ପହଲଗାମ ଆତଙ୍କବାଦୀ ଆକ୍ରମଣ: ଖେଳାଳି ପିନ୍ଧିବେ କଳା ପଟି ବାଜିବ ନାହିଁ ଡିଜେ, ହେବା ନୀରବ ପ୍ରାର୍ଥନା

IPL 2025: ପହଲଗାମ ଆତଙ୍କବାଦୀ ଆକ୍ରମଣ ଘଟଣା ସାରା ବିଶ୍ୱକୁ ଆଶ୍ଚର୍ଯ୍ୟ କରିଛି । ଆଜି ସମଗ୍ର ଦେଶରେ ଶୋକାକୁଳ ପରିବେଶ ରହିଛି । ଅନେକ ଖେଳାଳୀ ଏହି ଘଟଣାର ନିନ୍ଦା କରି ସୋସିଆଲ ମିଡିଆରେ ପୋଷ୍ଟ ମଧ୍ୟ ସେୟାର କରିଛନ୍ତି । ଆତଙ୍କବାଦୀ ଆକ୍ରମଣ ପରେ ଆଜି IPL ମ୍ୟାଚରେ ଅନେକ ପରିବର୍ତ୍ତନ କରାଯାଇଛି ।

ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ସମ୍ପର୍କରେ ଇଣ୍ଡିଆନ୍ ପ୍ରିମିୟର ଲିଗ୍ ଅନେକ ବଡ଼ ନିଷ୍ପତ୍ତି ନେଇଛି। ଏହି ଆତଙ୍କବାଦୀ ଆକ୍ରମଣରେ ୨୬ ଜଣ ନିର୍ଦ୍ଦୋଷ ଲୋକଙ୍କ ମୃତ୍ୟୁ ହୋଇଛି। ଅନେକ ଲୋକ ଆହତ ମଧ୍ୟ ହୋଇଛନ୍ତି। ଏପରି ପରିସ୍ଥିତିରେ, ମୃତକଙ୍କ ପରିବାର ପ୍ରତି ସମବେଦନା ଜଣାଇବା ପାଇଁ IPL ଅନେକ ଗୁରୁତ୍ୱପୂର୍ଣ୍ଣ ଏବଂ ବଡ଼ ନିଷ୍ପତ୍ତି ନେଇଛି।

ଆଜି IPL 2025 ରେ ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ଏକ ମ୍ୟାଚ୍ ଅଛି। ଏହି ମ୍ୟାଚ୍ SRH ହୋମ ଗ୍ରାଉଣ୍ଡ ରାଜୀବ ଗାନ୍ଧୀ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯିବ। ଆଜିର ମ୍ୟାଚ୍‌ରେ ଷ୍ଟାଡିୟମ୍‌ରେ ଡିଜେ ବାଜିବ ନାହିଁ ।

ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ମ୍ୟାଚ୍ ଆରମ୍ଭ ହେବା ପୂର୍ବରୁ, ପହଲଗାମ ଆତଙ୍କବାଦୀ ଆକ୍ରମଣରେ ମୃତକଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇବା ପାଇଁ ଏକ ମିନିଟ୍ ନୀରବ ପ୍ରାର୍ଥନା ପାଳନ କରାଯିବ।

ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ହେବାକୁ ଥିବା ମ୍ୟାଚ୍‌ରେ ସମସ୍ତ ଖେଳାଳି ହାତରେ କଳା ପଟି ପିନ୍ଧିବ ପଡ଼ିଆକୁ ପ୍ରବେଶ କରିବେ। ଖେଳାଳିମାନଙ୍କ ବ୍ୟତୀତ, ଅମ୍ପାୟାରମାନେ ମଧ୍ୟ ଆତଙ୍କବାଦୀ ଆକ୍ରମଣର ଶିକାର ହୋଇଥିବା ଲୋକଙ୍କ ପ୍ରତି ସମବେଦନା ଜଣାଇବା ପାଇଁ ପଡ଼ିଆକୁ ପ୍ରବେଶ କରିବା ସମୟରେ ହାତରେ କଳା ପଟି ପିନ୍ଧିବେ।

ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍‌ରେ କୌଣସି ଆତସବାଜି ହେବ ନାହିଁ। ଆଜି ହାଇଦ୍ରାବାଦ ଏବଂ ମୁମ୍ବାଇ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍‌ରେ, ପହଲଗାମ ଆତଙ୍କବାଦୀ ଆକ୍ରମଣକୁ ଦୃଷ୍ଟିରେ ରଖି ଚିୟରଲିଡର୍ସଙ୍କ ଦ୍ୱାରା କୌଣସି ନୃତ୍ୟ ହେବ ନାହିଁ।