ପୁଣି ସୀମାରେ ଉଡିଲା ପାକ୍ ଡ୍ରୋନ , ସଜାଗ ସେନା
ସୀମାରେ ଆଶାନ୍ତି ପାଇଁ ଉଦ୍ୟମ କରିଚାଲିଛି ପାକ୍ । ପୁଣି ସୀମାରେ ପାକ୍ ଡ୍ରୋନ ଦେଖିବାକୁ ମିଳିଛି ।
ଚଣ୍ଡିଗଡ: ସୀମାରେ ଆଶାନ୍ତି ପାଇଁ ଉଦ୍ୟମ କରିଚାଲିଛି ପାକ୍ । ପୁଣି ସୀମାରେ ପାକ୍ ଡ୍ରୋନ ଦେଖିବାକୁ ମିଳିଛି । ଶନିବାର ମଧ୍ୟରାତ୍ରୀରେ ପଞ୍ଜାବ ଗୁରୁଦାସପୁର ସେକ୍ଟରରେ ଏହି ଡ୍ରୋନ ଉଡୁଥିବା ଦେଖିବାକୁ ମିଳିଥିଲା। ଡ୍ରୋନ ଶଦ୍ଦ ଶୁଣି ସଙ୍ଗେ ସଙ୍ଗେ ବିଏସଏଫ ଯବାନ ଗୁଳି ଚଳାଇବା ଆରମ୍ଭ କରିଥିଲେ, କିଛି ସମୟ ପରେ ଡ୍ରୋନଟି ଫେରି ଯାଇଥିଲା । ଏହା ପରେ ଓ ବିଏସଏଫ ଯବାନ ସୀମା ଅଞ୍ଚଳରେ ସର୍ଚ୍ଚ ଅପରେସନ ଜାରି ରଖିଛନ୍ତି ।
ଯବାନ ଗୁଳି ଚଲାଇବା ସହ 3ଟି ଲାଇଟ ବମ ନିକ୍ଷେପ କରିଥିଲେ । ମୋଟ 46 ରାଉଣ୍ଡ ଗୁଳି କରିଥିଲେ ଯବାନ । ତେବେ ଡ୍ରୋନଟି ପାକିସ୍ତାନ ଫେରି ଯାଇଥିବା ସୀମା ସୁରକ୍ଷା ସେନାର ଜିଆଇଜି ପ୍ରଭାକର ଯୋଶୀ ସୂଚନା ଦେଇଛନ୍ତି । ବର୍ତ୍ତମାନ ସୁଦ୍ଧା କୌଣସି ସନ୍ଦେହଜନକ ବସ୍ତୁ ମିଳିନାହିଁ ,ତଥାପି ସେନା ସଜାଗ ରହିଛି ।
ପାକିସ୍ତାନର ଆତଙ୍କବାଦୀ ସଂଗଠନ ଏବଂ ନିଶା ମାଫିଆମାନେ ଡ୍ରୋନ ଯୋଗେ ଭାରତକୁ ଅସ୍ତ୍ରଶସ୍ତ୍ର ଏବଂ ହେରୋଇନ ଚାଲଣ କରୁଛନ୍ତି । ଗତ କିଛି ମାସ ମଧ୍ୟରେ ଭାରତୀୟ ଯବାନମାନେ ଅମୃତସର ଏବଂ ଫିରୋଜପୁର ସେକ୍ଟରକୁ ପଶି ଆସିଥିବା ଏକାଧିକ ଡ୍ରୋନକୁ ଗୁଳିକରି ଖସାଇ ଦେଇଥିଲେ । ଡ୍ରୋନରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଏବଂ ହେରୋଇନ କରିଛି ଭାରତୀୟ ସେନା । ଦୁଇ ମାସ ମଧ୍ୟରେ ସେନା ଏଭଳି ଘଟଣା ଦେଖିବା ପରେ ଅଧିକ ସଜାଗ ରହିଛି। ତେବେ ଏହି ଡ୍ରୋନ କିଛି ସମୟ ମଧ୍ୟରେ ଗାୟବ ହୋଇଯାଇଥିବାରୁ ସେନା ହାତରୁ ଖସି ଯାଇଥିଲା।
Click it and Unblock the Notifications
Sign in with Google