ଉରିରେ ପାକିସ୍ତାନୀ ଆତଙ୍କବାଦୀର ଗଡ଼ିଲା ମୁଣ୍ଡ

ଜମ୍ମୁ-କଶ୍ମୀରର ଉରି ସେକ୍ଟରରେ ଭାରତୀୟ ସେନା ଏବଂ ଜମ୍ମୁ-କଶ୍ମୀର ପୁଲିସର ମିଳିତ ଅପରେସନରେ ଜଣେ ପାକିସ୍ତାନୀ ଆତଙ୍କବାଦୀର ମୁଣ୍ଡ ଗଡ଼ିଛି। ଏହି ଅପରେସନ ବାରାମୁଳା ଜିଲ୍ଲାର ବୁଛାର ଅଞ୍ଚଳରେ କରାଯାଇଥିଲା। ଭାରତୀୟ ସେନା ଅନୁଯାୟୀ, ଜମ୍ମୁ-କଶ୍ମୀର ପୁଲିସଠାରୁ ମିଳିଥିବା ନିର୍ଦ୍ଦିଷ୍ଟ ଗୁପ୍ତ ସୂଚନା ଆଧାରରେ, ୧୪ ଏବଂ ୧୫ ମାର୍ଚ୍ଚ ରାତିରେ ଅନୁପ୍ରବେଶ ଉଦ୍ୟମକୁ ପଣ୍ଡ କରିବା ପାଇଁ ଏକ ମିଳିତ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା। ଅପରେସନ ସମୟରେ, ଏକ ଘନ ଜଙ୍ଗଲ ଅଞ୍ଚଳରେ ଜଣେ ସନ୍ଦିଗ୍ଧ ଆତଙ୍କବାଦୀଙ୍କ ଗତିବିଧି ଦେଖିବାକୁ ମିଳିଥିଲା।

ଆତଙ୍କବାଦୀ ଚଳାଇଥିଲେ ଗୁଳି
ସେନା ଅଞ୍ଚଳକୁ ଘେରାବନ୍ଦୀକରି ଆତଙ୍କବାଦୀଙ୍କୁ ଆତ୍ମସମର୍ପଣ କରିବାକୁ ଚେତାବନୀ ଦେଇଥିଲେ। କିନ୍ତୁ ଆତଙ୍କବାଦୀ ଆଖିବୁଜା ଗୁଳି ଚଳାଇ ଜବାବ ଦେଇଥିଲା। ସୁରକ୍ଷା ବାହିନୀ ପାଲଟା ଗୁଳି ଚାଳନା କରିଥିଲେ। ଏଥିରେ ଆତଙ୍କବାଦୀଙ୍କ ମୃତ୍ୟୁ ଘଟିଥିଲା। ମୃତ ପାକିସ୍ତାନୀ ଆତଙ୍କବାଦୀଙ୍କ ପାଖରୁ ଏକେ ରାଇଫଲ୍, ପିସ୍ତଲ ଏବଂ ବିପୁଳ ପରିମାଣରେ ଗୁଳିଗୋଳା ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି। ଅଞ୍ଚଳରେ ଅନ୍ୟ କୌଣସି ଆତଙ୍କବାଦୀ ଲୁଚି ରହିଛନ୍ତି କି ନାହିଁ ତାହା ଜାଣିବା ପାଇଁ ଅପରେସନ୍ ଜାରି ରହିଛି।

English summary

Pakistani terrorist beheaded in Uri