ସଂସଦ ଆକ୍ରମଣ ଘଟଣା: ଗିରଫ ହେଲେ ମାଷ୍ଟରମାଇଣ୍ଡ ଲଲିତ
ନୂଆଦିଲ୍ଲୀ :ସଂସଦ ଆକ୍ରମଣର ମାଷ୍ଟରମାଇଣ୍ଡ ଲଲିତ ଝା ଗିରଫ ।ଗୁରୁବାର ରାତିରେ ମାଷ୍ଟରମାଇଣ୍ଡ ଲଲିତ ଝା ଦିଲ୍ଲୀ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ଏ ନେଇ ଦିଲ୍ଲୀ ପୋଲିସ ସୂଚନା ଦେଇଛି। ପୋଲିସ ଅଧିକାରୀ କହିଛନ୍ତି ଯେ ଅଭିଯୁକ୍ତ ଲଲିତଙ୍କୁ ପଚରାଉଚରା କରାଯାଉଛି।
ସଂସଦ ଆକ୍ରମଣ ଘଟଣାରେ ଲଲିତଙ୍କୁ ମାଷ୍ଟରମାଇଣ୍ଡ କୁହାଯାଉଥିଲା ଏବଂ ପୋଲିସ ତାଙ୍କୁ ଖୋଜିବା ପାଇଁ ବିଭିନ୍ନ ସ୍ଥାନରେ ଲଗାତାର ଛାନଭିନ ଆରମ୍ଭ କରିଥିଲା।
ସଂସଦର ସୁରକ୍ଷା ଉଲ୍ଲଂଘନ ମାମଲାରେ ପୋଲିସ ପୂର୍ବରୁ 5ଜଣ ଅଭିଯୁକ୍ତଙ୍କୁ ଗିରଫ କରିଥିଲା, କିନ୍ତୁ ଲଲିତଙ୍କ ବିଷୟରେ କୌଣସି ସୂଚନା ମିଳୁନଥିଲା । ଖବର ଆସିଥିଲା ଯେ ସେ ରାଜସ୍ଥାନର ଲୁଚି ରହିଥିବାର କିନ୍ତୁ ସେ ନିଜ ପୋଲିସ ଷ୍ଟେସନରେ ପହଞ୍ଚି ନିଜକୁ ପୋଲିସ ନିକଟରେ ସମର୍ପଣ କରିଥିଲେ।
ଅଭିଯୁକ୍ତ ସାଗର ଶର୍ମା ଏବଂ ମନୋରଂଜନ ସଂସଦ ଭବନକୁ ଯିବା ପାଇଁ ପାସ୍ ବ୍ୟବସ୍ଥା କରିଥିଲେ। ପୋଲିସ କହିଛି ଯେ ଏହି ସମସ୍ତ ଅଭିଯୁକ୍ତ ସୋସିଆଲ ମିଡିଆ ଗୋଷ୍ଠୀ ଭାଗବତ ସିଂ ଫ୍ୟାନ୍ କ୍ଲବ ସହ ଜଡିତ ଥିଲେ।
ଖାଲି ଏତିକି ନୁହେଁ ସଂସଦ ଭବନ ପରିସରରୁ ଧରାପଡ଼ିଥିବା ମୋଟ ୪ ଅଭିଯୁକ୍ତଙ୍କ ଫୋନ୍ ମଧ୍ୟ ସେ ନିଜ ପାଖରେ ରଖିଥିଲେ । ସେଥିରୁ ସେ ସମସ୍ତ ତଥ୍ୟ ନଷ୍ଟ କରିଦେଇଥିବା ଆଶଙ୍କା କରାଯାଉଛି । ଲଳିତ ଝା ହିଁ ଅନ୍ୟ ୫ ସହଯୋଗୀଙ୍କୁ ଭେଟିବା ପାଇଁ ଗୁରୁଗ୍ରାମ ଡକାଇଥିଲେ ।
ଭାରତୀୟ ଦଣ୍ଡବିଧି ଏବଂ ବେଆଇନ କାର୍ଯ୍ୟକଳାପ (ପ୍ରତିରୋଧ) ଅଧିନିୟମ (UAPA) ର ବିଭିନ୍ନ ବିଭାଗ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଭାରତୀୟ ଦଣ୍ଡବିଧି ସଂହିତା 120B, 453, 153, 186, 353 ଏବଂ UAPA ର ଧାରା 16 ଏବଂ 18 ଅନୁଯାୟୀ ପୋଲିସ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛି।
Click it and Unblock the Notifications
Sign in with Google