଲୋକସଭା ଭିତରକୁ ପଶି ଆସିଥିଲେ । ଗୃହରେ ଉପସ୍ଥିତ ସାଂସଦ ତାଙ୍କୁ ପ୍ରଥମେ କାବୁ କରିବା ପରେ ସୁରକ୍ଷା କର୍ମୀଙ୍କୁ ହସ୍ତାନ୍ତର କରିଥିବା ନେଇ ସୂଚନା ରହିଛି । ଏହି ମାମଲାରେ ୭ ଜଣ ସୁରକ୍ଷାକର୍ମୀଙ୍କୁ ନିଲମ୍ବିତ କରାଯାଇଛି ।
Click it and Unblock the Notifications
Sign in with Google