ଅସ୍ତ୍ରବିରତି ଚୁକ୍ତିକୁ ଉଲ୍ଲଂଘନ କଲା ପାକିସ୍ତାନ, କଡ଼ା ଜବାବ ଦେଲା ଭାରତ
ଜମ୍ମୁ: ଅନ୍ତର୍ଜାତୀୟ ସୀମାରେ ଥିବା ବିଏସ୍ ଏଫ୍ ପୋଷ୍ଟ୍ ଉପରକୁ ବିନା କାରଣରେ ଗୁଳି ଚଳାଇଲା ପାକିସ୍ତାନ ରେଞ୍ଜର୍ସ । ବୁଧବାର ଭାରତ ଓ ପାକିସ୍ତାନ ମଧ୍ୟରେ ହୋଇଥିବା ଅସ୍ତ୍ରବିରତି ଚୁକ୍ତିକୁ ଉଲ୍ଲଂଘନ କରିଛି ପାକିସ୍ତାନ । ବିଏସଏଫ ଓ ପାକିସ୍ତାନ ରେଞ୍ଜର୍ସ ମଧ୍ୟରେ ୨୦ ମିନିଟରୁ ଅଧିକ ସମୟ ଧରି ଗୁଳି ବିନିମୟ ହୋଇଥିଲା । ନିର୍ବାଚନ ଫଳାଫଳ ପ୍ରକାଶ ପରେ ଏବେ ପାକିସ୍ତାନରେ ରାଜନୈତିକ ଅସ୍ଥିରତା ଦେଖା ଦେଇଛି ।
ପାକିସ୍ତାନର ଜନତା ଇମ୍ରାନ ଖାଁଙ୍କ ସପକ୍ଷରେ ଛିଡ଼ା ହୋଇଥିବାବେଳେ ସେନା ପିଏମଏଲକୁ ସମର୍ଥନ କରିଛି । ଇମ୍ରାନଙ୍କୁ ଜନସାଧାରଣଙ୍କ ସମର୍ଥନ ସେନା ବିରୋଧୀ ଜନମତଭାବେ ଦେଖାଯାଉଛି । ଏହା ଫଳରେ ସେନା ଚାପରେ ରହିଛି । ଏହି କାରଣରୁ ଲୋକମାନଙ୍କ ଧ୍ୟାନ ଆକର୍ଷଣ କରିବାକୁ ସେନା ସୀମାରେ ନିଜର ଦୁଃସାହସ ଆରମ୍ଭ କରିଥିବା କୁହାଯାଉଛି ।
ପାକିସ୍ତାନ ରେଞ୍ଜର୍ସ ଜମ୍ମୁର ମାକୱାଲ ଅଞ୍ଚଳରେ ପାକିସ୍ତାନ ରେଞ୍ଜର୍ସ ସୀମା ସୁରକ୍ଷା ବଳ ପୋଷ୍ଟରେ ଗୁଳି ଚଳାଇବାରୁ ଦୁଇ ପକ୍ଷ ମଧ୍ୟରେ ଉତ୍ତେଜନା ବୃଦ୍ଧି ପାଇଛି । ପାକିସ୍ତାନୀ ସେନାର ଏଭଳି ତୁମୁଳ କାଣ୍ଡର ଜବାବ ବିଏସଏଫ ମଧ୍ୟ କଡ଼ା ଜବାବ ଦେଇଛି । ସୂଚନାନୁାରେ ପାକିସ୍ତାନର ୧୩ ଟି ଚେନାବ ରେଞ୍ଜର୍ସ ବିଏସଏଫ (ବର୍ଡର ଆଉଟପୋଷ୍ଟ) କୁ ଟାର୍ଗେଟ କରି ପାକିସ୍ତାନୀ ସୈନିକମାନେ ନିଜ ଅଞ୍ଚଳରୁ ଭାରତ ପକ୍ଷକୁ ଗୁଳି ଚଳାଇଥିଲେ ।
ଖବର ଅନୁଯାୟୀ ଉଭୟ ପକ୍ଷର ଆକ୍ରମଣ ଏବଂ ପ୍ରତିଜବାବରେ ପରିସ୍ଥିତି ଅସ୍ଥିର ରହିଛି । ସୀମା ସୁରକ୍ଷା ବାହିନୀର ସୂତ୍ରରୁ ମିଳିଥିବନା ଖବର ଅନୁଯାୟୀ ବୁଧବାର ସନ୍ଧ୍ୟା ପ୍ରାୟ ୫.୪୫ ମିନିଟ ସମୟରେ ପାକିସ୍ତାନ ପକ୍ଷରୁ ଆତର୍କିତ ଗୁଳି ବିନିମୟ ହୋଇଥିଲା ।
Click it and Unblock the Notifications
Sign in with Google