ଆସାମ, ବିହାର ବନ୍ୟା :ପ୍ରଭାବିତ ଅଚଂଳରେ ସେନା ୫୦୦ ଲୋକଙ୍କୁ କରିଲାଣି ଉଦ୍ଧାର

ବିହାର ବନ୍ୟା ସାଧାରଣ ଲୋକଙ୍କ ଜୀବନଶୈଳୀକୁ ବେଶ୍‌ ପ୍ରଭାବିତ କରିଛି। ସେନା ଏବଂ ଅର୍ଦ୍ଧସାମରିକ ବାହିନୀ ଆସାମ ରାଇଫଲ୍ସ ଅପରେସନ୍ ଜଳରାହାଟ-୨ର ଦ୍ୱିତୀୟ ଦିନରେ ମଣିପୁରର ଇମ୍ଫାଲ ପୂର୍ବ ଏବଂ ଇମ୍ଫାଲ ପଶ୍ଚିମ ଜିଲ୍ଲାରେ ସେମାନଙ୍କର ବ୍ୟାପକ ବନ୍ୟା ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଯେଉଁଥିରେ ଶିଶୁ ଏବଂ ବୃଦ୍ଧଙ୍କ ସମେତ ୫୦୦ରୁ ଅଧିକ ନାଗରିକଙ୍କୁ ଉଦ୍ଧାର କରାଯାଇଛି। କର୍ମଚାରୀମାନେ ୱାଙ୍ଗଖେଇ, ହିଙ୍ଗାଙ୍ଗ, ଲାମଲଙ୍ଗ, ଖୁରାଇ, ଜେଏନଆଇଏମଏସ୍ ଏବଂ ଆହାଲୁପ୍‌ ଭଳି ଗୁରୁତର ଜଳପ୍ଳାବିତ ଅଞ୍ଚଳରୁ ସାଧାରଣ ଲୋକଙ୍କୁ ଉଦ୍ଧାର କରିଛନ୍ତି, ଅଧିକାରୀମାନେ କହିଛନ୍ତି ।

ରବିବାର ଦିନ ଅଧିକାରୀମାନେ ନିଶ୍ଚିତ କରିଛନ୍ତି ଯେ, କିଛି ଦିନ ଧରି ଚାଲିଥିବା ଲଗାତର ମୌସୁମୀ ବର୍ଷା ଯୋଗୁ ଉତ୍ତର-ପୂର୍ବରେ ଅତି କମରେ ୨୫ ଜଣଙ୍କର ମୃତ୍ୟୁ ହୋଇଛି, ଯାହା ଫଳରେ ବ୍ୟାପକ ଭୂସ୍ଖଳନ ଏବଂ ବନ୍ୟା ସୃଷ୍ଟି ହୋଇଛି। ମଣିପୁରରେ, ତିନି ଦିନ ଧରି ଲଗାଣ ବର୍ଷା ଯୋଗୁଁ ରାଜ୍ୟ ରାଜଧାନୀ ଇମ୍ଫାଲରେ ଦୈନନ୍ଦିନ ଜୀବନ ଠପ୍ ହୋଇଯାଇଛି। ସହରର ବିଭିନ୍ନ ସ୍ଥାନରୁ ଜଳବନ୍ଦୀ ହୋଇଥିବା ଖବର ମିଳିଛି, ଯାହା ଫଳରେ କର୍ତ୍ତୃପକ୍ଷ ବନ୍ୟା ଚେତାବନୀ ଜାରି କରିଛନ୍ତି ଏବଂ ଇମ୍ଫାଲ ନଦୀର ବନ୍ୟା କୂଳରେ ରହୁଥିବା ବାସିନ୍ଦାଙ୍କୁ ସ୍ଥାନାନ୍ତର କରିବାକୁ ଅନୁରୋଧ କରିଛନ୍ତି।