ପହଲଗାମ୍ ଆତଙ୍କବାଦୀ ଆକ୍ରମଣ: ନିନ୍ଦା କଲେ ଟ୍ରମ୍ପ, ପୁଟିନ୍

ପହଲଗାମ୍ ଆତଙ୍କବାଦୀ ଆକ୍ରମଣକୁ ବିଭିନ୍ନ ରାଷ୍ଟ୍ରମୁଖ୍ୟ ନିନ୍ଦା କରିଛନ୍ତି । ଆତଙ୍କୀ ହମଲାକୁ ହୃଦୟ ବିଦାରକ କହିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେହିପରି ଗଭୀର ଶୋକପ୍ରକାଶ କଲେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ।

ଇଟାଲୀର ପ୍ରଧାନମନ୍ତ୍ରୀ ଜର୍ଜିୟା ମେଲୋନୀଙ୍କ ଏହି ଘଟଣାର ନିନ୍ଦା କରି କହିଛନ୍ତି, ଆଜି ଭାରତରେ ହୋଇଥିବା ଆତଙ୍କବାଦୀ ଆକ୍ରମଣରେ ମୁଁ ଗଭୀର ଦୁଃଖିତ, ଏହି ଆକ୍ରମଣରେ ଅନେକ ଲୋକଙ୍କର ମୃତ୍ୟୁ ହୋଇଛି । ଇଟାଲୀ ପ୍ରଭାବିତ ପରିବାର, ଆହତ, ସରକାର ଏବଂ ସମସ୍ତ ଭାରତୀୟ ଜନତାଙ୍କୁ ସମବେଦନା ଜଣାଉଛି।"

ଜମ୍ମୁ ଏବଂ କଶ୍ମୀରର ପହଲଗାମରେ ପର୍ଯ୍ୟଟକଙ୍କ ଉପରେ ଆକ୍ରମଣ ଘଟଣାକୁ ୟୁଏଇ ଦୃଢ଼ ନିନ୍ଦା କରିଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତିରେ ଦୃଢ଼ ଭାବରେ କହିଛି ଯେ UAE ଏହି ଅପରାଧିକ କାର୍ଯ୍ୟଗୁଡ଼ିକୁ ଦୃଢ଼ ଭାବରେ ନିନ୍ଦା କରେ ଏବଂ ଅନ୍ତର୍ଜାତୀୟ ଆଇନର ଉଲ୍ଲଂଘନ କରି ସୁରକ୍ଷା ଏବଂ ସ୍ଥିରତାକୁ ନଷ୍ଟ କରିବା ପାଇଁ ଲକ୍ଷ୍ୟ ରଖିଥିବା ସମସ୍ତ ପ୍ରକାରର ହିଂସା ଏବଂ ଆତଙ୍କବାଦକୁ ସ୍ଥାୟୀ ଭାବରେ ପ୍ରତ୍ୟାଖ୍ୟାନ କରେ।