ସଂସଦ ଆକ୍ରମଣ ଘଟଣା: ଆଜି ପୁଣି ଲୋକସଭାରୁ ନିଲମ୍ବିତ ହେଲେ ୪୯ ସାଂସଦ

ନୂଆଦିଲ୍ଲୀ : ଆଜି 49 ଜଣ ସାଂସଦଙ୍କୁ ପୁଣି ଲୋକସଭାରୁ ନିଲମ୍ବିତ କରାଯାଇଛି। ପ୍ରବଳ ହଟ୍ଟଗୋଳ ଯୋଗୁ ଆଜି ଦ୍ବିତୀୟ ଦିନରେ 49 ବିରୋଧୀ ସାଂସଦ ପାର୍ଲାମେଣ୍ଟରୁ ନିଲମ୍ବିତ କରିଛନ୍ତି ବାଚସ୍ପତି ଓମ୍ ବିର୍ଲା । ଏପର୍ଯ୍ୟନ୍ତ 141 ସାଂସଦଙ୍କୁ ସଂସଦରୁ ନିଲମ୍ବିତ କରାଯାଇଛି। ସୋମବାର ସଂସଦର ଉଭୟ ଗୃହରୁ ମୋଟ 92 ସାଂସଦଙ୍କୁ ନିଲମ୍ବିତ କରାଯାଇଥିଲା। ସେଥିମଧ୍ୟରୁ 46 ଜଣ ଲୋକସଭା ଏବଂ 46 ଜଣ ରାଜ୍ୟସଭାରୁ ଆସିଥିଲେ। ଏପର୍ଯ୍ୟନ୍ତ ଲୋକସଭାର 95 ଜଣ ସାଂସଦ ଏବଂ ରାଜ୍ୟସଭାର 46 ଜଣ ସାଂସଦଙ୍କୁ ସଂସଦରୁ ନିଲମ୍ବିତ କରାଯାଇଛି ।

ଆଜି ନିଲମ୍ବିତ ହୋଇଥିବା ସାଂସଦମାନେ ଫାରୁକ୍ ଅବଦୁଲ୍ଲା, ସୁପ୍ରିୟା ସୁଲେ, ଶଶି ଥରୁର, ଜ୍ୟୋତ୍ସନା ମହନ୍ତଙ୍କ ସମେତ ଅନେକ ନେତା ଅଛନ୍ତି। ସାଂସଦଙ୍କ ନିଲମ୍ବନକୁ ନେଇ ବିରୋଧୀ ଲଗାତାର ଭାବରେ ହଟ୍ଟଗୋଳ ଜାରି ରଖିଛନ୍ତି । ବିରୋଧୀ ସାଂସଦଙ୍କ ନିଲମ୍ବନ ସମ୍ପର୍କରେ କଂଗ୍ରେସ ସାଂସଦ ଅଧୀର ରଂଜନ ଚୌଧରୀ କହିଛନ୍ତି ଯେ ଏହା ସଂସଦ ଭିତରେ ଅରାଜକତା ଛଡା ଆଉ କିଛି ନୁହେଁ। ଆମ ଦେଶର ସଂସଦୀୟ ବ୍ୟବସ୍ଥାରେ ମଧ୍ୟ ସେମାନଙ୍କର ବିଶ୍ୱାସର ନାହିଁ | ତେଣୁ ସଂସଦରେ ଅରାଜକତା, ଅରାଜକତା ଏବଂ ଅରାଜକତା ଛଡା ଆଉ କିଛି ନାହିଁ |

English summary

Parliament attack incident: 49 MPs suspended from Lok Sabha again today