ଲତା ମଙ୍ଗେସକରଙ୍କ ଦେହାନ୍ତରେ ପାକିସ୍ତାନରେ ଶୋକ

ଦୁନିଆର ଅନେକ ବଡ ବ୍ୟକ୍ତିତ୍ୱ ଲତା ଜୀଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମଧ୍ୟ ଟ୍ୱିଟ୍ କରି ଲତା ମଙ୍ଗେସକରଙ୍କ ପାଇଁ ସମବେଦନା ଜଣାଇଛନ୍ତି।

Published: Sunday, February 6, 2022, 22:36 [IST]

ନୂଆଦିଲ୍ଲୀ: ଭାରତ ରତ୍ନ ତଥା ସ୍ୱରା ସାମ୍ରାଜ୍ଞୀ ଲତା ମଙ୍ଗେସକର ପଞ୍ଚତତ୍ତ୍ୱରେ ଲିନ ହୋଇଛନ୍ତି । ଫେବୃଆରୀ 6 ରେ ଲତାଜୀଙ୍କର ଦେହାନ୍ତରେ ଦେଶ ସମେତ ତାଙ୍କ ପ୍ରଶଂସକମାନେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ଦୁନିଆର ଅନେକ ବଡ ବ୍ୟକ୍ତିତ୍ୱ ଲତା ଜୀଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମଧ୍ୟ ଟ୍ୱିଟ୍ କରି ଲତା ମଙ୍ଗେସକରଙ୍କ ପାଇଁ ସମବେଦନା ଜଣାଇଛନ୍ତି।

ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଟ୍ୱିଟ କରି କହିଛନ୍ତି ଯେ, ଲତା ମଙ୍ଗେସକରଙ୍କ ମୃତ୍ୟୁ ସହିତ ଉପମହାଦେଶ ବିଶ୍ୱର ଅନ୍ୟତମ ଗାୟକଙ୍କୁ ହରାଇଛି ଯାହାକୁ ବିଶ୍ୱ ଜାଣନ୍ତି। ତାଙ୍କ ଗୀତ ଶୁଣିବା ଦ୍ୱାରା ସାରା ବିଶ୍ୱରେ ଲକ୍ଷ ଲକ୍ଷ ଲୋକ ବହୁତ ଖୁସି ପାଇଛନ୍ତି । ଏହା ବ୍ୟତୀତ ପାକିସ୍ତାନର ବହୁ ରାଜନେତା ତଥା ପ୍ରସିଦ୍ଧ ବ୍ୟକ୍ତିତ୍ୱ ମଧ୍ୟ ଲତା ଜୀଙ୍କ ଦେହାନ୍ତରେ ଦୁଃଖ ପ୍ରକାଶ କରିବା ସହ ସମବେଦନା ଜଣାଇଛନ୍ତି।

ସେଥିମଧ୍ୟରୁ ପାକିସ୍ତାନର ସୂଚନା ଏବଂ ପ୍ରସାରଣ ମନ୍ତ୍ରୀ ଚୌଧୁରୀ ଫୱାଦ ହୁସେନ୍, ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଭାଇ ଶାହବାଜ ସରିଫ, ପାକିସ୍ତାନୀ ସାଂସଦ ଶାରୀ ରେହମାନ । ଚୌଧୁରୀ ଫୱାଦ୍ ହୁସେନ୍ ଟ୍ୱିଟ୍ କରି କହିଛନ୍ତି ଯେ, ଲତା ମଙ୍ଗେସକର ସ୍ୱରର ରାଣୀ, ଯିଏ ଦଶନ୍ଧି ଧରି ସଙ୍ଗୀତ ଜଗତକୁ ଶାସନ କରିଥିଲେ। ତାଙ୍କ ସ୍ୱର ଭବିଷ୍ୟତରେ ଲୋକଙ୍କ ହୃଦୟକୁ ଶାସନ କରିବ ।

ଏହା ବ୍ୟତୀତ ପାକିସ୍ତାନ ଷ୍ଟେଟ ବ୍ରଡକାଷ୍ଟର ପାକିସ୍ଥାନ ଟିଭି ଏକ ସ୍ୱତନ୍ତ୍ର ପ୍ରୋମୋ ଚଳାଇ ଲତା ଜିଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛି। ସ୍ୱାସ୍ଥ୍ୟଗତ ସମସ୍ୟା ହେତୁ ଲତା ଜୀଙ୍କୁ ଗତ କିଛି ଦିନ ହେବ ମୁମ୍ବାଇର ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ଫେବୃଆରୀ 6 ରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ। ତାଙ୍କ ମୃତ୍ୟୁ ଖବରକୁ ନେଇ ଭାରତ ସମେତ ସାରା ବିଶ୍ୱରେ ତାଙ୍କ ପ୍ରଶଂସକମାନେ ନିରାଶ ହୋଇଥିଲେ।

ଦେଶ ତଥା ବିଶ୍ୱରେ ତାଙ୍କୁ ଭଲ ପାଉଥିବା ଲକ୍ଷ ଲକ୍ଷ ପ୍ରଶଂସକ ତାଙ୍କୁ ସୋସିଆଲ ମିଡିଆରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏଥିରେ ବହୁ ପ୍ରସିଦ୍ଧ ବ୍ୟକ୍ତିତ୍ୱ ଏବଂ ରାଜନେତା ଜଡିତ ଥିଲେ । ରବିବାର ସନ୍ଧ୍ୟାରେ ମୁମ୍ବାଇର ଶିବାଜୀ ପାର୍କରେ ତାଙ୍କ ଶବଦାହ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ମୁମ୍ବାଇରେ ପହଞ୍ଚି ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହା ବ୍ୟତୀତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ, ଶରଦ ପାୱାର, ଅମିତାଭ ବଚ୍ଚନ, ଶାହାରୁଖ ଖାନ ଏବଂ ଆମୀର ଖାନ ଉପସ୍ଥିତ ଥିଲେ।

Published On February 6, 2022