ପହଲଗାମ ଆତଙ୍କୀ ହମଲାକୁ ନିନ୍ଦା, ଜାଣନ୍ତୁ ଘାଟିରେ ବଡ଼ ଆତଙ୍କୀ ଆକ୍ରମଣ ଇତିହାସ

Published: Wednesday, April 23, 2025, 15:56 [IST]

ଜମ୍ମୁ-କାଶ୍ମୀର ପହଲଗାମ ଆତଙ୍କବାଦୀ ଆକ୍ରମଣ ପରେ ସାରା ବିଶ୍ୱରୁ ଭାରତ ପ୍ରତି ସମର୍ଥନ ଆସୁଛି । ଆତଙ୍କୀ ହାମଲାରେ 26 ଜଣଙ୍କୁ ନିର୍ମମ ଭାବେ ହତ୍ୟା କରିଛନ୍ତି ଆତଙ୍କବାଦୀ । ଏପଟେ ସାଉଦି ଆରବ ଗସ୍ତ ଅଧାରୁ ଛାଡି ସ୍ବଦେଶ ଫେରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ସମଗ୍ର ବିଶ୍ୱରୁ ଭାରତକୁ ସମର୍ଥନ, ଆକ୍ରମଣକୁ ନିନ୍ଦା-

ଆମେରିକା, ଋଷ, ୟୁଏଇ, ଇରାନ, ନେପାଳ, ଶ୍ରୀଲଙ୍କା, ଇସ୍ରାଏଲ, ନ୍ୟୁଜିଲାଣ୍ଡ, ଅଷ୍ଟ୍ରେଲିଆ, ବ୍ରିଟେନ ଏହି ଆକ୍ରମଣକୁ ନିନ୍ଦା କରିଛନ୍ତି । ଏହା ସହିତ ଆତଙ୍କବାଦ ବିରୋଧ ଲଢେଇରେ ଭାରତ ସହିତ ସମସ୍ତେ ଠିଆ ହୋଇଛନ୍ତି । ଏପଟେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ଫୋନରେ ଆକ୍ରମଣ ନେଇ ବାର୍ତ୍ତାଳାପ କରିଛନ୍ତି । ଆମେରିକା ରାଷ୍ଟ୍ରପତି ଲେଖିଛନ୍ତି, କାଶ୍ମୀର ଖବର ଶୁଣି ମୁଁ ଗଭାର ଭାବେ ମର୍ମାହିତ । ଆମେରିକା ଏହି ସମୟରେ ଭାରତ ସହିତ ଠିଆ ହୋଇଛି ।

ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ, ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ଋଷ ଏହି ସମୟରେ ଠିଆ ହୋଇଛି ବୋଲି ଲେଖିଛନ୍ତି । ଏପରି ଦୁଃଖଦ ସମୟରେ ପରିବାର ସଦସ୍ୟମାନଙ୍କ ପ୍ରତି ଋଷ ରାଷ୍ଟ୍ରପତି ଗଭୀର ସମବେଦନା ଜଣାଇବା ସହ ମୃତକଙ୍କ ଅମର ଆତ୍ମାର ସଦଗତି କାମନା କରିଛନ୍ତି । ଏହା ସହିତ ନେପାଳ, ଇରାନ ଏବଂ ୟୁଏଇ ଭାରତ ସହିତ ଏହି ଘଡିସନ୍ଧି ମୁହୂର୍ତ୍ତରେ ଠିଆ ହୋଇଛନ୍ତି ।